Habari dit bana romaneasca si internationala
Washington – Departamentul di Stat ali SUA vulusi vindearea tra România a nascantor sisteme mobile di artilerie cu rachete tru valoare di 1,25 di miliardi di dolari, dimanda, viniri, Agenţia Americană tra Cooperare tru domeniul ali Apărari şi Securitati, cari lucreadza sum cumandul a Pentagonlui. Lockheed Martin easti protlu contractor tra sistemlu di armamentu. România şi spusi vrearea tra s-ancumpăra până la 54 di dispozitive lansatoare di rachete cu analtă mobilitate, cum şi servicii şi echipamente conexe, cundil’e Agentia a Pentagonlui aleapta di Reuters. Tu 1 di agustu, Consiliul Suprem di Apărare a Ţării, andamusitu Bucuresti, sum conducerea a prezidentului Klaus Iohannis, vulusi Planlu di armatuseari a Armatal’ei ali Românie tra perioada 2017–2026. Planlu acata tru isapi angajamentul ti s-lu loara tru 2015 tuti partidile politice tra s-ahardzeasca 2% dit PIB ti sectorlu ali apărarii ahurhindalui di estan, ama şi optu programe majore di armatuseari. Anamisa di aesti s-aradapsescu ancupararea di sisteme di rachete Patriot dit Statele Unite şi 36 di avioane multirol F-16.
Leyla Cheamil, 19.08.2017, 18:13
(Leyla Cheamil)
MADRID – Guvernul spaniol dimanda că va u-anvartuseadza prezenţa ali poliţie tru principalele puncte di interes turistic şi tru alte zone cu calbalaki dupu ateali dauă atacuri jihadiste, di gioi, dit Catalonia. Tru cadrul a unei conferinţi di presă, ministrul spaniol di interne, Juan Ignacio Zoido, declara că nivelu di fuvirseari tru plan naţional nu va s-hiba, ama, analtu – precizări fapti dupu una andamusi la care loara parti experţa dit domeniul ali securitati. 14 di persoane murira şi cama di 100 fura pliguit dupu atentatili di Barcelona şi Cambrils, victimele eara dit 35 di naţionalităţ diferite. Trei di pliguit suntu romani. Tu Spania s-apufusi trei dzali di jeali tru memoria a victimilor. Tru tut teritoriul a vasiliil’ei s-ţanu, viniri, una minuta di tateari. Oamin’il’ s-adunara la ayiudimili improvizate pi bulevardul Rambla, tra s-aduca teri si lilici.
(Corina Cristea)
Washington — Agiucatoarea romana di tenis Simona Halep, di fara armaneasca, loclu 2 WTA, agioaca, aza, contra ali americanca Sloane Stephens, loclu 151 WTA, tu semifinalele a turneului WTA di Cincinnati (Ohio), ti da premii totale tu valoare di 2.500.000 di dolari s-cama. Halep u azvimsi, viniri, britanica Johanna Konta, cu 6-4, 7-6. Tu 2015, Halep kiru finala di Cincinnati, dinintea ali Serena Williams, a deapoa anlu ti tricu s-danasi tu semifinale, azvimta di Angelique Kerber. Tut viniri, pereacl’ea aadrată dit agiucătoarea română di tenis Monica Niculescu şi taiwaneza Su-Wei Hsieh s-califica tu finala a probal’ei di dublu la turneulu di Cincinnati după 6-4, 7-6 cu numirlu patru, Sania Mirza (India)/Shuai Peng (China).
(Leyla Cheamil)
Armanipsearea: Tascu Lala
