Alidzerli şi Parlamentul (01.09.2016)
Guvernul di Bucureşti apufusi data a alidzerlor parlamentare dit aestu an. Român’il’i va ş-aleaga senatorl’ii şi deputaţl’ii tru 11 di andreu, campania electorală hiindalui tru plan sa s-dizvarteasca tru kirolu 11 di brumar – 10 di andreu. Aca avura ma multe variante ti apufusearea a dzuual’ei candu s-tana alidzerli, membril’i a Cabinetlui aleapsira tra a daua dumanică dit andreu. Purtătorlu di zbor a Executivlui, Liviu Iolu, exighisi cama larguriu tra aestă apofasi.
Mihai Pelin, 01.09.2016, 11:44
S-lu avdzamu Liviu Iolu: “Dupu consultări s-agiumsi pi isapea că ari una majoritate di partidi parlamentare cari ndrupascu aestă dată – 11 di andreu – dimi: Partidul Naţional Liberal, UDMR, PMP şi UNPR. Andrupa dzuua di 4 di andreu masi Partidul Social Democrat şi ALDE.”
Tutunaoară, Guvernul adopta, ntra altele, şi nascanti alaxeri tru ti mutreasti procedura di vot tra român’il’i dit xinatati. Maria Ligor, ministrul tra ligaturli cu român’il’i di iutido, cundil’e ca avura tru minti prota si prota eliminarea a nascantor keaditi tehniti dit calea a votaril’ei. Ase, român’il’i pot s-voteadza ica prit corespondenţă, ica la secţiile di votare di pi ningâ misiunile diplomatiti, ili tru naile secţii di vot organizate pi thimel’ilu a caftaril’ei ti u featira naima puţan 100 di români dit xinatati tru una tadi regiune ica localitate.
Ia ti spusi Maria Ligor: “Românii cu domiciliul ica reşedinţa tru xinatati va s-poată s-voteadza la iti secţie di votare dit xinatati, respectiv cabilea tra s-hiba angrapsit tru listele suplimentare, indiferent di secţia di votare la cari s-duc.” Sum semnul a aprukeatilor alidzeri tra un nau legislativ s-ahurhi lucarlu, la 1 di yismaciuni şi tru sesiunea parlamentară.
Liderl’ii a printipalilor formaţiuni spun că pi lista di priorităţ suntu bagati proiecte cari mutrescu ma multi domenii, social-economic, medical ica educaţional.
Ia ti spusi liderlu PSD, Liviu Dragnea: “Zburam şi tra diaspora, avem sinfer tra aesta dumeni, zburam, tutunaoara, di un proiectu di nom cari s-da cabilea a guvernilor yinitoare s-aibă una halati prit cari s-poată s-ndreaga capacităţ di producţie.” Nica si PNL ndreadzi ma multi iniţiative legislative. Purtătorlu di zbor a liberalilor, Adriana Săftoiu, aradapseasti proiectele pi cari PNL va li nchiseasca tru aestă sesiune parlamentară.
S-u avdzam tora Adriana Săftoiu: ”Nomlu mutrindalui statutlu a aleptalor locali, nomlu mutrindalui codlu a incompatibilităţlor tra aleptal’I locali, nomlu tu ti mutreasti reprezentarea di gen tru politică, nomlu mutrindalui prevenţia tru sănătate, pripunirea legislativă mutrindalui yiurtusearea a dzuual’ei di 10 di mai ca Dzuua a Independenţal’ei Naţionala ali Românie, nomlu a mecenatlui.” Pi lista di proiecte ti aşteaptă s-hiba acatati tru moeabeti di Parlamentu suntu şi n’icsurarea a CAS cu 5%, nomlu a avocaţlor, proiectul cari s-da izini bearea a tătumil’ei tru spaţiile ncl’isi ica proiectul di nom mutrindalui prevenţia tru sănătate.
Autor: Mihai Pelin
Armanipsearea: Tascu Lala
