Habari dit bana romaneasca si internationala (09.11.2016)
Washington — Candidatulu a republican’ilor trâ Casa Alba, Donald Trump (70 di an’i), amintăă aleadzirile prezidentiale di-tru SUA. El obtânu victoria dinintea a democratâl’ei Hillary Clinton, care eara considerata favorita, după ţi lo 19 piste aţeale 270 di voturi di-tru Colegiul a Electorilor necesare tra să iasă presedinte. In discursul di azvingator, Trump taxi/promise unificarea naţiunil’ei americană după campania electorală ţi are creată clivaje si îl’u multanipsii a adversarâl’ei democrată trâ serviciile în folosulu a Statilor Unite. Succesorulu a democratului Barack Obama spuse că easte pregătit si are planuri mărete trâ tara pi care va u conducă di-tru gh’inar 2017, intră care dublarea creastiril’ei economică si reconstructia infrastructurâl’ei americană, care va creadză milioane di nale locuri di lucrare. Miliardarulu republican deade asiguripsiri că Administraţia di la Washington va aibă politiţ amicale în relaţiile cu toate ţările care vor să aibă politiţi amicale cu Statile Unite. Statile Unite va bagă pi primulu plan interesile proprii si va hibă un partener corectu cu iţe partener spuse Trump. Republicanil’i îsi mentânură controlul pi care lu au deja di sase an’i în Camera a Reprezentantâlor, camera inferioară a Congresului SUA, si si-au ţânută majoritatea si în Senat.
Daniela Budu, 09.11.2016, 22:22
(Daniela Budu)
Bucuresti – Preşedintile a Româniil’ei, Klaus Iohannis, adresăă, ază, ună scrisoare di felicitare a presedintelui aleptu a SUA, Donald Trump. Sefulu a statului român evidentie relaţia solidă dintră Bucuresti si Washington, pri-tru Parteneriatulu Strateghic trâ Secolul XXI, elementu cl’eaie tru dezvoltarea profilului strateghic a Romaniil’ei, în calitate di membru NATO si UE. Tutunăoară, presedintile Klaus Iohannis are sumcundil’iată angajamentul ferm a li Românie di aprofundare cooperarea bilaterală în domeniul a securitatil’ei si dia continuare să actioneadză, în calitate di aliat si partener strateghic di încreadire a SUA, conştientu di toate implicaţiile ţi decurgu di-tru aestă postură. Sefulu a statului roman are exprimată întreaga disponibilitate dia conlucrare cu noulu presedinte american în promovarea obiectivilor comune si a unei relatie transatlantică putearnică si dinamică si spuse că SUA pot să conteadză pi agiutorulu ferm a li Românie tru promovarea democratiil’ei, a ndrepturilor a omului si statului di drept. Si premierulu roman, Dacian Ciolos, adresăă ună scrisoare di felicitare a noului vicepresedinte a Statilor Unite, Michael Richard Pence, tru care sumcundil’e importanta Parteneriatului Strategic dintră România si SUA. Tru arada l’ei, sefa diplomatiil’ei europeană, Federica Mogherini, are afirmată ca UE va continuă sa coopereadză cu SUA, dupa victoria republicanului Donald Trump. Presedintile a Comisiil’ei Europeană, Jean-Claude Juncker, si presedintile Consiliului European, Donald Tusk, lu-au invitată pi Donald Trump la un summit UE — SUA, unăşiună ţi va hibă posibil si au subliniată ca easte mai importanta ca tru iţe momentu altâoară faţirea ma sânâtoasă a relatiilor transatlantiţe.
(Leyla Cheamil)
XXX – Pâzările financiare di-tru întreaga lume au înreghistrată scăderi semnificative, la hâbarea a victoril’ei a lu Donald Trump in cursa prezidentiala di-tru SUA. Bursa di la Tokyo chiru aproapea 5%, iar aţeale di la Sidney şi Hong Kong, piste 3 procente. Bursa din Frankfurt dişcl’ise, ază, sedinta di tranzactionare pi scadeare, pi fondul a frixilor a investitorilor fata di v’nearea a lu Donald Trump la Casa Alba. Moneda mexicană câdzu dighios ci peste 12% faţă di dolar, aesta hiinda ţea mai radicală evoluţie n-dzuuă di-tru ultimile dauă dechenii. Donald Trump avea avertizată că, ma că va amintă aleadzirile, va expulzeadză milioane di imigranţâ ilegali mexican’i şi va bagă Mexiculu să plătească trâ gardul di la frontiera comună.
(Leyla Cheamil)
