Easte ună cu catilu
di Nicolae Batzaria
Diana Baetelu, 14.01.2013, 13:10
di Nicolae Batzaria
S-duţe Cole cu tut Chita,
S-duc tu bana-a lor un’oară
Si s-cumînică, criştińil’i,
La basearica din hoară.
Amărtiile s-la si l’eartă,
Că nu-s ună , că nu-s dzaţe.
Picurarlu-vedz că-i dată-
Nu-are dzuuă cînd nu faţe.
Că nu-s ună , că nu-s dzaţe.
Picurarlu-vedz că-i dată-
Nu-are dzuuă cînd nu faţe.
“Neardzim, Cole?”- “Neardzim,Chita”…
Cum s-nu s-ducă? Avdzî,frate?
L’eai niheam cumnicătură
Si-amărtiile sun l’irtate.
Cum s-nu s-ducă? Avdzî,frate?
L’eai niheam cumnicătură
Si-amărtiile sun l’irtate.
Ma, l’i nveaţă un şi-alantu
Că-alăsată-i di Hristolu
Amărtiile ca să spună
Ninte la pramaticolu.
Că-alăsată-i di Hristolu
Amărtiile ca să spună
Ninte la pramaticolu.
“Na, vre Chita, s-intru mine”.
Da cîrligu si-l’i lu ţînă
S-intră Cole Si si ncl’ină,
Faţe cruţe, başe mînă.
Da cîrligu si-l’i lu ţînă
S-intră Cole Si si ncl’ină,
Faţe cruţe, başe mînă.
“E, ficioru, s-greşti îndreptu,
Că va ti-avdă şi Hristolu;
Spune tute, nu ti-ascunde”,
Dzîţe-a lui pramaticolu.
Că va ti-avdă şi Hristolu;
Spune tute, nu ti-ascunde”,
Dzîţe-a lui pramaticolu.
Şi-ahurheaşte, după-aradhă,
Cum întreabă lumea tută:
“Ti ncăceaşi? Ţ-asparsişi gura?
Pînă tora ti-ai bătută?”
Cum întreabă lumea tută:
“Ti ncăceaşi? Ţ-asparsişi gura?
Pînă tora ti-ai bătută?”
“Dip cu vîrnu, ore prefte;
Na, mi giur pi aghil’i toţ.
Macă vrei , întreabă ş-Chita.
Nîs mi ştie, că him soţ.”
Na, mi giur pi aghil’i toţ.
Macă vrei , întreabă ş-Chita.
Nîs mi ştie, că him soţ.”
“Bravo, hil’iu,” l’i-u toarna preftul;
“Altă, spune, te-ai adrată?
Vîrnă oaie, vîrnă capră-
Cum ştii- noaptea nu-ai furată?”
“Altă, spune, te-ai adrată?
Vîrnă oaie, vîrnă capră-
Cum ştii- noaptea nu-ai furată?”
L’ea-s-ţî zborlu, nu hiu fur,
Mi vidzură? S-vină s-adzîcă!
Nu-am furată, ţî mi giur”.
Mi vidzură? S-vină s-adzîcă!
Nu-am furată, ţî mi giur”.
“Bre, criştine, nu mi ncalţă;
Minduia-te, picurare:
Nu-arîdz mine, ma Hristolu,
Si-amârtia-i, vedz, ma mare.
Nu-arîdz mine, ma Hristolu,
Si-amârtia-i, vedz, ma mare.
Nu-ai furată? Cum poa’s-hiba?
Până tora nu-am vidzută
Picurar ahât ândreptu,
Ca s-nu fură bana-l’i tută.”
S-fă-s’-tâ cruţea ş-agiură, Cole:
“Nu-am furată ş-nu-am furată”,
Si-află om să spună ndreptu!
Nu si-acaţă el tu bată.
Si-află om să spună ndreptu!
Nu si-acaţă el tu bată.
“Ghine, du-te s-ti cumâniţi;
S’ ńi-ai rucinea, picurare.
Ma mitańi ca vârnă dzaţe
Fă-s’ţâ seara la culcare”.
Ma mitańi ca vârnă dzaţe
Fă-s’ţâ seara la culcare”.
Iase Cole ş-faţe-al Chita:
“Ai, fărtate, s-li spilăm.
“Ai, fărtate, s-li spilăm.
Nu-ańiurdzeaşte lucrul ghine;
Ai, în hoară s-nu nă-aflăm.
Un andihristu di preftu
Ti mi ntreabă-ahâtă oară,
S-nu-am furată oaie, capră:-
Vrea s-mi-acaţă el tu zboară.
Ti mi ntreabă-ahâtă oară,
S-nu-am furată oaie, capră:-
Vrea s-mi-acaţă el tu zboară.
Nu-i lucru bun, cumu s-veade;
Slabe Seamne, ore Chita.
Nă-aduchiră, ved, tră oile
Te-agudim ieri di la Mita.
Slabe Seamne, ore Chita.
Nă-aduchiră, ved, tră oile
Te-agudim ieri di la Mita.
Stiu ţe ntreabă el ti furtu.
Ma, s-fudzim pân’ avem oară:
Easte ună cu catilu-
Ma, s-fudzim pân’ avem oară:
Easte ună cu catilu-
Lu-aduchii eu di pri zboară.”
