Habari dit bana romaneasca si internationala
BUCURESTI — Cumandusearea a PSD, numirlu una tru cabinetlu di stanga PSD — ALDI di Bucuresti, apufusi una rezoluţie tru cari şi spuni andrupamintul tra guvernul di coaliţie şi programlu di guvernare şi cundil’eadza că ş-baga tru practico angajamentele ti s-li lo andicra di electorat. Uidisitu cu PSD, Produslu Internu Brut easti ma mare andicra di atel estimat, dificitul bugetar easti ma n’ic di 3%, fura thimil’iusiti cama di un cirec di miliuni di nai locuri di lucru şi criscura tin’iili di cafi mes tru sănătate, educaţie şi cultură. Premierul Mihai Tudose cundil’e că proiectul a nomlui ti bugetlu di stat tra anlu ti yini va s-poata s-hiba parastisitu a Parlamentului tru nai cama multu dzati dzali. El spusi tra naulu Cod fiscal adoptat tora ayon’ea, cari pruveadi, prota s-prota, transferlu pan di mardzina a contributiilor sociale di la angajator la angajat si n’icsurarea a impozitului pe venit di la 16 la 10%. Dit opozitie, PNL spuni ca executivul PSD — ALDI u destabiliza economia si dipusi una motiune di cenzura contra a aistei, andrupata si di USR, PMP si nascanta independinta. Uidistu cu semnatarl’i, hairlatitli a unei creaştiri economica substanţiala fura curmati di meatrili lugursiti populiste şi haotiti a guvernului. Opozitia spune ca un program di guvernare cari taxea cristearea a tin’iilor di cafi mes dusi la scăderi tra tin’iili di cafi mes ica, tru nai cama haracoplu caz, la n’it majorări, si că investiţiile publiti suntu la un minim istoric. Easti prota motiune di cenzura cu cari s-ampuliseasti cabinetlu Tudose, doilu a majoritatil’ei PSD — ALDI thimiliusita dupa alidzerli parlamentari di anlu ti tricu.
Ştefan Stoica, 18.11.2017, 17:16
BUCURESTI — Stamana ti yini s-discl’idi, Bucuresti, a XXIV-a editie a Panayirlui Internaţional Gaudeamus – Carti di Înviţătură, organizat di Radio România. Va s-hiba prezenta 300 di expozanta si va s-tana cama di 800 di evenimente editoriale şi profesionale. Spun tra videari edituri româneşti cu tradiţie, instituţii di înviţămintu, difuzori di carte şi publicaţii, asociaţii profesionale şi organizaţii active dit domeniile tra cultură şi educaţie. Prezidentul di tin’ie a Panayirlui va s-hiba mult canascutlu dramaturgu şi jurnalistu Matei Vişniec, a deapoa statutlu di oaspi di tin’ie a evenimentului lu-ari tru aestu an Comisia Europeană. Va s-hiba nsimnat ase, 60 di ani di la simnarea a Tratatilor di Roma, 3 dechenii di la lansarea a programlui Erasmus şi 10 an’i di la aderarea ali Românie la forlu comunitar, declara şefa a reprezentanţal’ei tru România a CE, Angela Cristea.
Bucuresti — Tru Romania, tru aesta 10 an’I dit soni, bitisira liceulu 1,9 milioane di cilimean’i, dit cari aproapea 900 di n’il’I nu loara Bacalaureatlu, declara, sambata, Iasi (est), ministurlu ali Educatie, Liviu Pop. El nica spusi ca, di aesta furn’ie, expertal’i a ministerlui lucreadza la naili planuri-cadru tra învitămintul liceal. Pop cundil’e că, dit 15 di andreu, aesti planuri va s-hiba bagati tra dezbateri publică, a deapoa va s-hiba angrapsiti diznau programele scolare valabile di anlu ti yini tra învitămintul liceal.
Autor: Stefan Stoica
Armanipsearea: Tascu Lala
