Prima pagină » Rubriţi di cafi stâmână » Radio-Priimnare » Panayiruri di Crăciun în România

Panayiruri di Crăciun în România

Cumpărăturile di Crăciun suntu mare araste di bucuril’e, iara saculu a lu Pap Cârciun nu si umple tru niţe un loc ma ghine dicât tru panayirurile di profil. Di aestâ afom’ie, faţim prima dânâsire tamam în chentrulu a Româniil’ei, la Sibiu. Panayirulu di Crăciun di Sibiu easte un proiect cultural iniţiat di Biroulu a Ataşatului Soţial a li Ambasadǎ a li Austrie în România, dr. honoris causa Barbara Schöfnagel, în parteneriat cu municipalitatea sibiană. Expozanţâl’i vinirâ di-tru cama di 20 judeţe ae ţarâl’ei. Va sâ aflaţ diverse obiecte di artizanat sau decoraţiun’i di Crăciun. Nu suntu elipse niţe dulţen’ile cu forme di fructe pralinate, cǎstǎn’ile coapte, prăjiturile dulţe şi torturile di casă, specialităţile di-tru gastronomia românească şi ungurească şi, sigura, v’inulu hertu. Andrei Drăgan Răduleţ, managerulu a evenimentului spune că-l’I vinirâ multe fotografii din partea a vizitatorilor, aprecieri şi comparaţii cu multe di panayirurile di tut aţeauǎşi turlie din Europa.

Daniel Onea, 10.12.2014, 21:46

La dişcl’ire, Piaţa Mare si vidzu ca m’ică şi niîncăpătoare. Mulţâ oamin’i v’in di aform’ia că si aşteaptă tru hibǎ ţi an la ţiva mai interesantu dicât tru anulu di ninte. Avem şi responsabilitatea tra-s nu-l’I alǎsǎm arâşi vizitatoril’i. Până amu reuşim să nu-l’i arâdim. Iluminatulu festiv fu pi misura a aştiptărilor. Căsuţile şi turlia tru care furâ amplasate lâ arăchirǎ a vizitatorilor multe ore di-tru programulu a lor. Există spectacole care suntu concentrate pi bitisita di septămână. Tama pi site-ul a evenimentului, targuldecraciun.ro, cu versiun’ile în limbile română, engleză, franceză şi germană, poate sâ si veadǎ ţi spectacole suntu programate. În restul a chirolui, întrǎ 10.00 şi 21.00, toate căsuţile suntu dişcl’ise.”

Panayirulu di Crăciun di Sibiu deadun cu Asociaţia We Help suntu şi anulu aestua parteneri a programului ShoeBox”. Pri-tru aţist program, careţis-hibâ poate sâ dăruiascǎ un cadou di Crăciun a cilimean’ilor cu unâ situaţie materială dificilă. Conceptul caftâ ca donatorulu să ofere unulu sau ma multe cadouri cu un volum rezonabil, care să încapă într-unǎ cutie di papuţǎ, di aoaţe şi denumirea ShoeBox”. Cutiile prinde să hibǎ muşat ambalate şi prezentate la chentrulu di colectare nesigilate, tra sǎ hibǎ sortate în funcţie di v’initorulu destinatar ţi va li l’ia. Aoaţe suntu repartizate pi categorii: ficior sau feată, cu vârsta cuprinsă întrǎ 2 — 18 ani. Andrei Drăgan Răduleţ, managerulu a panayirului di Crăciun di Sibiu, nâ zburǎ ama şi dispre un altu proiect, chinesit ninte cu trei an’i, agiumtu amuşi la unâ formulă extinsă.

Easte un pachet di city break ţi acaţǎ di la 45 di euro di persoană trâ dauă nopţǎ, di vineri până duminică. Poate sǎ si aleagǎ di 12 unităţi di cazare di-tru chentrulu a cǎsǎbǎlui, di la pensiune di treie steale până la hotel di patru steale plus. Pi lângă cazare, suntu incluse şi transferurile di la aeroportu sau gară şi un tur ghidat în chentrulu a Sibiului. Aţistua si termină tru Panayirulu di Crăciun şi include unâ alinare tru cunoscutulu Turn a Sfatului. Inclusim unâ şedinţă di relaxare la un bazin istoric, Baia Populară. Turiştil’i au parte şi di unâ degustare di v’in hertu şi di un voucher cadou, cu care pot sǎ-şi achiziţioneadzǎ un suvenir din cadrul a panayirului. Easte un pachet complet pi care lu-au achiziţionatǎ tru pasa an priste 500 di turişti. El’i au ocazia să viziteadzǎ unile dia ţeale ma tinirile panayiruri di Crăciun, comparabile cu alante, la nivel european. Nu va lâ si auarascǎ tru Sibiu, va sǎ hibǎ şi ghine aprucheaţ şi aştiptaţ, şi tru panayir ama şi tru casabǎ. Him anviţaţ cu turiştil’i şi nǎ dorim, nǎ avem dor mult să lǎ faţim unǎ şideare plăcută. Aşi, aţel’i m’iţǎl’i, ţel’i mǎril’i, va sǎ aibǎ tuţ parte di unǎ vizită reuşită şi cred că, tru aţiastă parte a anului, Sibiulu easte unǎ destinaţie cu care nu poate sǎ si facǎ lathoe.”

Anulu aţistua, başi tru chentrulu a Bucureştiului, tru dauă zone simbol a capitalǎl’ei, Parcul Cişmigiu şi Piaţa Universităţii, tru iamea 29 brumar — 28 andreu, si faţe panayirulu ofiţial di Crăciun a Bucureştiului, numit Bucharest Christmas Market. Evenimentul si înscrie tru reţeaua a ţilor mai importantile panayiruri di Crâciun di-tru Europa şi easte dedicat a tutulor categoriilor di public, intrarea hiinda liberă. Tru colţul, ciuşelu, di decoraţiuni va sǎ aflaţ globuri, coroniţe, ghirlande. Dulţen’ile, siropurile, m’iarea, magiunulu si aflǎ tru zona Fabricat în România”. Nu suntu elipse niţe preparatile tradiţionale. Iar tru zona Dulţe di Crăciun” puteţ sǎ vǎ delectaţ cu turtă dulţe, plăţinte aburinde, covridz anvârtiţ şi cozonaci grǎsopan’i. Iara aesta nu easte dip tot, spune Ema Stoica, unulu di coordonatoril’i a proiectului.

Avem unâ zonă dedicată a cilimean’ilor. În varliga a bradului easte amplasată Căsuţa a lu Moş Crăciun, iunde ţel’i m’iţǎl’i pot sǎ si adunǎ cu Papulu Cǎrciun şi cu spiriduşil’i a luşti. Tot aclo si aflǎ un carusel şi, tut ca la ediţiile precedente, în cadrul a panayirului si desfăşoară campania umanitară Dăruia, s-eşţǎ mai bun, şi tine poţ s-hii Pap Crăciun”, organizată di Primăria a Municipiului Bucureşti, pri-tru Creart, în parteneriat cu SOS Hoarile a Cilimean’ilor România. Pri-tru aestă campanie nǎ propunim să adoptăm unǎ atitudine proactivă trǎ rezolvarea a problemilor cu caractir soţial. Poate sǎ si achiziţioneadzǎ unâ cărtică, a cure lansare si feaţe di curundu. Si numeaşte Mǎgh’ie, V’is, Valentina şi-un dichis”. Pot sǎ si doneadzǎ giucării şi cărţǎ, iara tut aclo există şi un brăduţ a dorinţelor, a lucrilor trǎ care avem dor iu pri-trun donaţii, v’isile a copiilor pot sǎ si împlineascǎ. Tot la Bucharest Christmas Market aveţ posibilitatea sǎ ascultaţ artişti di renume, di-tru toate ghenurile muzicale, pi unǎ schenă amplasată în Piaţa Universităţii. Nǎ bucurăm şi vă faţim timbihe să hiţ arada di noi, să aleadziţ Bucureştiul ca destinaţie di Crăciun şi, evidentu, să vizitaţ Bucharest Christmas Market.”

Tru vestul a Româniil’ei, în Timişoara, panayirulu di Crăciun agiumse la ţea de-a opta ediţie. Iara anulu aestua avem parte di unâ ediţie specială. Câţe? Aflăm di la Dan Diaconu, viceprimarulu a municipiului.

Easte un panayir cu tradiţie, care, di punctul a nostru di videare, poate sibǎ unǎ di atracţiile turistiţe a Timişoarâl’ei tru aţistă perioadă di sărbători. Easte un panayir cu un iluminat artistic di excepţie, în Piaţa Victoriei, în chentrul a Timişoarâl’ei, într-unǎ ambianţă feerică. Pi nângă oferta bogată di produse, turiştil’i pot sǎ si hǎrǎseascǎ şi di un program artistic di excepţie. Nu-are să vă ascundu că, pi di altă parte, într-un mod împlin di harauǎ, anulu aestua, panayirulu di Crăciun si suprapune şi priste manifestările dedicate a aniversaril’ei a 25 di an’i di libertate în Timişoara, casabǎlu di iu chinesi revoluţia română di-tru 1989. În Piaţa Victoriei va sǎ avem un numir importantu di manifestări care cred că va sǎ adunǎ foarte multă lume, hibǎ că zburâm di concerte, hibǎ cǎ zburâm di alte manifestări artistiţe.”

Până data v’initoare, cându vă aştiptăm cu nale destinaţii, cale bunǎ şi chiro muşat!