(concurs Prahova): La schi, pi Valea a Prahovâl’ei
Agiundzm azâ n-tru unlu di aţeale ma bogatile şi ma dezvoltatile din România judeţ: Prahova, cu reşedinţa la Ploieşti, câsâbă recunoscut tru prilucrarea a petrolului. Nu va zburâm ama di statistiţ şi niţe di industrie, că dispre unâ destinaţie ideală di vacanţă, cama multu trâ aţel’i cu mirachea a sporturilor di iarnă: Valea a Prahovâl’ei. La vârâ dauă sahăţ di Bucureşti, cu unâ varietate mare di pârtii di schi, Valea a Prahovâl’ei îl’i aşteaptă pi aţel’i cu mirachea a sporturilor di iarnă, cu unâ ofertă di sezon tut cama diversificată di la an la an.
Daniel Onea, 15.01.2014, 19:24
Agiundzm azâ n-tru unlu di aţeale ma bogatile şi ma dezvoltatile din România judeţ: Prahova, cu reşedinţa la Ploieşti, câsâbă recunoscut tru prilucrarea a petrolului. Nu va zburâm ama di statistiţ şi niţe di industrie, că dispre unâ destinaţie ideală di vacanţă, cama multu trâ aţel’i cu mirachea a sporturilor di iarnă: Valea a Prahovâl’ei. La vârâ dauă sahăţ di Bucureşti, cu unâ varietate mare di pârtii di schi, Valea a Prahovâl’ei îl’i aşteaptă pi aţel’i cu mirachea a sporturilor di iarnă, cu unâ ofertă di sezon tut cama diversificată di la an la an.
Mihai Coleşi, coordonatorulu a Centrului di Informare Turistică, Buşteni, nâ spuse că easte ţea ma ghine dezvoltată zonă montană din România, cu pârtii di toate gradile di dificultate. El dzâse:
Are 14 pârtii, căl’iuri di schi, inclusiv pârtii trâ arhiusitori, pârtii trâ schiori cu pregătire medie şi tra ţel’i avansaţl’i. Toate suntu echipate la standardu european. Iţe pârtie are transport pi telescamnu sau telegondolă. Are teleschiuri tru unile zone a pârtiilor din Sinaia, Buşteni şi Predeal. Tru staţiunea Buşteni, la baza a ţilor dauă pârtii di aclo, există şi un Fun Park, trâ distracţia a ţilor m’iţl’i şi mărl’ii, isa-isa. Arhiusinda di anlu aestu, trâ haraua a ţilor cu mirachea a schiului, tru aţeale treile staţiun’i ma importante di pi Valea a li Prahovâ: Sinaia, Buşteni şi Predeal, poate sâ si schiadzâ cu tut aţealeşi tichete. Tru an’il’I di ma ninte furâ cazuri cându acumpărai un tichet trâ unâ dzuâ, iara după unâ sahate-dauâ, di aform’ia a vintului sau a altor inconvenienţe, nu mata puteai sâ schiedz şi pâradzl’i eara chirduţ. Tora poate sâ si schiadzâ pi aţeale treile pârtii aşi cum si schiază în tute statile cu experienţă di-tru Europa: Austria, Elveţia, Franţa.”
Tichetile pot sâ si achiziţioneadzâ di la firma care administreadză pârtiile di schi di-tru aţel’i treil’i câsâbadz, ama şi di la baza a cathiunâl’ei pârtie, iu are casierie. Pot sâ si acumpărâ bilete trâ ma multe dzâle, şi cu cât numirul a dzâlilor easte ma mare cu ahât ma convenabil easte şi pâhălu. Oferta easte variată, nâ spuse Anda Baciu, secretar gheneral, Asociaţia trâ Promovarea şi Dezvoltarea Turismului, Prahova. Ea dzâse:
Hotelieril’i suntu pregătiţ, îndrepţâ cu pachete care includ şi ski passuri sau reduţiri în videarea a li obţânire a luştor, oferte speciale trâ aţel’i cu vrearea a sporturilor di iarnă, ahtare turlie că pachetulu să si pliadzâ, sâ si uidiseascâ pi aţeea ţi au nivol’e turiştil’i în perioada aesta. Are multe sporturi ţi pot sâ si practicâ. Pi lângă partea di snowboard, si mai practică şi schi cu parapanta, escladă pi gl’eaţă. Tamam luna, meslu aeastu avem un campionat internaţional. Avem schiulu di tură, ţi si practică tru zone aghre. Cathiun, iţe om poate sâ aflâ aţea ţi doreaşte, ţi are dor.”
Mihai Coleşi, coordonatorul a Centrului di Informare Turistică, Buşteni, easte unul di organizatoril’i a luşti campionat internaţional: etapa a daua din cadrulu a Cupâl’ei Mondialâ di Escaladă pi Gl’eaţă. El dzâse:
Easte un eveniment foarte importantu în Buşteni, în România, di aform’ia că aeastă Cupă mondială easte apânghisitâ di maşi şase state. Prima etapă si desfăşură, si dizvârti deja în Coreea, urmânda concursulu di siptămână aestâ, din Buşteni şi etapile din Elveţia, Franţa, Rusia şi Italia. Easte un sportu relativ nou. Evenimentul fu decalat di-tru meslu şcurtu tru gh’inar, din cauza a Giocurilor Olimpiţe di la Soci şi cama multu di afom’ia că la Soci a sâ si facâ demonstraţii di ţi si faţe în cadrul a liştei Cupâ Mondialâ. Si are tru minte treaţirea a luşti sportu tru arada a dischiplinilor olimpiţe. Si desfăşoară în stil turneu. Si arhiuseaşte printru unâ tradzire la sorţâ, şcurtiţa. Aestă competiţie easte patronată di Uniunea Internaţională a Asociaţiilor di Alpinişti, cu sediul la Berna, tru Elveţia. Tru aţist momentu sunt înscrişi 92 di sportivi di-tru 16 statei, di pi patru continente. Easte aţel ma di anvergură, ma marile evenimentu a sporturilor di iarnă din România. Si transmite online tru cama di 100 di state şi pi diferite posturi media di specialitate.”
Iara trâ care are oarâ, locurile dia nvârliga prinde fârâ di altâ sibâ vizitate, completeadză Mihai Coleşi, care dzâţe:
Pot sâ si viziteadzâ obiective importante, poate sâ si m’eargâ cu telecabina pi platoulu Bucegi, iu are monumente foarte cunoscute şi apreciate în special di cătră turiştil’i xen’i: Sfinxul, Cruţea di pi Caraiman, Babile. Avem şi castele, cum easte aţel di la Peleş, recunoscut ca unlu di aţeale ma muşatile din Europa, castelul Cantacuzino, di la Buşteni, construit tru anulu 1911, unâ valoare a patrimoniului naţional. Pot sâ si facâ diferite excursii şi în zona a Branului, unâ zonă aproapea di Valea a Prahovâl’ei, iu poate sibâ vizitat Castelul Bran.”
Staţiunea Sinaia oferă aţel ma bunlu schi di altitudine, la 2000 m, di pi valea a Prahovâl’ei. Oferta easte variată şi trâ toate categoriile di schiori sau snowboarderi, spune Anda Baciu, secretar gheneral, Asociaţia trâ Promovarea şi Dezvoltarea a Turismului, Prahova, pi care u întribăm cătră ţi staţiune s-minduiaşte ma di avrapa sâ-l pitreacâ un turistu xen. Ea dzâse:
În Sinaia minduescu sâ-l pitrec să practicâ sporturi di iarnă, di aform’ia că are cama multile pârtii di schi din ţară, adunate tru aţeluşi loc. Tutunâoarâ, Sinaia easte un câsâbă turistic şi di punctu di videare cultural. Aoaţe poate sâ si veadâ nheamâ di istoria a li Românie. Easte zborlu di capitolul a regalitatil’ei, care atradze foarte multu turiştil’i xen’i. Pot sâ-l pitrec în Buşteni trâ parcul di distracţii di la bază sau ma că si va sâ înveaţâ să schiadzâ. Sigura, tru tute aţeale treile staţiun’i pot sâ si înveaţâ mistirgh’iurile a sporturilor di iarnă. Pot sâ-l pitrec în Azuga tra-s beneficiadzâ di instructoril’i multu bun’i di aclo. Are ndauâ şcol’iuri di schi care sunt recunoscute şi recomandate di cătră turişti. Ştiu că are instructori care m’ergu priste graniţe, nafoarâ cu clienţâl’i din România. Pot sâ-I invit la Azuga şi di aform’ia că seara poate sibâ faptâ unâ degustare di v’in la izbile, zimnicurile regale. Vă aştiptăm în judeţul Prahova di aform’ia că avem piste 23 di pârtii omologate, piste 25 di km di pârtii. Vă aşteptăm în Prahova, trâ aţea că şi ma si nu nâ da izine chirolu, majoritatea a pârtiilor au instalaţii di neauâ artificială şi nocturnă. Tutunâoarâ, va beneficiaţ di serviciile a unor instructori foarte bun’i di schi, la preţuri competitive cu aţeale di pi plan internaţional.”
Invitaţia fu lansată. Vă aştiptăm şi siptâmâna ţi v’ine cu unâ nauă destinaţie şi loc iu s-agiundzim.
