Apofasi sutiali tru România
Cama di 650 di n’il’I di bugetari dit România au, di la 1 di agustu, tin’ii di cafi mes ma mari cu 10%, pi thimel’ilu a ordonanţal’ei aprobata di Guvernu tru ahurhita a meslui cirisar. Ministurlu a Lucurlui, Dragoş Pâslaru, declara, atumtea, că Ordonanţa li curma inechităţli dit sistemlu a tin’iilor di cafi mes tra bugetari, pruviderli a aistui va s-baga tru lucru tru dauă etapi, ase câ una parti intră tru practico la 1 di agustu 2016, a deapoa tuta grila di salarizare va s-hiba bagata tru lucru dit andreu 2017. Di la 1 agustu, tru sistemlu sanitar, crişterli sunt anamisa di 300 (aproapea 70 euro) şi 900 di lei (aproapea 200 di euro). Di crişterli a sistemlui sanitar va s-harseasca 163 di n’ili di insi. Şi tru educaţie s-apufusi una grilă di salarizare cu scupolu tra s-curma inechităţli existenti.
Daniela Budu, 01.08.2016, 14:16
Ase, tra un profesor cu studii superioare di lungu chiro, cu una vicl’imi anamisa di un pan di şasi ani, tin’ia di cafi mes di bază va s-agiunga până la 2.300 de lei (circa 520 euro), iara tra un profesor debutantu, până la 2.100 lei (circa 470 euro). Tra un profesor universitar cu vicl’imi tru înviţămint anamisa di şasi şi dzati an’I tin’ia di cafi mes di bază va s-hiba anamisa di 3.000 di lei (circa 660 euro) şi 3.500 de lei (circa 770 euro) şi va s-creasca gradual, di va s-agiunga tru cazlu a persoanilor ti au cama di 40 di ani vicliimi la 7.000 di lei (circa 1.500 euro). Uidisitu cu spusa a Ministerlui a Lucurlui, şi tru cazlu a înviţământului, s-baga tru lucru 50% dit beneficiile pruvidzuti di naua grilă di salarizare, a deapoa artimaiili va s-baga tru practico di anlu ti yini. Tut di luni, guvernul baga tru lucru un sistem de premiere tru sănătate, prit cari a debutanţalor va la si da un bonus de două procente.
Cuantumlu a tin’iilor di cafi mes diferă, idyealui cata s-tru educaţie, andicra di specializare, grad şi vicl’imi şi easti completat di nascanti sporuri. Tin’iia di cafi mes di încadrare a unui yeatru dit unităţ cliniti va s-hiba anamisa di 2.400 de lei (525 euro) şi 3.000 de lei (650 euro), andicra di vicl’imi, a deapoa a unui asistentu medical anamisa di 1.900 (430 euro) şi 2.400 de lei (540 euro). Tin’ia di cafi mes a unlui yeatru primar dit serviciul di ambulanţă ica aprukeri urgenţe va s-agiunga până la 5.400 de lei (circa 1.200 euro). Tut di la 1 agustu va s-palteasca naili indemnizaţii niplafonate tra criştearea a n’iclui. Limita nai cama n’ica easti di 1.000 de lei (circa 230 euro), iar atea maximă fu eliminată, di la 1 di alunar.
Pot s-harseasca di aesta indemnizaţie părinţal’ii cari sesd acasă cu n’iclu, cu condiţia s-aibă amintatiti impozabile di minimum 12 di mesi tru doil’I an’I dit soni. El’i va sl’ia 85% dit media a amintatitlor nete realizate tru aesta mesi. Şi tut di meslu aestu, TVA scade la 9% tra ma multi produse şi servicii dit agricultură, cata cum livrarea di pesticide, simiţa şi îngrăşăminte. Uidisit cu isakili, ma multu di 3 miliun’I di salariaţ, reprezentândalui 65% dit totalu de 4,7 miliun’i, au, tru aestu kiro, tin’ii di cafi mes neti di sum 2.000 de lei tru mes (aproapea 440 di euro), aeasta va s-dzaca ca suntu paltiţ sum nivelu actual a tin’iil’ei di cafi mes medie pi economie.
Autor: Daniela Budu
Armanipsearea: Tascu Lala
