Protestili dit România (05.02.2017)
Român’il’i suntuu ampartaţ! Di una parte, suntu atel’i cari dusira ma largu cu protestili andicra di ordonanţa di urgenţă di alaxeari a codurilor Penal şi di Procedură Penală pi cari Guvernul di coaliţie dominat di social-dimocraţ lu adopta tru 31 di yinar. Sum zoreas a geadeiil’ei, Executivlu abroga, tu aesta bitisita di stămână, actul normativ, ama protestile s-dusira ma largua, di agiumsira dumanica tru a şasea dzuua arada. Suti di n’il’i di oamin’i loara parte la demonstraţiile organizate tru tuta vasilia. Nai cama mulţa s-adunara tru Piaţa Victoriei di Bucureşti. Cum s-alăsa seara, tut ma multa oamin’i vinira aclo cu tampan’i, vuvuzele, hlamburi şi pancarte dinintea a sediului Guvernului.
Roxana Vasile, 06.02.2017, 13:43
Unaoara ti ordonanţa fu abrogată, el’i cafta tora, demisia a actualului Cabinet cumandusit di Sorin Grindianu tra turlia tru cari u apufusi, dimi — spun el’i — seara amanat şi fără avizlu a Consiliului Superior ali Magistratura: Cari va s-aiba pistusini tu oamin’il’i atel’i? Nu mata aravdam! Him compromişi! // Cat s-bitisira alidzerli, ama s-arasira di noi şi di votlu a nostru. Ti atea işim pi geadei.”
Tru vasilie, nai cama mari prezenţe fura Cluj-Napoca şi Sibiu (centru), Timişoara (vest) şi Iaşi (nord-est). Protesti anti-guvernamentale s-tanura şi tru diaspora Sofia, Bruxelles, Paris, Londra, Amsterdam, Barcelona, Roma sau Madrid. Budapesta, corespondentul Radio România sidzu di zbor cu nascanta dit atel’i ndaua dzat di protestatari, tru majoritate tiniri: “Easti pi principiul până nu ved, nu pistipsescu şi, aca u publicara tru Monitorlu Oficial, nu nsimneadză că, nu va s-adara alti jgl’ioatitra sa s-faca ti vor el’i. // Nu easti duri tra mine că s-abroga ordonanţa tru momentul di tora, şi, idyea cum alanta parti a dun’eaual’ei cariachicaseasti proceslu, voi s-alaxim Guvernul.”
Di alantă parte, suntu susţinătoril’i a Executivului. Aeşta vor ca votlu dit 11 di andreu, di la legislative, s-hibă tin’isitu, iara Guvernul ti tas aoa si un mes fu bagat pi ipotisi s-hibă alasat arahati tra s-faca lucarlu, pi thimel’ilu a programlui prezentat tru campania electorală. Îl’ cafta giueapi tru idyea scara, a prezidentului di dreapta Klaus Iohannis, constrâns — prit votlu popular — la coabitari, turlia tru cari pazaraspi anamisa di instituţiile a statlui tru chestiunea ali ordonanţa.
Ti atea, ma multe n’il’i di oamin’i s-adunara dumanică, tru premieră, dininti la Palatea Cotroceni, sediul ali preşedinţiei, tra s-ndrupască Guvernul Grindeanu şi tra s-cafta demisia a prezidentului Klaus Iohannis: “Voi sa-n’i tin’isescu votlu, s-na tin’iseasca tuţ român’il’i, s-hiba un prezidentu a tutulor românilor, să-şi va vasilia aşi cum u voi mini, di tut suflitlu. // Na apărăm votlu democratic dit 11 di andreu. Atel’i di dinintea a Palatil’ei Victoria s-ducă acasă, cate ordonanţa s-abroga şi ma s-nu fuha el’iacasă, nu va s-fudzim niti noi di aoa. // escu aoa cate voi sa-n’i spun dezaprobarea andicra di Iohannis, cari easti păltit s-lucreadza tra intereslu naţional şi nu interesi nitin’isiti, personale ica di partid ica Dumnidzalu ştie ti alti interese oculte.”
Premierlu Sorin Grindianu dimanda că va ş-da demisia la presiunea a atilor ti isira pi geadei: “Ăestu easti agioclu democratic şi minduescu că lipseasti s-na turnam ntraoara la aesti noţiuni. Modalitatea prit cari un guvern poate s-hiba dat mpadi prit moţiune di cenzură, cate alanta parti, atea prit cari vrea-n’i dau mini demisia, nu e posibilă.” Primlu-ministru cafta a Ministerlui di Justiţie s-ahurhească urgentu dezbateri publiti cu partidile politice şi cu societatea civilă pe tema a subiectilor dit ordonanţa di urgenţă ti cat fu adoptată şi una s-una, deapoa fu abrogată.
Guvernul li lugurseasti orlea zorlea ca ananghisiti tra s-baga tru simfunie codurlui Penal şi di Procedură Penală cu apofasili a Curtil’ei Constituţionale şi cu directive europene. Un proiectu di nom rezultat dupu aestu dezbateri publice poati s-hiba pitricut deapoa a Parlamentului tra dezbatere. Tru aestu kiro, Legislativlu s-ndreadzi ti dezbaterea şi votlu tra moţiunea di cenzură “Guvernul Grindeanu – Guvernul a sfidaril’ei naţionale. Nu legalizaţ furlakea tru România”, dipusă di partidili di opoziţie PNL şi USR.
Autor: Roxana Vasile
Armanipsearea: Tascu Lala
