Habari dit bana romaneasca si internationala

Bucureşti – România are la dispoziţie, în prezentu, trâ investiţii în transportu, piste 6,8 miliarde di euro, di care 5,1 miliarde din fonduri europeane, declarăă comisarulu european trâ politică reghională, Corina Creţu. Uidisit a unui comunicat a li Reprezentanţă din România a Comisilei Europeană, dna Creţu are discutată, aieri, la Bruxelles, cu ministrulu român a transporturilor, Răzvan Cuc, şi sublinie necesitatea utilizarilei dimplină a fondurilor disponibile. Corina Creţu menţionă beneficiile aduse di programile din domeniu, care feaţiră posibilă extindirea şi îmbunătăţirea a reţeauălei di transportu din România. Tru arada lui, ministrulu Răzvan Cuc prezentă angajamentul a autorităţâlor române di finalizare investiţiile în curs şi di arhiusire nale proiecte.

Roxana Vasile, 13.04.2017, 20:52

(Aura Spiridon)

Bucureşti – Exporturile româneşti în Siria fură, tru 2016, cu 80% mai m’iţ dicât tru 2011, anulu a arhiusitâl’ei a polimului civil tru aestă ţară, tru ţinţe an’i România înregistrânda cheardiri di mai multu di 500 di milioane di euro, uidisit a Ziarului Financiar. Sirian’il’i importa, în mare, animale v’ii – oi şi căpri, hiinda majoritar musulmani, produse lactate, oauă şi peaşte. Publicaţia aduţe aminte că România si ţânu diparte di polimulu din Siria, iar tru 2012 preşedintile di atumţea Traian Băsescu refuzăă retradzirea a ambasadâlei di la Damasc pi motiv că exiistă ună importantă comunitate românească tru aestă ţară. Uidisit a Ministerului di Externe di la Bucureşti, în Siria sunt 10.000-12.000 di român’i, în majoritate mul’eri mărtate cu sirian’i. Ambasada Româniilei lâ oferă protecţie şi asistenţă consulară nu maşi a lor, că şi a cetăţean’ilor din ţări pricum Canada, Franţa sau Australia.

(Roxana Vasile)

Bucureşti – Autoritatea di Spravigl’iare Financiară din Romania sanactionă, ază, NN ţel mai marile fondu di pensii(administrate privat –pilonulu II) din tara, cu ună amendă contravenţionala di 750 di m’il’e di lei, reprezentanda 1% di-tru capitalul social a societatilei, trâ transmiterea di informaţii cu scupolu să destabilizedză sistemulu di pensii, anunţăă vicepreşedintile ASF Ion Giurescu. Decizia ASF fu loată după ţi, aieri, NN pitricu un mail a clienţâlor a lui tru care il’i avertiza mutrinda ună eventuală decizie di naţionalizare a fondurilor di pensii private. ASF mai decise, ază, sancţionarea cu retradzirea a autorizaril’ei a doamnâl’ei Raluca Ţintoiu în calitate di director general a NN Pensii, si cu ună amendă contravenţională di 100 di m’il’e di lei. Parlamentul di la Bucureşti va să arhiusească, tru dzâlile următoare, procedurile trâ demiterea întregâl’ei conduţire a ASF Anunţul fu faptu di Liviu Dragnea, liderulu PSD, la guvernare, iar demersul are loc di aform’ia a scandalului dispre ună presupusă naţionalizare a pensiilor private. Uidisit a lu Liviu Dragnea, scandalul s-aibă apărn’ită di la preşedintile ASF, Mişu Negriţoiu Şi liderulu PSD, şi ministrulu a finanţilor, Viorel Ştefan, dezminţiră categoric, dzâsiră că easte minciună existenţa vrânui ahtare schenariu.

(Andreea)