Habari dit bana romaneasca si internationala
Bucuresti – Pana tu 15 di augustu, tru România s-tanu cama di 200 di ceremonii religioase, culturale şi militare ahardziti tra Dzuua a Marinal’ei, celebrată tru idyea dzuua cu sărbătoarea ali Sta Marie, vigl’iotoarea a marinarlor. Tru tut casabadzl’i ti suntu porturi dit vasilie s-tanu manifestări ahardziti tra aesti dzali. Luni, Constanţa, nai importantu port romanesc la Amarea Lae, s-tanu una ceremonie militară şi religioasă tru memoria a eroilor marinari. Marta, Fortele Navale Române organizeadza, tru premieră, exercitii militare discl’ise a publiclui, pi amare si tru aer, la care va s-l’ia parti şi prezidentul Klaus Iohannis.
Ştefan Stoica, 14.08.2017, 18:05
BUCURESTI — Reprezentanţal’i ali Europene tru România tanu, aza, tru cadrul a ediţiil’ei aniversare cu numirlu 100 a Târgului Gaudeamus di Mamaia, pi litoralu ali Amarea Lae, un debat ti yinitorlu ali Uniuni. Suntu marcat, prit una expozitie, 60 di ani di la simnarea a tratatilor di Roma, cari suntu la thimel’il ali UE. Târgul di carte Gaudeamus Litoral, organizat di Radio România, easti discl’is până n’iercuri. Postul public marcheadza, anlu aestu, si 50 di ani di emisie Radio Vacanta.
Bucuresti — Tru 2018, cându va s-yiurtuseasca 100 di an’i di la Marea Unire, românii va s-aiba un cupaciu tru cari cafi lumaki va sa spuna, simbolic, cafi una comunitate românească va s-hiba angrapsiti tuti vasiliili şi teritoriile iu conaţionalii a noştri baneadza, numirlu a lor, ama şi distanţa andicra d vasilia dada. Proiectul fu dimandat, luni, di Episcopul a Covasnal’ei şi ali Harghita, Andrei Moldovan, la discl’idearea festivă a 15-l’ei editii a Universitatil’ei di Veară a românilor di iutido di la Izvurlu a Mureşului, dit giudetlu Harghita (centru). (…)Tru arada a lui, deputatlu PMP Eugen Tomac feati un apel la dialog cătra tuti fortili polititi tra rezolvarea a problemelor ti comunitătli di români ti suntu anvarliga di vasilie, cari s-ampulsescu cu un proces niacumtinat di deznationalizare. L’ia parti studenţa şi reprezentanţa a elital’ei polititi şi culturale, miniştri şi parlamentari. Tema a editiil’ei di estan: “România şi românii di iutido, cata iu după un secol di la Marea Unire ?”. Atel’i prezenţa va sa zburasca ti ndrepturile şi drama a românilor dit comunităţile istorice ti suntu anavarliga si sinuri şi Balcani, aflaţ anamisa di taxeri şi realitatea asimilaril’ei, ti priorităţle mutrindalui tanearea şi afirmarea a identitatil’ei naţionale a românilor dit giudeţele Harghita şi Covasna (centru, banati majoritar di etnit maghiari) ama şi ti turlia tru care autorităţile a statlui trateamutrescu problema şi implicaţiile a yiurtusearil’ei ti centenarlu a Maril’ei Uniri.
Londra – Emburlu roman Puiu Popoviciu, dat tru pusputeaari internationala, fu acatat, luni, Londra. Deapoa fu silighitu pi cautiune dupa ti pălti 200.000 di lire. El lipseasti s-duca di trei ori tru stamana la sectia di politie si s-poarta un bratara di identificare electronica. Dupu sentinta definitiva, pi 2 august, emburlu roman fu condamnat la 7 ani di hapsani tra coruptie. Puiu Popoviciu fu acuzat tru asi numasitlu dosar “Baneasa”, ligat di asocierea firmal’ei a lui cu Universitatea di Ştiinţe Agronomice şi Medicină Veterinară di Bucuresti, ti un loc di 224 di ictari tru nordul ali capitala, zona dit Romania nai cama scumpa pi pazarea imobiliara.Zn’ia easti lugursita la aproapea 620 di miliun’i di lei (137 miliun’I di euro).
Armanipsearea: Tascu Lala
