Prima pagină » Rubriţi di cafi stâmână » Radio-Priimnare » (concurs Govora): Turismu balnear, monahal şi montan

(concurs Govora): Turismu balnear, monahal şi montan

Him la unâ hauâ ediţie di concursu a rubricâl’ei a noastră! Nâ turnăm tru staţiunea balneoclimaterică Băile Govora tra sâ cunoaştim atracţii turistiţe ahoria a zonâl’ei. Astăndzâ va sâ zburâm dispre treie di principalile forme di turismu care fac ca destinaţia a noastră să hibâ atractivă şi muşată trâ toate categoriile di vârstă: turismul balnear, monahal şi aţel montan. Aestea pot sâ si mpilteascâ perfect, dzâţe Mihai Mateescu, primarulu a câsâbălui Băile Govora.

Daniel Onea, 05.04.2015, 21:24

Tricum la conceptul di turismu medical, ţi să aducă turişti di priste sinure tra sâ-şi refacă sănătatea la noi. Aflăm deja dauă primării serioase din Italia şi di-tru Elveţia. Lucrile voiu să si concretizeadză rapid, di aform’ia că şi vizita a 45 di ambasadori la Băile Govora şi a ahântor consuli asiguripsirâ lumea că aoa si faţe ţiva, că politia a noastră, Băile Govora, are unâ altâ turlie de ţinută, di nviştumintu. Aoa nu si faţe maşi tratamentu, există şi divertisment. Cându m’eardzim iuva, him apofăsiţ tra să nă discurmăm, eventual să nă tratăm şi ma puţin să nă aplicăm asupra a istoril’ei a locului, să vizităm locurile care merită vizitate. Avem un muzeu extraordinar tru câsâbă, Muzeul Balnear, hotelul Palace, emblema a staţiunil’ei, care easte un model di arhitecură şi easte restaurat di curundu. Va acâţăm şi reabilitarea a chinematografului conceput di prima mul’iare arhitect din Europa, tru anulu 1929, Virginia Haret Andreescu. Lansăm unâ timbihe tra să v’iniţ să vă bucuraţ şi hărăsiţ di microclimatulu unic în Europa. Inclusiv aţel’i sănătoşi pot să v’ină să si bucură di aţist aer. La aţistea adăvgăm binefaţierile a tratamentului, traseele di cură balneară, aleile, primnările, mănăstirile. Toate creeadză un ambientu extraordinar, iara turiştil’i prinde să veadă Băile Govora. Haidiţ la noi!”

Andreea Sârbu, consultantă în turism şi director a unui hotel di Bucureşti si-are turnată di puţân chiro di-tru staţiunea Băile Govora. Îşi aduţe aminte cu plăcere aestă destinaţie pi care u vizita di m’ică, tru compania a bun’ilor stripâpân’i. Troa mutri tra s-u veadă dintr-un ungl’iu obiectiv, a expertului în turism.

Aţel parc di care îm’i aduţeam aminte, pmlin di virviriţe şi căprioare, există şi fui multu impresionată di un hotel care si renovă recentu, Hotelul Palace. Easte unâ binaie, casă, istorică, monumentu, ţi si renovă cu fonduri europene şi-şi aşteaptă turiştil’i tora. Mi impresionă prota oară binaia. Easte superbă. Amenajarea easte di v’is. Îl’i invit pi tuţ să-l vadă, ţi cara că poate nu m’ergu să sta tru staţiune. Ţi cara că aleg să m’eargă tru locurile di anvârliga. Avem aclo Salina Ocnele Mari, căsăbălu Râmnicu Vâlcea — un căsăbă nu dip m’ic. La Palace, di cuaver, zburăm dispre calitatea a serviciilor, dispre oamin’i multu ospitalieri. Ţi cara că nu eara sezon, toată lumea eara încântată să explică. Nu-am reuşită să vizitedz ninca baza di tratamentu, ama am avdzâtă că oferă servicii cardio di ţea mai buna calitate, servicii trâ problemile respiratorii, şi trâ copii cât şi trâ adulţâ. Aşima, hibă că m’erdzâ trâ vacanţă, tra să vedz locurile di anvârliga, i că m’erdzâ trâ tratamentu, Hotel Palace easte tama unâ aleadzire uidisită.”

Salina Ocnele Mari, situată la maşi 17 km di Băile Govora, easte destinaţia ideală şi trâ aţel’i care vor să treacă ună dzuuâ diparte di soarele care arde a vearâl’ei, şi trâ aţel’i care vor să facă terapie trâ sistemulu respirator. Aşima, tru subteran, la 170 di metri adânţime, turiştil’i v’in nu maşi di toată Europa, că şi trâşi di-tru America. Motive au baia. Pi nângă aerulu sănătos di salină aoa aflâ un magazin di suveniruri, un cinema, spaţii di relaxare şi başi unâ biserică. Iara aesta nu easte tut. Lista continuă, într-ună prezentare realizată tamam aclo la faţa locului di cătră Anca Maria Perţ ghidulu turistic a salinâl’ei. Chinematografulu are unâ capacitate di 40 di locuri. Pot sâ si vizioneadză filme, deseane animate. Di aradă, are ma mulţâ copii, cilimean’i, la chinematograf. Spaţiulu di relaxare easte special amenajat. Aclo pot să vizioneadză un film, pot să bea unâ ceaie caldă şi, sigura, pot să inhaleadză aerosolil’i salini, recomandaţ trâ tratarea a numiroasilor afecţiuni respiratorii. Vă aştiptăm la Salina Ocnele Mari pota oară di aform’iia easte un loc ahoria, care si remarcâ pri-tru alternanţa a straturilor di sare, adarate di la condiţiile climatiţe în care si formă dzăcămintul. Spectacolul oferit di alternanţa aţistor straturi easte unic în România. Altă turlie, salina Ocnele Mari oferă multiple posibilităţ trâ treaţirea a chirolui liber incluzânda un magazin di suveniruri, restaurant, sală di cinema, un spaţiu di relaxare, un locaş di cultu — ţea mai marea bâsearică subterană din ţara a noastră, spaţiu di agrement iu pot să si practică diverse sporturi, sală di fitness. Tru chentrul a restaurantului cu specific românescu are unâ trâ mirache fântână arteziană, realizată di zvol’i, di zbuldzuri, di sare. Pi nângă posibilităţile di divertismentu, pot să si realizeadză şi cure di aerosoli. Speleoterapia, aşi cum easte numit tratamentul în subteran, are ună eficienţă demonstrată ştiinţific şi si bazeadză pi depunerea di efortu dozat, pri stimularea a căl’iurilor respiratorii. Tutunâoară, si remarcă şi efectul di calmare, antiinflamator şi bronhodilatator a ionilor di-tru salină, indicaţ trâ calmarea a tusil’ei.”

Aproapea di Băile Govora easte şi Horezu, localitate renumită trâ masturil’i olari di mân’ile a cure ies dialethea thame di cheramică neagră. Ama Horezu easte renumit şi anamisa di miracladzâl’i a turismului montan. Di aoa anchinsescu ndauă trasee muşate, marcate, pri-tru Munţii Căpăţânii. Racheru Ştefan, consultant în turismu, dzâţe că di la Horezu, tru iţe parte să ti duţ dai di numiroase obiective turistiţe di interes.

La 5-6 km maxim, dai di superbe mănăstiri, cum easte Mănăstirea Arnota, ctitoria a domnitorului Matei Basarab, a cure mormiântu si aflâ aclo. Ma-s dipunim şase km tru vadul, loculu di treaţire a apâl’ei si analţă unâ altă mănăstire, oara aestâ în stil gotic: Bistriţa. În România, mănăstirea Bistriţa si aflâ printră puţânile a cure pictură easte realizată di marile pictor român Gheorghe Tătărescu. Ţel mai îngustul defileu săpat di apă si aflâ tru zona Horezu, dinâpoia a mănăstirilei Bistriţa. Defileulu, dirvenea, are 4,6 metri largă. Muzeulu a Trovanţilor, a cheţrâlor care crescu, easte în zona a noastră. Cheramica di Horezu easte ţea ma muşata din România. Masturil’i cheramişti si-au formată din tradiţie, di secole, di la tată la hil’iu, el’i duc mai diparte aţistă trâ mirache ocupaţi. Pi aţel’i ţi frimintâ lutulu, loc galbin, şi-l decoreadză eo îl’i numescu artişti. Va vă ciudusiţ di precizia a decoraril’ei cu cornu di vacă şi peană di gâscă.”

Iatu aşicara motive baia tra să vă programaţ ună vacanţă la Băile Govora. Pi nângă tratamentul di care puteţ să vă hârâsiţ în staţiune, va să aveţ şi numiroase obiective turistiţe tru locurile di anvârliga.