Habari dit bana romaneasca si internationala
Bucuresti – Consiliul Suprem de Apărare a Ţarâl’ei (CSAT) va să si reunească, mâne, la Bucuresti, şi pe ordinea de dzuuă a şedinţâl’ei condusă di preşedintele Klaus Iohannis se aaflă prezentarea Planului di înzestrare a li Armată a Româniilei trâ perioada 2017 – 2026. La precedenta şedinţă a CSAT, di-tru 4 alonar, planulu fu retraptu de pe ordinea de dzuuă di afom’ia că nu conţânea angajamentul asumat tru 2015 de toate partidele politiţe tra să si alocă 2% di Produsulu Internu Brut a sectorului a li apărare arhiusinda di anulu aestu. Ministrulu a apărarilei, Adrian Ţuţuianu, l’i-are prezentată, septamana trecută, a sefului a statului planul în forma lui revizuită, care cuprinde tora si angajamentul, ama şi aţeale optu programe majore di înzestrare.
Daniela Budu, 31.07.2017, 21:56
(Daniela Budu)
Bucuresti — Premierulu roman, Mihai Tudose, stabili cu reprezentanţâl’i a li Ambasadei a Spanilei la Bucureşti mai multe misuri trâ intensificarea cooperaril’ei bilaterală cu scupulu a prevenirilei şi combaterilei a cazurilor de exploatare prin lucru a român’ilor din Spania. Prezent la adunare, ministrulu trâ Românil’i di Pritutţido, Andreea Păstîrnac, are subliniată necesitatea unei abordarei pro-active a luştor tematiţ şi a cooptaril’ei a asociaţiilor de român’i din Spania tru eforturile comune a autorităţâlor române şi spaniole. La nivelul a Ministerului va funcţioneadză ună direcţie specializată care să asiguripsească componenta de informare-prevenire pe linia a asociaţiilor care activeadză în diaspora. Reprezentanţâl’i a Ambasadâl’ei a li Spanie la București îşi exprimară pârearea di arău trâ cazulu di exploatare pri-tru lucru a unor români din Spania, şi adapsiră că fu un caz punctual şi că nu lipseaşte să si cheară din vedeare cât de ghine s-au integrată alanţă român’i aflaţ tru acesta tara. Adunarea de la Bucureşti are loc după ţe, maşi tru ultima septămână, autorităţâle din Spania si Italia descoperiră dzăţ de român’i exploataţ di angajatoril’i a lor di-tru aeste ţări.
(Daniela Budu)
Bucuresti – Forţele Navale Române informară, ază, că partiicipă cu un detaşamentu de militari di la Batalionulu 307 Infanterie Marină la exerciţiul multinaţional Platinum Lion 17.2, care si desfăşoară în perioada 31 alonar – 10 agustu la Chentrul de instruire di-tru Novo Selo, Bulgaria. Infanteriştil’i marini român’i execută exerciţii tactiţe cu tradzeri di alumtă şi misiuni di patrulare într-ună zonă di operaţiuni, împreună cu militari din Bulgaria, Muntenegru, Republica Moldova, Serbia, Slovenia, SUA şi Ucraina. Uidisit a unui comunicat a Fortilor Navale, prezenţa militarilor români la exerciţiul Platinum Lion 17.2 contribuie la consolidarea cooperaril’ei în plan bilateral cu SUA, precum şi cu alţâ parteneri NATO sau non-NATO din reghiune. Totunăoară, profesionalismul a militarilor român’i, ţi si vidzu tru chirolu a participaril’ei la activităţâle multinaţionale, faţe mai sănătos profilul a Româniil’ei de stat promotor a li stabilitate în zona Maril’ei Laie — mai precizeadza comunicatulu.
(Daniela Budu)
