Diplomaţia română, andamusita Bucureşti
Prezidentul Klaus Iohannis parastisi, Bucuresti, obiectivele politicii externe româneşti, tru cadrul ali andamusi cu şefii di misiuni şi consulii generali ali Românie tru xinatati, prilejuită di Reuniunea Anuala a Diplomaţiei Române. El la dimanda a aistoru că suntu tru nai ma bună poziţie tra s-ndrupasca relaţia transatlantică şi sumlinie că România lipseasti s-aibă şi una abordare unitară tru relaţia cu Rusia. Provocările şi fuvirserli dit apirita, ama şi riscurile dit vitinătatea sudică arman s-ma largu, spusi Klaus Iohannis dinintea a reprezentanţalor ali diplomaţie române, a curi la cafta una implicare rapidă, responsabilă şi inovatoare tra s-li contracareadza, aatea turlie ca obiectivele ali Românie s-hiba realizate. Şeflu a statlui cundlie că idyea implicare easti ananghi si tru cazlu a provocărilor interne ale UE, respectiv Brexit şi relansarea a proiectului european.
Mihai Pelin, 31.08.2017, 12:15
Ia ti spusi Klaus Iohannis: “Ca diplomaţi, easti important s-va harisiţ di un avantaj ahoryea, care lipseasti tănut cu iti paha: poziţia ali Românie di stat stabil dit punct di videala politic, cu una creştere economică importantă, care continuă, cu sincope, anvartusearea a statlui di drept. Cara păstrarea a aistoru atuuri arămâne maxus tru responsabilitatea politică a guvernului şi a coaliţiei majoritare, păstrarea a predictibilitatil’ei tru politica externă şi di securitate ali Românie, ca stat pi care poate s-iba besa, easti şi borgea a voastră.” Idyealui cum si anli’i tricuţ, aprofundarea a Parteneriatului strategic cu SUA armâne una prioritate a political’ei externe, maxus tru contextul a vizital’ei pi care Klaus Iohannis u feati Washington tru meslu cirisar şi a discuţiilor avute cu prezidentul Donald Trump. Di altă parte, România lipseasti s-aiba contributie activa la proceslu di reflecţie mutrindalui yinitorul UE, considiră şeflu a statului. Easti ananghi di una Europă vartoasă, ma aproapea di cetăţen’il’i a l’ei şi ma ghini profilată pe plan mondial.
Diznau Klaus Iohannis: “Lipseasti s-him deadun cu ateali state membre care acţionează tra consolidarea ali Uniuni. Cu cât va s-hima ma aproapea di aestu nucleu di state, cu ahât va s-putem s-avem subeie ma mari tru procesul dicizional european şi va s-avem ma multe şanse di dizvoltare. Europa ari ananghi di una cât cama mare capacitate di adaptare, tra s-poata s-nastreaca provocările actuale. Instrumentele a aistei adaptări lipseasti ahtari turlie minduiti tra s-hibă evitată una creştere şi ma mare a decalajelor anamisa di statele membre.”
idisitu cu ministrului di Externe, Teodor Meleşcanu, ndridzearea a Centenarlui ali Mari Uniri, preşedentil’ea română a Consiliului UE, tru 2019, candidatura a vasiliil’ei tra un loc di membru nepermanent tru Consiliul di Securitate ONU şi candidatura la OCDI reprezintă prtl’I “sturi” tra diplomaţl’i români.
Autor: Mihai Pelin
Armanipsearea: Tascu Lala
