Bacalaureat 2015
Aproapea 169 di n’il’i di tiniri români s-ngrapsira la sesiunea cirisar-alunar 2015 a examenlui di Bacalaureat. Suntu cama di 7.000 ma mulţa andicra di idyea sesiuni a anlui tricut. Ditru ngrapsit, aproapea 144 di n’il’i di candidaţ (77%) yin dit promoţia curentă, iara aproapea 25 di n’ml’i (23%) – dit seriili anterioare. Examenili ahurhira tu 8 di cirisar cu evaluarea orală, chiro di trei dzale, a competenţelor lingvistice di comunicare tru limba română. Dupu aesta s-tanu evaluarea a competenţelor digitale, cum şi a atilor tru una limbă di circulaţie internaţională.
Roxana Vasile, 01.07.2015, 11:25
Probele scrise debutara tu 29 di cirisar cu testarea a şterlor la limba şi litearatura română. Primili rezultate va s-hiba afişate tu 6 di alunar, iara ateali finale, după contestaţii, pe 10 di alunar. Tru premieră, di anlu aestu, fără sa s-akaxeasca vara turlie modul di organizare a examenelor, lucrărli scrise la Bacalaureat va s-hiba corectate tru alte judeţe dicât tru ateali tru care suntu susţanute. Ministrul ali educaţiei, Sorin Câmpeanu, exighisea, tru una conferinţă di presă, că aestă posibilitate easti pruvidzuta tru Metodologia di organizare şi disvarteari a examenului nica dit 2011. Sorin Câmpeanu:
“Elevlu nu poate s-hibainteresat, nu easti interesat di locul tru cari s-corecteadză lucrările. Profesorlu nu easti şi nu poate s-hiba interesat dicât di numirul di lucrări pi care lipseasti s-li corecteadza, nu di iu yin aesti lucrări, a curi suntu. Sistemlu easti, deja, di arada, cate di totna contestaţiile la lucrările scrise la Bacalaureat s-giudicaara tru alte judeţe. Easti masi un plus di activitate tra comisii pe cari na-l lom borgi. Am pistipsearea că rezultatele va s-hiba bune şi easti amartie ca nascanti rezultate s-facă obiectul a nascantor subei di nai multe ori niandreapti.”
Suntu bot care lugursescu că, prit corectarea a lucrărlor tru alti giudeţe, va s-hiba eliminată posibilitatea tra favorizarea a nascantor ditru elevi. Ari, ama, şi contestatari care minduescu că apofasea easti una chireari di chiro şi di paradz. Ma multu di ahât ! Corpul profesoral, tra cari ari subei ti multi nereguli tru an’il’i tricuţ, inclusiv ti loari arusfeti, vrea s-hiba incriminat şi ma multu. Tru aestu chiro, dit ahurhita a săptămânal’ei tricuta, la minister s-lucreadză la un nau Nom ali Educaţie, cari va s-baga accent pi ridiscl’idearea a şcolilor tehnice, a şcolilor profesionale şi a şcolilor postliceale cu profil tehnic. Uidisit cu spusa a secretarlui di stat dit Ministerul ali Educaţie, Vasile Şalaru, tra elaborarea a naului nom, atel’i di la minister au naeti s-faca moeabeti cu sindicaliştii, cu inspectorl’ii şcolari şi cu populaţia prit un referendum, cari să s-tană unaoară cu alidzerli locale di anlu yinitor.
Angrapsearea: Roxana Vasile
Armanipsearea: Tascu Lala
