“DZuua Ascultătorului” 2018 la Radio România Internaţional
Vruţ soţ, dumânică, pi 4 noiembrie/brumar 2018, vă aştiptăm la «DZuua Ascultătorului» la Radio România Internaţional, la care hiţ câlisiţ/vâ grim să participaţ cu ună contribuţie dispri rolul a radioului tru bana a dumnil’ilor a voastre.
Eugen Cojocariu, 05.10.2018, 21:53
La 1 noiembrie 2018 se împlinescu 90 di ani di la prima emisiune radiofonică ofiţială transmisă din România. 90 di ani împlin’i de istorie, tru care profesioniştil’i a Radioului fură dipriună arada di public şi în care Radioulu fu ună gh’ilie trâ videare a epoţâlor prin care are tricută România. Radioulu are tricută prin perioada interbelică, apoia are bânată an’il’i a ultimului polim mondial, epoca postbelică, are bânată decheniile di comunismu din România şi de polim araţe, are asistată tru andreu 1989 la cadearea a reghimului comunistu, apoia la transformările spri democraţie a li Românie. Di la vecl’iul aparat di radio a bun’ilor pâpân’i aguimsim la radio ascultat pi telefonulu mobil. Iar cându vrem să căftăm un postu di raido putem să apelăm la asistenţâl’i vocali!
Boaţea care vâ are spusă ţe si faţe în România, vâ u are explicată România şi a mutri totna să vă aproache di ea fu şi easte Radio România Internaţional. Di aţea aform’ie tru ediţia di anulu aestua a «Dzuăl’ei a Ascultătorului» la RRI vă întribăm care easte rolulu a radioului tru bana a dvs., respectiv ţe înseamnă RRI trâ dvs.
Scrieţâ-nă opiniile personale. Vă aştiptăm cu interes răspunsurile tra să li includim în programile a noastre! Eale pot să hibă pitricute prin e-mail, la arom@rri.ro………., pi Facebook sau directu pri-tru formularul di răspunsu di pi site-ul RRI, www.rri.ro. Mulţan’iisim!
Autor: Eugen Cojocariu
Armânipsire: Hristu Steriu
