Protesti contra a clasal’ei politica dit România
Laryurilu protestu irin’eaticu di marţa seară dit tentrul a Bucureştiului, tru cari cama di 20 n’il’i di oameni caftara demisia a premierlui Victor Ponta, demisia a ministrului di Interne, vicepremierlui Gabriel Oprea, şi demisia a primarlui di la un di sectoarile ali Capitala, Cristian Popescu Piedone — lugursiţ exponenţa a unei clasa politica stipsita di tragedia dit clubul tru cari dzat di tineri murira – nu armasi fără rezultate. Explicândalui că vrea s-hiba un alathur s-nu acată tru isapi niifharistusirea a oamin’ilor, primul-ministru dipusi mandatlu a lui nica si tra tut cabinetlu, a deapoa al’i lo torlu ti scurtu chiro si edilu a sectorlui tru cari s-feati fanicolu.
Corina Cristea, 05.11.2015, 13:03
Dzatli di n’il’i di protestatari antisistem, tru Bucureşti ama şi tru mari casabadz, s-turnara pi geadei şi spun că va s-faca idyea până cându tut clasa politică va s-hiba reformată. “Noi nu him numere, noi him yii, him ahatu yii că dzua tru cari numata va s-him easti dzua tru cari va s-murim” — eara zboarali tsi s-grira
(Boati1) Să spunem ali clasa politica că easti tută coruptă şi că vrem una alaxeari. Vrem ca yinitoarea clasă politică ti cari avem nadie sa u bagam tru practico la guvern să nu adara idyili alatusi pi cari li adrara arada arada i guvernele dit 25 di ani dit soni. Avem nadia s-hiba una timbihi fapta şi una provocari tra tută clasa politică, să nu s-faca alatusili ti li featira până tora şi s-acată tru isapea boatea a geadeiil’ei”
(boati2) Minduescu că easti zborlu ti atea dit soni chicuta, cari umplu chelchea. Până tru soni, nu easti zborlu masi ti un stepsu, cabatea tra tut ti murira, easti zborlu di borgi, nica s-di borgea politică.”
Grira contra a sistemului – “Tute partidile, idyea laschi” -, a prezidentului — a curi al’i spusira că ari una goala şansă, tu ligatura cu persoana ti va u aleaga, tdupu consultărli cu partidile, tra s-adara noulu executiv, ama şi a Patriarhului Daniel, a curi ndurearaţi şi tutunaoara revoltaţ îl’i cafta giueapi că nu vini la locul iu s-feati fanicolu di vineri-seară. Protestile s-teasira tru tută vasilia, aproapea 35 di n’li’ di persoane easti isapea ca işira pi geadei tru Timişoara, Cluj, Braşov, Târgu Jiu, Iaşi, Alba Iulia, Miercurea-Ciuc, Ploieşti, Brăila ica Constanţa, ama şi tru diaspora, Paris şi Londra. Analiştii catalogheadză protestile dit aesti dzale ca hiindalui una revoltă conştientă, una maturizari a minaril’ei tivica a aistor oameni, tru marea a lor majoritate tiniri. Nu easti una minari politică, ca easti una spontană, nchsita di furn’ia a tragediiil’ei ti s-feati cu tinirl’i cari muria fara cabati, tra cari manifestanţail’i spun, ama, că nu murira, ama na distiptara”.
Armanipsearea: Tascu Lala
