Turismu balnear pi litoralul a Maril’ei Neagrâ

Ma că veara aleadzim litoralul românescu trâ plajile cu arinâ minutâ şi apa caldă a amaril’ei, în extrasezon chentrile balneare di aoaţe nâ aşteaptă cu oferte irezistibile.

Ana-Maria Cononovici, 05.03.2014, 20:28

Ma că veara aleadzim litoralul românescu trâ plajile cu arinâ minutâ şi apa caldă a amaril’ei, în extrasezon chentrile balneare di aoaţe nâ aşteaptă cu oferte irezistibile.

Acâţăm periplul a nostru di-tru Eforie Nord. Iuliana Tasie, director gheneral a unui complexu balnear, v’ine cu tentaţii trâ toate gusturile şi dzâţe:

Avem ofertă di tratament pi toată perioada a anului, ama cama multu în perioada marţu-aprier, octombriu-noiembriu, tru meşl’i aeştea faţim efortu să oferim pachete ma avantajoase ca preţ, cu diverse promoţii, discounturi, în funcţie di bugetile a persoanior cu aestu dor. Toate pachetile a noastre di tratamentu includ proceduri cu apă nsărată di-tru bara Techirghiol în pischina a chentrului di sănătate, laspe, masaje, duşuri subacvale, includim aoa consultaţia medicală la mediculu specialistu, balneolog a chentrului, oferim ţeale ma bunile condiţii, di patru steale şi la hotel şi la SPA, la preţuri avantajoase a liştei perioadâ. Durata ţea ma m’ica s-hibâ di şase dzâle, avem pachete di 6,12 şi 18 dzâle, în funcţie di lângori. Aţilor ţi au probleme ma greale lâ suntu recomandate 12-18 dzâle. Există şi pachete trâ oamin’il’i tiniri, ţi au nivol’e di unâ revigorare şi nu neapărat di un tratament şi aoaţe zburâm di curele di detoxifiare, zburâm di pachetulu antistres, care include un numir ma m’ic di proceduri, di-tru aţeauşi gamă di fiziotarapie, băn’i cu laspe, băn’i cu plante, masaje, duş subacval, masaje cu laspe, diverse alte opţiuni. Pachetulu balneo, care easte ţel ma complexu, cu patru proceduri n-dzuâ, include un numir ma mare di proceduri, inclusiv electroterapie, aplicaţii cu parafină, alte proceduri ma specifiţe trâ lângorile reumatiţe.”

Hotelul dotat cu aţist chentru di sănătate cunoscut tru toată Europa, are şi un portu privat di agrementu, ţi poate sâ aproache 60 di ambarcaţiuni, şi în sezonulu estival, şi tru perioada a iarnâl’ei. Aoaţe pot sibâ închiriate (loate cu niche) ambarcaţiun’i, pot sobâ loate lecţii di scufundări sau cursuri di navigaţie.

Şi tru staţiunea Neptun-Olimp, la maşi 50 m di plajă, si aflâ un confortabil hotel di 4 steale, dotat cu un chentru spa, dişcl’is tru perioada aprier — octombriu. Iulian Constantinescu, manager rezervări-vinderi, dzâţe:

Îl’i aştiptăm pi oaspiţâl’i a noştri cu pachete di cazare şi SPA în cadrul a complexului, oferim SPA medical, clinic, cu asistenţa a medicilor a noştri-experţâ şi terapeuţil’i specializaţ pi care îl’i avem, pricum şi pachete wellness, di relaxare. Tru aestă perioadă avem valabilă unâ promoţie înscrieri timpurii, trâ aţel’i care au dor să rezerve până în data di 1 aprier, oferim un discountu di 15% di-tru pachetile a noastre cazare şi spa. Putem sâ propunim un pachet wellness talasotherapy, di şapte nopţâ cazare şi şase dzâle spa, care include treie terapii di relaxare n-dzuâ, di care putem sâ enumerâm hidromasaje cu untulemnuri esenţiale, masaj subacval, împachetări cu laspe, dry flotation, duş-masaj Vichy, masaj cu laspe, aroma relaxing masaj, pricum şi şedinţe di ghimnastică acvatică. Trâ aţel’I ţi au dor să beneficiadzâ di pachetile a noastre clinic-medical spa, putem sâ lâ oferim, spri exemplu, pachetulu balneo-vitality, ţi include şapte nopţâ cazare şi şase dzâle di program spa, cu patru terapii n-dzuâ, care va sibâ stabilite pri-tru consultul medical iniţial, oferit di cătră mediculu a nostru. Din gama a terapiilor, putem sâ enumerăm: băn’i cu laspe, împachetări cu laspe, masaj terapeutic cu untulemnuri aromate, masaj cu laspe, masaj subacval, hidromasaj, cu uleiuri esenţiale sau cu sare terapeutică di Bazna, băn’i di plante, kinetoterapie, hidrokinetoterapie, electroterapie, magnetoterapie, laser terapie. Putem sâ oferim şi pachete antiaging trâ oaspiţâl’I a noştri, care includ şi tratamente cu Gerovital.”

Dipunânda şi ma la sudulu a litoralului românescu, în staţiunea Venus, aflăm hoteluri cu chentre di gh’itripsire. Ion Lucian, administratorulu a unui ahtare hotel nâ oferă detalii:

Vă aştiptăm în perioada 15 aprier-30 octombriu, cu multă plăcere, cu mare harauâ! Ca tratamente SPA, noi avem toate procedurile medical-SPA, aprobate di Ministerulu a sănătatil’ei, avem infrastructura să li desfăşurăm, aesta însimnânda şi specificulu a zonâl’ei, adică laspea terapeuticâ şi apa mezotermală, ama şi tratamente gheriatriţe, tutnâoarâ, diapuls, magnetoterapie, electroterapie, kinetoterapie. Ca aparatură, avem cădz (cupăn’I) cu curenţâ galvaniţ, diadinamiţ, faradiţ, aesta trâ electroterapie în apă, masaj şi duş subacval, diapuls, magnetoterapie.”

Indiferent di centrul spa pi care va-l aleadziţ tra s-vâ u aflaţ diznou starea di ghine, efectele va li simţiţ ninca di-tru protile treie dzâle. Cu tute aeste trâ efecte di durată suntu recomandate cure di minim şapte dzâle, aţeale ma indicatile hiinda ţeale di 12 sau ninca di 18 dzâle.