Tora seara-i searâ mari

Stihuri: Toma Enache

Tașcu Lala, 24.12.2024, 08:57

Tora seara-i searâ mari

stihuri: Toma Enache

Tora seara-i searâ mari,

Dumnidzalim mari,

Ma câțe i searâ mari,

Dumnidzalim mari,

Easti seara di Cârciun,

Dumnidzalim mari,

Ți u deadi Domnul bun,

Dumnidzalim mari.

S-amintă un hil’iu mușat.

Dumnidzalim mari,

Maș di dadâ amintat,

Dumnidzalim mari,

Ama iu-lu amintă?

Dumnidzalim mari.

Loc mușat anvârligat,

Dumnidzalim mari

Tu pâhnia a boilor,

Dumnidzalim mari,

Tu cutarlu a oilor,

Dumnidzalim mari

Ma cu ți lu anfâșe,

Dumnidzalim mari,

Cu unâ fași di mitasi,

Dumnidzalim mari

Ampiltitâ ținți — șasi,

Dumnidzalim mari,

Ș-cara vini Ayiu-Yiani,

Dumnidzalim mari,

Di âl lo ș-lu pâtidză,

Dumnidzalim mari,

Ama iu al pâtidză,

Dumnidzalim mari,

Tu arâulu a Iordanlui,

Dumnidzalim mari,

Ma ți numâ-l’i gri laolu?

Dumnidzalim mari,

Isus, Isus, Hristolu,

Dumnidzalim mari,

Ma ți hari al’i deadi dhoarâ,

Dumnidzalim mari,

Țerlu ș-loclu tut unâoarâ,

Dumnidzalim mari

Țerlu ta s-lu mutreascâ,

Dumnidzalim mari,

Loclu s-lu cumânduseascâ,

Dumnidzalim mari.