L’irtări şi stipseri pi sţena politică
Vartosu contestată tra turlia tru cari cilastasi Jardarmeria di sum cumandul a l’ei la protestul antiguvernamental a diasporal’ei dit 10 di august, ministrul di Interne, Carmen Dan, prezenta elemente dit un raportu tru ligatura cu evenimentili, ti toradioara suntu tanuti secret. Andicra di alte ori, purtaticlu a duneaual’ei di protestatari vrea s-hiba tora alta turlie, spusi Carmen Dan, dupu minduita a nasal’ei manifestanţal’ii irin’eatit fura cu reticenţa tra s-traga napoi dit pareia a elementilor agresive, ase că misiunea di izolare şi di extradzeari/ scuteari a persoanelor prescavi fu zorlea si nica si imposibil di realizat. Galeriile di fotbal giucara un rol importantu tru prescavii. Yinearea a lor nu s-feati organizat, exighisi Carmen Dan, luctru ti ambudyiusi Jandarmeria s-la angardeasca intrarea tru zona a protestului.
Ştefan Stoica, 20.08.2018, 12:36
Raportul a autorităţilor agiundzi pi isapea că protili manifestări prescavi s-nregistrara după-prandzu, când s-ar bagarazori ta s-intra tru pareia a jandarmilor cu scupolu tra s-intra tru uborlu a Guvernului. Incidentili şi provocările dfusira ma largu până la oara 22:00 cându s-feati atea dit soni grita di somaţie di partea a jandarmilor, nica spusi ministrul Dan, iar arada fu ndreapta noaptea amantu. 450 di persoane avura ananghi di asistenţă medicală dinintea a loclui, tru seara a protestului, iara di aeşta 33 fura jandarmi.
Ia ti spusi Ministrul Carmen Dan: Va s-ahurhescu prit atea ca voi s-parastisescu scuzili a meali la tut atel’i cari trapsira di itia a priscaviilor dit stămâna ti tricu, s-hiba nasi tivil’i ica jandarmi militari. Andicra di acţiunile a jandarmilor mintiţ tru misiunea dit data di 10 agustu s-ahurhi una verificari internă şi până tru aestu kiro fura aflati tinti catastisi susceptibile di comiterea di abuzuri contra a nascantor persoane cari nu featira priscaqvii. Ministrul sapusi ca nu suntu cadealihea, di alta parti, atea ti numasi falsuri şi araderi/ minciuni, cari urdinara em tru mediul online emu tru mass-media şi lugursi că tru ligatura cu intervenţia dit 10 di agustu lipseasti s-hiba faptu ahoryea averlu andicra di manipulare.
Prezidentul USR, di opoziţie, Dan Barna, al’i cafta diznau demisia a ministrului Dan, ti u stipseasti că mindueasti s-ascunda borgea a Jandarmeriil’ei tra gazarea şi brutalizarea a manifestanţalor irin’eatit. Tru una postare pe Facebook, el scrie că easti inadmisibil s-arut cabatea tra atea ti s-fati pi zverca a manifestanţalor irin’eatit, sa stipsesta victimili a represiunil’ei.
Şi prim-viteprezidentul liberal, Raluca Turcan, lugurseasti că Jandarmeria fu discreditată, a deapoa tuta borgea politică u ari ministrulu di interne, Carmen Dan, şi prezidentul di la Camera a Deputaţlor, Liviu Dragnea, omlu furteata a PSD. Aproapea 300 di oamin’i dipusira plândzeri penale contra a jandarmilor. Ari multi nregistrări video cu oamin’ni ti sedu mpadi ica cu mân’ile ndzeana tra sa spuna proba că nu au cabati şi cari suntu agudit cu priscavil’e di jandarmi.
Aesti imagini demonstrează fără putinţă di tăgadă că forţali di arada lucrara disproporţionat, stipseasti prezidentul Klaus Iohannis şi partidile di opoziţie. Tru apandisi, PSD denunţă una asi dzasa tentativă di surpari cu zorea a gu în vernului legitim.
Autor: Ştefan Stoica
Armanipsearea: Tascu Lala
