Habari dit bana romaneasca si internationala (30.09.2016)
Tel Aviv — Preşedintile a Romaniilei, Klaus Iohannis, are participată, ază, la Ierusalim, la funeraliile a fostului presedinte a Statului Israel, Shimon Peres. Sefulu a statului roman evocăă personalitatea marcantă a luştui si contributia însimnată pi care u aduse a istorilei a noastră recentă. Tutunoară, Iohannis spuse că, tru amintirea popolului român si a lumilei întreagă, Shimon Peres va arămână unâ di aţeale ma răsunătoarile si puterniţe boţ a militantismului trâ pace, toleranţă si demnitate umană. La cheremonia funerară mai fură prezentâ din partea Româniilei preşedintile a Senatului, Călin Popescu Tăriceanu, şi preşedintile a Federaţilei a Comunităţilor Evreieşti din România, Aurel Vainer. La funeralii participară numiroşi lideri politiţ şi personalităţ internaţionale, întră care preşedinţâl’i a Statilor Unite, Franţâlei şi Ghirmâniilei, preşedintile a Consiliului European şi secretarulu gheneral a ONU. Fostul preşedinte a Israelului Shimon Peres, laureat a Premiului Nobel trâ Pace, muri, m’iercuri, la Tel Aviv la vârsta di 93 di ani.
România Internațional, 30.09.2016, 21:27
(Andreea)
Bucuresti – Romania fu inclusă ofiţial tru Watchlist, lista tarilor ţi va hibă monitorizate in videarea acordarilei a statutului di pâzare emergenta di catră Financial Times Stock Exchange – FTSE, liderulu mondial di clasificare a indicilor bursieri, informeadză Bursa di Valori Bucuresti. Bursa din Romania are tora statutulu di pâzare di frontiera, informeadza comunicatulu BVB. Perioada di monitorizare dureadza minimum un an, aşi ca iţe modificare a statutului a Romaniilei va hibă anuntata cu ocazia raportului intermediar publicat di FTSE tru marţu, urmanda ca deciziile finale sa hibă comunicate unâoară cu publicarea raportului anual tru mesulu agheazmăciune. Decizia FTSE easte un semnal pozitiv trâ investitori, confirmanda progresulu inreghistrat di pâzarea di capital locala, şi tru ţi mutreaşte infrastructura, si tru ţi mutreaşte cadrul di reglementare, afirma AmCham, camera di comertu americana in Romania.
(Aura Spiridon)
CHISINAU – În Republica Moldova (ex-sovietica, majoritar romanofona) arhiusi, ază, campania electorală trâ aleadzirile prezidenţiale di pi 30 sâmedru. Preşedintile va hibă votat directu di cătră populaţie, după ună perioadă di 15 an’i tru care fu aleptu di Parlament. Optu candidaţ si-au înscrisă în cursă, iar sondajile mutrinda intentiile di vot il da dreptu favorit pi liderulu a soţialiştilor pro-rusi, Igor Dodon.
(Bogdan Matei)
Beijing – Giucatoarea romana di tenis Simona Halep, loculu ţinţe tru clasamentul mondial, u ratăă calificarea tru finala turneului di la Wuhan (China), dotat cu premii totale di aproapea 2,6 milioane di dolari. Halep fu azvimtă, ază, in semifinale di Petra Kvitova (Cehia). In finala cehoaica va să si adună cu slovaca Dominika Cibulkova. Pi di alta parte, giucatoarea romana, Simona Halep si-asiguripsi, deja, prezenta la Turneulu a Campioanilor di la Singapore.
(Andreea)
