Habari dit bana romaneasca si internationala (16.09.2016)

Bratislava — România are dor trâ unâ integrare ma profundă în Uniunea Europeană – dzâse, ază, preşedintile Klaus Iohannis, sumcundil’inda că autorităţâle di la Bucureşti vor ca ţara să hibă tru nucleulu a Uniunilei. El are participată, la Bratislava, arada di lideril’i europeani, la un summit informal pi tema situaţilei actuală şi a v’initorului a Uniunilei, inclusiv după ieşirea Marilei Britanie din spaţiul comunitar. Şefulu a statului român sumcundil’e că, mai multu în meşil’I di ma nâpoi, parteneril’i europeani vidzură că România easte ună ţară ţi maşi geografic si aaflă într-ună mardzină a Uniunil’ei. România – spuse el – scoase tru mghdane că poate să facă ghine aea ţi lipseaşte şi fără niciună turlie di problemă a dalgâlei migraţionistă, îşi protejă multu ghine graniţile proprii şi reuşi să integreadză un numir di refugiaţi care agiumsiră pi teritoriul a l’ei. Tutunăoară, România easte multu ghine pregătită di punct di videare economic. Alumta contra corupţilei easte loată multu în serios, iar rezultatile suntu notabile. Klaus Iohannis ninca punctă că UE nu easte preocupată ţi faţe Marea Britanie; UE easte preocupată ţi va să facă, în continuare, aţel’i 27, cu scupolu ca Uniunea să hibă ma puternică şi ma performată.

Roxana Vasile, 16.09.2016, 21:48

(Roxana Vasile)

Bucureşti — Câsâbălu Timişoara, din vestul a Româniilei, va să hibă Capitală Culturală Europeană tru anulu 2021. Anunţul fu faptu, ază, di un juriu internaţional delegat di UE. Alante treie candidate la aestu statut fură Bucureşti, Cluj-Napoca şi Baia Mare, ultimile dauă di-tru nord-vest. Tru 2021, Timişoara va să împartă titlul cu un câsâbă din Grăţie şi cu un altu di-tru ţările candidate la UE, Sârbia şi Muntenegru. Si aşteaptă ca aţistea să prezinte, chiro di un an, un program cultural inovator şi susţânut care să accentueadzâ bogăţil’ia, diversitatea şi similarităţile a culturâlei europeană dinintea a unui public internaţional. Amintim că tru 2007, Capitală Culturală Europeană fu, chiro di un an, Sibiulu, din chentrul a Româniilei, împreună cu Luxemburgul. UE desemnează, arhiusinda di-tru 1985, câsâbadz di-tru ţări candidate sau pre-candidate dreptu Capitală Culturală Europeană.

(Roxana Vasile)

BUCURESTI — Campioana Romaniilei la fotbal, Astra Giurgiu (sud), chiru, aieri, pi teren propriu, cu Austria Viena, scor 2-3, tru meciulu a lei di debut din grupile a Ligâlei Europa. Tru tut aţeauăşi grupă, Viktoria Plzen, din Cehia, remizăă, 1-1, cu echipa italiana AS Roma. Si vicecampioana Romaniilei, Steaua Bucuresti, fu azvimtă in primul a l’ei meci din grupile a Ligâlei, in deplasare, di turţâl’i di la Osmanlispor, scor 0-2. In grupa a Steauălei, Villarreal, din Spania, tricu cu 2-1 di FC Zurich, din Elvetia. (Faneos)

Bucureşti — Amintâtoril’i a Mărilor Premii oferite la bitisita a concursului RRI Vacanţă în Bistriţa-Năsăud”, Liu Fajian şi soţia/nicuchira lui, Huang Lingping, di-tru câs`bălu Shenzhen, provincia Guangdong, China, agiumsiră ază dimneaţă la Bucureşti. Tru dzâlile ţi v’in, ţel’i doil’i premianţâ va să viziteadză obiective culturale, istoriţe, ecleziastiţe şi di agrementu di-tru judeţulu Bistriţa-Năsăud (nordul a Româniilei). 33 di ascultători a emisiunilor RRI în limba chineză au răspunsă corectu la întribările din concursu. În total nâ viniră 352 di răspunsuri corecte şi complete. Sejurulu a ţilor doil’i ascultători RRI din China va să si bitisească pi 23 agheazmăciune. (Şerban Toader, Eugen Cojocariu)