Iarnă tru mplină primveară
Aca easti apriliu, nolgica di primveara, tru România iarna s-turna cu vartuseami. Aproapea trei cirecuri dit regiun’li a vasiliil’ei fura sum incidenţa a codurlor portocaliu ili galbina di neuri ica ploiuri abundente, vimtu vartos şi temperaturi cabaia scădzuti tra aestă dată. Meteorologil’i român’i exighisira că dalga di arcoari vini di furn’ia a unlui ciclon trans-balcanic cari treati prit România tru aesti dzale. Ciclonlu s-feati tru Europa Centrală, dipusi cata Mediterană, tricu Balcan’il’i şi agiundzi tru bazinlu ali Amarea Lae. Ma multu, una measă di aer multu arati, di origine arctică, vinită dit centrul şi nordul ali Europa s-dusi catra sud-estul a continentului.
România Internațional, 21.04.2017, 13:54
Temperaturli tru aestă perioadă, tru medie, suntu anamisa di 3 şi 12 grade, cându tru una turlie normala eale suntu anamisa di 14 şi 21 di grade Celsius. Aprindu sâmbătă va s-hiba nai cama arati, cu temperaturi negative tru giumitatea di nordu ali Românie, ama şi tru sud, cu valori tru depresiuni cari va sa scada până la minus 8 grade. Bucureştiul fu şi el sum incidenţa a unlui cod galbin di precipitaţii abundente şi va s-faca chiro cabaia arati. Tru bitisita a stămânal’ei, tru capitală, temperaturile, va s-dipuna sum limita a angl’itaril’ei. Di aesta fur’ie, Bucureşti, Regia de Termoficari fu ananghisita s-da diznau caldura tru apartamente, masi dupu una stămână di anda eara danasita. Pe de altă parti, dzat de localităţi dit est şi sud-est armasira fără energie electrică după ti vimtul vartos arupsi linii di analtă tensiune.
Neaua agiumta nival’iuri dusi la ncl’idearea a ma multor cal’iuri naţionale — maxus dit estul a vasiliil’ei, ama şi tru sud şi tentru, iu suntu probleme salami şi pi cal’iurli giudeţeane şi comunale. Luaţ pri napandica tru una primă fază di kirolu slab, huryeatl’I a cal’iurlor scoasira mehaniili tra s-da nanaparti neaua şi arcara material antiderapant pi cal’iuri tra s-nu s-faca eventualele accidente,. Tru condiţiile tru cari nai ma mulţa şoferi si scoasira arahoatili di iarnă. Kirolu slab feati probleme şi pi calea di her. Ma multe trenuri avura amanari salami, de până la 2 sahat, di furn’ia a tufanil’ei, a vimtului vartos si a arcoaril’ei.
Urdinarea feroviară fu zn’iipsita nai cama multu tru giudeţele Galaţi, Iaşi şi Braşov. Di furn’ia a vimtului vartos, fura ncl’isi temporar, şi porturile româneşti di la Amarea Lae. Si traficlu aerian pi nascanti aeroporturi dit vasilie fu perturbat di intemperii, ma multi curse externe hiindalui anulate. Meteorologii dimanda că kirolu va s-ndreaga tru aesta bitisita di stamina tru România, sum aspectul a ploiurlor, iara di stămâna yinitoare va s-creasca şi temperaturile. Kirolu slab faptu tru dzalili dit soni agudi salamai şi alti vasilii dit Europa.
Autor: Andrea Bojoi
Armanipsearea: Tascu Lala
