Habari dit bana romaneasca si internationala
Washington — Aflat vizita tru Statele Unite, prezidentul roman Klaus Iohannis l’ia parti, aza, tru harea di oaspi di tin’ie, la Forumlu Global a canascutal’ei organizaţii American Jewish Committee. Cu aesta furn’ie, va s-hiba tin’isitu cu Light Unto the Nations, nai ma analtă distincţie ali organizaţie, cari s-da a nascantor şefi de stat ica di guvern ca semnu di pricunusteari tra impactul internaţional importantu tru domeniul ali irine, securitati, democraţie şi promovarea a valorilor umane. La forum sunt vinit cama di 2.500 di participanţi dit 70 di vasilii. Vizita al Klaus Iohannis tru Statele Unite va s-agiunga tru kipita, viniri, cu una andamusi oficiala cu omologlu a lui american, Donald Trump. Uidisitu cu habarea a corespondentului Radio Romania la Washington, Klaus Iohannis easte protlu şef di stat dit Europa Centrală şi di Est cari va s-hiba aprukeat di liderlu di Casa Albă, di la priloarea a mandatului. Moeabetli va s-aiba tru scupo ahandusearea a relaţiilor bilaterale şi anvartusearea a Parteneriatlui Strategic anamisa di Statele Unite şi România, tru contextul tru care s-umplu 20 an’i de la lansarea a lui. Programlu a vizital’ei ti u fati prezidentul roman la Washington acata tru isapi si una anadamusi cu român’il’i stabiliţ tru SUA.
Mihai Pelin, 05.06.2017, 17:23
(Mihai)
Londra — Gruparea jihadistă Stat Islamic dimanda ca ea ari fapta atentatlu di sambătă dicseară Londra, tru cari murira sapti oamin’i si fura si dzat di pliguit. Politia dansai ma multa insi, ntra care si mul’ieri, tru un raidu faptu tru apirita ali Londra. MAE român pitricu puryurii la fumel’ili a victimilor şi u spusi solidaritatea cu populu britanic, condamnândalui sertu incidentul di turlie terorista. Tru arada a lui, prezidentul roman Klaus Iohannis andrupa liderl’i occidentali şi condamna cu sirtal’e atentatlu. Adutem aminti ca, trei atacatori intrara cu una dubă tru pietoni pi Apuntea di Londra, după care spanticara oamin’i pi geadei tru zona Pazaril’ei Borough. Atel’i trei fura tufichisit mortal de politie. Atentatlu s-feati cu 5 dzale ninte di alidzerli anticipate dit Regat, iara campania electorală fu curmată tra a daua oară di idyea furn’ie: ataca terorista. Tru treil’i mesi dit soni, Marea Britanie fu tinta a atacurlor teroriste di 3 ori, iara isapea easti tragic: 34 de morta si şi suti di pliguit.
(Mihai)
XXX – Economia ali Românie va s-nregistreadza un avans di 4,4% estan, andicra di una expansiune di 3,7% lugursită tru yinar, u spusi isapea aza, Banca Mondială, tru raportul mutrindalui Perspectivili a Economiil’ei Globali. Tutunaoara, institutia financiară internatională u revizui tru crestiri cu 0,3% isapea tra 2018 si 2019, cându PIB-ul ali Românie esti tru plan tra s-crească cu 3,7% si, respectiv, 3,5%. Tu kirolu anda relaxarea fiscală va s-agiuta ma putanu la crestirea a economiil’ei ali Românie, ea va s-baga zori pi deficitili publiti si externe, nica sa spuni tru documentu. Napoi adutem aminti ca, tru primul trimestru dit 2017, România avu nai ma pi irusi ritmu di creastire dit UE, de 5,7%, ti furn’ia ca criscu consumlu, a deapoa tru bitisita a meslui apriiur bugetlu înregistra un lisor excedentu.
(Mihai)
Paris — Nai ma ghini clasata agiucătoari română di tenis Simona Halep(nr. 4 WTA), u azvimsi, aza, spaniola Carla Suarez Navarro,(23 WTA) tru cirecurli di finală a turneului di Roland Garros, doilu Grand Slam a anlui cu scorlu 6-1; 6-1. La dublu feminin, românca Raluca Olaru si ucraineanca Olga Savciuk suntu calificate tru sferturile di finală, iu va s-agioaca cu favoritele numirlu trei, Yung-Jan Chan (Taiwan)/Martina Hingis (Elvetia). Tut tru cirecuri, la Roland Garros, agiumsi si preacl’ea adrata dit romanca Irina Begu si chinezoaica Saisai Zheng, cari va s-agioaca cu azvingatoarili dit mecilu Ashleigh Barty/Casey Dellacqua (Australia) — Daria Gavrilova (Australia)/Anastasia Pavliucenkova (Rusia).
(Mihai)
Armanipsearea: Tascu Lala
