Produsili bio si agrucultura europeana
Comisia Europeană pripuni un nou regulament mutrindalui producţia ecologică şi etichetarea a produsilor bio, iniţiativă dispri cari spuni că yilipseasti cilastaserli a consumatorilor şi a producătorlor şi mutreasti ceareipsearea a problemelor tra sistemlu actual. Pripunirea fu prezentată di comisarlu european tra agricultură şi dizvoltare rurală, Dacian Cioloş. Consumatorii va s-aiba garanţii ma vartoasi mutrindalui alimentile ecologite adrati şi vindute tru UE, iara fermierl’ii, producătorii şi comercianţii cu amănuntul va s-aiba izini la una piaţă mai teasa em tru Uniune, em nafoara a l’ei.
Corina Cristea, 26.03.2014, 11:14
Piaţa a produselor ecologice dit UE criscu di patru ori tru 10 ani dit soni, iara normele lipseasti s-hiba actualizate şi uidisiti ahtari turlie câ sectorlu s-poată s-creasca ma largu şi s-poată s-apandaseasca ti provocărli yinitoare. Comisia pripuni anvartusearea şi simfunizarea a normelor tru UE şi tra produsele importate, ti furn’ia că ari dip multi dirogări, spuni comisarlu Dacian Cioloş. Una altă idie easti licsurarea tra tritearea a n’itlor fermieri la agricultura ecologică prit darea certificate di grup, multu ma ieftine andicra di ateali individuali. Nu dip tru soni, controalili va s-hiba ma anvartusiti prit efectuarea a lor andicra di riscuri, dimec special la partea di distribuţie şi vindeari.
Ia ti spuni Dacian Cioloş: Vinim cu niscanti precizări ma limbidz mutrindalui controlu pi filieara a produselor bio, tra furn’ia ca s-agiumsi pi isapea tru kirolu dit soni că ari tentative di furlachi cabaia multi maca sectorlu creasti pi turlia exonenţiala tru an’i’i dit soni, si pi turlia limbida, ccaftarea di produse bio easti ma mari andicra di oferta, şi atumtea tendinţa tra s-compenseadza aestă diferenţă eara di multi ori prit furlachi”
Comisia Europeană aproba, tutunaoara, un Plan di acţiune mutrindalui yinitorlu tra producţia ecologica tru Europa. Planul pruveadi una ma bună informare a fermierilor ti iniţiativili di politică ali UE dit domeniul a dezvoltaril’ei rurali şi dit atel a agriculturii ecologice, catacum şi anvartusearea a ligăturlor ditru proiectele di cercetare şi inovare şi producţia ecologică dit UE şi darea curayiu tra consumlu di alimente ecologice, paradigma tru şcol’i. Tu ti mutreasti evoluţia la capitolu producţie bio, comisarlu european spusi tru una conferinţă di presă la Bruxelles că:
Şi România feati jgl’ioati ninti tu an’l’i dit soni. Dit 2008/2009 agiumsim di la trei n’il’i şi nica niheamaza di opearatori la 15.000, dimi avem una multiplicari di tinti ori numirlu di opearatori. Idyealui, suprafeţele siminati tru bio criscura di patru ori, dimi ari limbid una pandisi a agricultorlor dit România la caftarea mari di produse bio.” Producţia bio easti un sector tru mplină dizvoltare tru UE, cu una piaţă di 20 miliaradi di euro s-cama tru an.
Armanipsearea: Tascu Lala
