Dosarlu Microsoft 2 tru justiţie
Celebrul dosar Microsoft s-toarna tru menga a procurorilor anticorupţie di Bucureşti. Este zborlu tora, ama di aşi numasitlu Microsoft 2, cu una zn’ie di 67 di miloane die dolari. Tru aestu caz, doi foşti directori ali companie Microsoft România, Silviu Hotăran şi Ovidiu Artopolescu, fura plasaţ sum control judiciar tra complicitate la abuz tru serviciu, tru turlie continuată. Silviu Hotăran s-lugurseasti ama fara cabati: “Tută bana a mea banai şi promovai niscanti valori legate di etică şi moralitate. Io nu ded arusfeti, nu loai arusfeti varnaoara, nu am conturi ascumti.”
Mihai Pelin, 22.11.2016, 13:57
Tut sum control judiciar fu plasat şi emburlu Claudiu Florică, proprietar a firmal’ei Fujitsu Siemens Computers, care vahi lo una parti di pradz, deadun cu foşti miniştri. Procurorl’i îl lugursescu [protlu stur tru aesta pirmituseari cu deznodământu urut. Ma deadi dovadă de multă persuasiune, el vahi apraftasi sa-l’I candaseasca reprezentanţal’i a celebral’ei Microsoft, ama şi atel’I a Guvernului, să simneadza contractele care tora suntu incriminate di procurori. Atel’ di la Microsoft girara că firma al Florică easte unic distribuitor tra România, aca pi piaţă avea şi altele.
Ase s-trapsi mana di la organizarea a licitaţiilor tra loara cu niki a licenţelor, iara achiziţia s-apufusi, cu dedicaţie, prit apofasi di guvernu. Contractul di loari cu niki licenţe IT tra şcoli fu simnat tru 2004. Microsoft ţanu atumtea să simneadza cu guvernul român un acordu special şi deadi cu multa fiotimie, una n’icsurari di aproapea 50%. Tru realitate, aesta fu ampărţată anamisa di atel’I mintit tru aesta emburlachi spectaculoasă. Fujitsu Siemens Computers ancupără loarea cu nike a licenţelelor di la Microsoft şi u vinde deapoa a Guvernului ali Românie, ti un paha supraevaluat, spunn procurorii. Tru aestu dosar complexu suntu acatat tru isapi optu foşti miniştri.
La audieri s-prezenta un di nasi, Alexandru Atanasiu, fostu ministru ali educaţiei, care spuni ca nu ari cabati. Alexandru Atanasiu: “Noi aprukem fara paradz un numir di 110 n’il’I di licenţe tra computerele dit şcoala românească. Li deadi fara paradz Secretariatlu General a Guvernului, domnul Bejenariu.”
Tru idyiul dosar, DNA îl pusputeasti şi secretarlu general a guvernului dit perioada 2003-2004, Eugen Bejenariu, tora deputat, şi pitricu una caftari Cameral’eei a Deputaţilor tra s-da izini ti pusputearea penală a aistui. Ma s-na turnam la Claudiu Florică, cate el easti la a doua experienţă cu DNA. Eara mintit şi tru dosarlu Microsoft 1, ama atumtea Florică agiuca rolu di denunţător şi apraftasi tra s-ascapa di pideapsă. Tru diyiul dosar fura condamnaţ definitiv fostul primar a municipiului Piatra Neamţ (nord-est), Gheorghe Ştefan, fostul ministru a Comunicaţiilor, Gabriel Sandu, şi emburl’i Dorin Cocoş şi Nicolae Dumitru.
Autor: Mihai Pelin
Armanipsearea: Tascu lala
