Habari dit bana romaneasca si internationala (12.10.2016)
Bucureşti – Executivulu român are adoptă, ază, ună ordonanţă di urgenţă care pruveade înhiinţarea a unui fondu di pâradz trâ achiziţia di opire di artă. Fondul va hibă finanţat pri-tru donaţii, sponsorizări şi di la bugetulu di stat. Pi di altă parte, Guvernul di la Bucureşti decise să nu prilundzească subscripţia publică trâ acumpărarea sculpturâlei ‘Cuminţenia Pământului’ (Fronima a Locului). Preţulu di achiziţie a operâlei a celebrului Constantin Brâncuşi easte di 11 milioane di euro, di care, iniţial, statulu avea anunţată că va plătească 5 milioane di euro, iar trâ alanţâ 6 milioane are lansată ună subscripţie publică. Cum di-tru donaţii nu si-au adunată dicât 1,2 milioane di euro, Guvernul urmează, tora, să plătească aproapea 10 milioane di euro cu scupolu ca opera di artă, ţi aparţâne a unor persoane particulare din România, să intră în posesia Statului.
Roxana Vasile, 12.10.2016, 22:19
(Roxana Vasile)
Bucureşti — Ază easte ultima dzuă di depunire a listilor di candidaţi şi a candidaturilor independente trâ aleadzirile parlamentare di-tru 11 andreu, în circumscripţia electorală trâ romanil’i din diaspora. Formatiunile politiţe depusiră cu mult piste necesarulu di simnături (200 de mii) tra să iintră în competiţia electorală cu liste complete di candidaţ. Partidul Naţional Liberal depuse liste cu piste opt sute di m’il’e di simnături, iar Partidulu Soţial Democrat are piste un milion di susţânători. Piste necesarulu di semnături adunară şi reprezentanţâl’i UDMR, Partidulu Mişcarea Populara şi Alianţa Liberalilor şi Democraţâlor. 23 sâmedru easte data la care arămân definitive listile di candidaţ trâ diaspora. Ministerulu a Afacerilor Externe transmise cătră Autoritatea Electorală Permanentă propunerile di secţii di votare tra să hibă organizate tru xinătate la aleadzirile parlamentare di-tru 11 andreu, hiinda zborulu di 417 secţii, cu 111 ma multe dicât la scrutinulu parlamentar di-tru 2012.
(Aura Spiridon)
Jakarta — Şefulu a diplomaţiilei di la Bucureşti, Lazăr Comănescu, partiicipă, gioi şi vineri, la Bangkok, în Thailanda, la a 21-a reuniune ministerială Uniunea Europeană – Asociaţia Naţiunilor Sud-Estu Asiatiţe (UE-ASEAN). Anterior, ministrulu român di Externe si-are aflată la Jakarta, în Indonezia, iu are discutată cu omologulu a lui Retno L.P. Marsudi di intensificarea dialogului bilateral în domeniul politic, economic şi comercial. Ţel’i doil’i demnitari asistară la simnarea unui Memorandum di Achicâsire dintră Camerile di Comertu Naţionale di aţeale dauă ţări. Lazăr Comănescu ninca si achicâsi cu ministrulu a comerţului, Enggartiasto Lukita, să încurajeadză companiile românesti şi indoneziane să participă la evenimente economiţe di promovare. In cadrul a discuţiilor cu ministrulu a transporturilor, Budi Karya Sumadi, şefulu a diplomaţiilei di la Bucureşti sumcundil’e capacitatea a Româniilei tra să agiungă ună poartă maritimă di acces spri Europa trâ Indonezia.
(Roxana Vasile)
