ORDONANȚA MILITARĂ NR. 10 / 27.04.2020

Art.1 – (1) Urdinarea-a oamiñiloru cari umplurâ ilikia di 65 di añi, nafoara-a casillei/ nicukiratâllei, easti cu izini mași tu catastisili pruvidzuti ma nghiosu.

Eugen Cojocariu, 28.04.2020, 09:27

(2) Cari ți s’hibâ vahtea di oari, urdinarea-a oamiñiloru cari umplurâ ilikia di 65 di añi, nafoara-a casillei/nicukiratâllei, easti cu izini mași trâ aesti furñii:

a) urdinarea ti sinferu profesional, kiola și anamisa di casâ/ nicukiratâ și loclu/locârli iu ș’dizvârteaști huzmetea profesionalâ și nâpoi, catacum și tru condițiili art.1 alin.(1), (2) și (5) ditu Ordonanța militară nr.8/2020 mutrindalui meatrili ta s’nu s’arâspândeascâ COVID-19;

b) urdinarea ti asistență medicalâ cari nu poati s’hibâ amânatâ și niți s’hibâ adratâ di largu, nica și yitripserli oncologhiți planificati, dializâ etc./și alti ahtări, ufilisindalui hâlățli di transportu n’comunu, hâlățli a lui ișiși di urdinari/ purtari icâ ali familie/susțânâtorloru icâ, dupâ caz, hâlățli di transportu sanitar spețialu destinat;

c) urdinarea tra s’adarâ huzmețli agricoli;

d) urdinarea’a producătorlor agricoli trâ vindeari produsi agroalimentari.

(3) Tru vahtea di oari 07.00-11.00 și 19.00-22.00 urdinarea’a oamiñiloru cari umplurâ ilikia di 65 di añi, nafoara-a casillei/nicukiratâllei, easti cu izini mași trâ aesti furñii:

a) urdinarea tra asiguripseari bunuri cari anvâlescu anânghiserli di thimelliu a oamiñiloru și a prăvdzâloru di compañie/domestiți, nica și urdinarea tru condițiile art.1 alin.(3) și (5) ditu Ordonanța militară nr.8/2020 mutrinda meatrili tra s’nu s’arâspândeascâ COVID-19;

b) urdinarea ti furñii ntimilleati, catacum mutrearea cilimeañiloru/ icâ nkiseari calea cu ñițlli, asistența ti alțâ oamiñi tu ilikie, lândziț icâ sicaț, ili ma s’aibâ muritâ unu ditu fumealle;

c) șcurti urdinări, aproapea di casâ/nicukiratâ, ligati di activitatea fizicâ individualâ a oamiñiloru (ma pțâñu activităț fiziți tu parei/colective), ama și ti ațeali ți au ananghi prăvdzâli di compañie/domestiți.

(4) Trâ s-veadâ cari easti itia a urdinarillei tru catastisili pruvidzuti la alin. (2) și (3), s’bagâ tu practico cu uidiseari dispozițiile art. 4 ditu Ordonanța militarâ nr. 3/2020 mutrindalui meatrili ta s’nu s’arâspândeascâ COVID-19.

(5) Meatrili s’bagâ tu practico ahurhindalui cu data anda easti tipusitâ aestâ ordonanțâ militarâ tru Monitorlu Ufițialu a Româniillei, Partea I.

Art.2 – (1) Operatorlli icunomiț cari vindu alimenti și produsi di mari ananghi și cari ș’dizvârtescu huzmetea tru condițiile apufusiti pritu ordonanți militari tru kirolu a catastisillei di ananghi lipseaști s’ndreagâ programlu di lucru tra s’licșureadzâ și s’asiguripseascâ, tu amprotusa, acceslu/ izinea’a oamiñiloru tu ilikia di 65 di añi ș’cama, tru vahtea di oari 07.00-11.00 și 19.00-22.00.

(2) Apofasea s’bagâ tu lucru ahurhindalui cu dzuua-a anda easti publicatâ aestâ ordonanțâ militarâ tru Monitorlu Ufițialu a Româniillei, Partea I.

Art.3 – (1) S’lundzeaști apofasea ti curmarea azboiurli ți li facu operatorlli icunomiț aerieni câtâ Spañia și ditu Spañia câtâ România, trâ tuti aeroporturli ditu România, trâ un kiro di 14 dzali, ahurhindalui cu data di 28 apriliu 2020, până la data di 11 di maiu 2020, inclusivu.

(2) S-lundzeaști apofasea ti curmari azboiurli câtâ Austria, Belgia, Confederația Elvețiană, Statele Unite ale Americâ, Regatlu Unit ali Marii Britañii și al Irlandâllei di Nordu, Regatlu a Țărloru di Nghiosu, Turchia și Iran și ditu aesti stati câtâ România, tra tuti aeroporturile ditu România, trâ un kiro di 13 dzâli, ahurhinda cu data di 2 mai 2020, până la data di 14 di mai 2020, inclusivu.

(3) S-prilundzeasti apofasea ti curmari azboiurli câtâ Italia și ditu aestu cratu câtâ România, trâ tuti aeroporturli ditu România, trâ un kiro di 12 dzâli, ahurhinda cu data di 3 mai 2020, până la data di 14 mai 2020, inclusivu.

(4) S-lundzeasti apofasea ti curmari azboiurli câtâ Franța și Germania și ditu aesti stati câtâ România, trâ tuti aeroporturli ditu România, trâ un kiro di 10 dzali, ahurhindalui cu data di 5 mai 2020, până la data di 14 mai 2020, inclusivu.

(5) Meatrile pruvidzuti la alin. (1) — (4) nu s-bagâ tu practico ti azboiurli ți s’ fac cu aeronave di stat, azboiurli ți poartâ pârmâtii și corespondență, umanitarâ icâ asiguripsescu serviții medicale di urgență, serviții tehniți, catacum și dipunerli tehniți nicomerciale.

Art.4 – (1) Tu kirolu a catastisillei di ananghi, pitrițerli poștale nregistrate pot s’hibâ pridati a distinatarilor di personalu C.N. Poșta Română S.A. pritu bâgarea tru câsica poștală i, ma s’nu aibâ aestâ, pritu afișarea la adresa a deistinatarlui, cu excepția actiloru di procedură.

(2) C.N. Poșta Română S.A. u-ari borgea s’apufuseascâ cadrulu instituționalu și răspundirea trâ turlia tru cari s’dizvârteaști huzmetea pruvidzutâ la alin.(1).

(3) Apofasea s’bagâ tu practico ahurhindalui cu data publicarillei prezenta ordonanțâ militarâ tru Monitorlu Ufițial a Româniillei, Partea I.

Art.5 – La data anda easti publicatâ prezenta ordonanțâ militarâ tru Monitorlu Ufițial a Româniillei, va ș’dânâseascâ bâgarea tu practico:

a) pruviderli art. 2 și art. 3 ditu Ordonanța militară nr. 3/2020 mutrinda meatri ta s’nu s’arâspândeascâ COVID-19, publicată tru Monitorlu Ufițial a Româniillei, Partea I, nr. 242 ditu 24 marțu 2020;

b) pruviderli art. 1 și art. 2 ditu Ordonanța militară nr. 4/2020 mutrinda meatri ta s’nu s’arâspândeascâ COVID-19, publicată tru Monitorlu Ufițial a Româniillei, Partea I, nr. 257 ditu 29 marțu 2020.

Art.6 – (1) Suntu axiziti s’asiguripseascâ bâgarea tu practico și tinisearea- pruviderloru ditu prezenta ordonanțâ militarâ:

a) Poliția Română, Jandarmeria Română și poliția locală, tra meatrile pruvidzuti la art. 1;

b) Poliția Română, Jandarmeria Română, poliția locală și Autoritatea Națională tra Protecția Consumatorului, tra apofasea pruvidzutâ la art. 2;

c) Ministerul Transporturilor, Infrastructurii și Comunicațiilor, tra apofasea pruvidzutâ la art. 3;

(2) Nitiñisearea-a meatrilor pruvidzuti la art.1 — 3 duți la dari giueapea disțiplinaru, țivilu, contravenționalu i penalu, simfunu cu pruviderli art.27 ditu Ordonanța di ananghi a Guvernului nr. 1/1999, cu alâxerli și adâvdzerli di ma nâpoi.

(3) Personalul a instituțiilor pruvidzuti la alin. (1) easti axizitu s’veadâ desi suntu contravenții și s’bagâ tu practico sancțiuni, simfunu cu pruviderli art. 29 ditu Ordonanța di ananghi a Guvernului nr. 1/1999, cu alâxerli și adâvdzerli di ma nâpoi.

Art.7 – (1) Prezenta ordonanțâ militarâ s’publicâ tru Monitorlu Ufițial a Româniillei, Partea I.

(2) Furnizorllii di serviții media audiovizuali au borgi ta s’hâbâriseascâ publiclu, pritu mesaji difuzati regulat, tra nai pțânu 2 dzâli di la data-a publicarillei, ti ncurpilleaticlu/ conținutlu a prezentâllei ordonanțâ militarâ.

Ngrâpsearea: Eugen Cojocariu

Armânipsearea: Tașcu Lala