Prima pagină » Rubriţi di cafi stâmână » Radio-Priimnare » (concurs Gorj): Muşuteţ turistiţe în Gorj

(concurs Gorj): Muşuteţ turistiţe în Gorj

Zona di munte a judeţului Gorj easte destinaţia nai ma uidisitâ a tutulor aţel’i care îşi au dor să si relaxeadză, ama şi să-şi veadă limitele pri-tru turismul di aventură. Rafting, canyoning, speologie, rapel şi tiroliană, escaladă, mountain bike, schi, iatu maşi ndauâ di activităţâle care compun pachetile turistiţe aţeale ma solicitatile. Tutunâoarâ, vechlile mănăstiri au reprezentată dipriună un punctu di atracţie trâ aţel’i care au agiumtă în Gorj.

Daniel Onea, 27.11.2015, 22:38

Gorj easte un judeţ cu un potenţial eminamente turistic, iara di aţist punctu di videare are toate ingredientele anaghe, spune Oana Paloş, purtătoare di zbor la Consiliul Judeţean Gorj, şi care dzâţe

Cum easte un judeţ cu zonă montană, aoaţe există dip multe posibilităţ di practicare turism di aventură pi toată perioada anului, şi veara, şi cama multu iarna. Tru munţâl’i Gorjului există unâ zonă ţi tora easte cunoscută pi plan naţional — staţiunea turistică Rânca. Aţel’i cu mirachea sporturilor di iarnă pot s-v’ină la schi. Există tora şase pârtii trâ ski practicabile, un telescamnu şi mai există şi posibilităţ di practicare a alpinismului, parapantă, snowboard, bob. Ama sportul rege pi zona di aventură easte raftingul. Di aestâ parte di videare, judeţulu Gorj si detaşeadză în clasament. Specialiştil’i dzâc că raftingul si practică excelent aoaţe. Transalpina easte ţea ma analta geadeie din România. Şi, ţi cara că easte geadeia care si spune că da di niori, easte, de fapt, vechl’iul drum şi cale ufilisit ninca di tru chuirolu a dacilor şi a romanilor di cătră oieril’i a noştri trâ transhumanţă, ţi ţânea vechl’i ligături cu zona Sibiului.”

Turism di aventură, ama şi turism monahal, turismu di agrement sau turismu cultural. Turismul monahal easte diversificat pri-tru faptul că pi raza judeţului Gorj există ma multe aşedzăminte monahale, mănăstiri ţi dateadză di-tru eţâle tricute, completeadză Oana Paloş, care dzâţe:

Pot s-dau ca exemplu Mănăstirea Tismana, ţel ma vechl’iul aşedzământu sihastric din Ţara Românească. Există un circuit turistic multu muşat frumos şi apreciat di cătră turiştil’i din ţară. Iar zona internaţională îşi îndreaptă atenţia cătră noi di aform’ia că, pe nângă alante destinaţii turistiţe, Gorjul acaţă să facă jgl’ioate importante în promovarea turistică hiinda vrut. Di la an la an, nă creaşte numirulu di turişti şi din afoara a ţarâl’ei. Municipiul Târgu Jiu easte evidenţiat di ansamblul monumental Calea Eroilor, pri-tru operile a marilui sculptor român Constantin Brâncuşi, avdzât în tută lumea. Avem un conceptu turistic city break” ţi si bagă tru practichie şi trâ Târgu Jiu, şi pi nivelul a judeţului Gorj. Aşi, poate să si agiumgă la multe di multe obiective turistiţe, di si acoapiră şi zona di agrement.”

Aghenda culturală a judeţului Gorj easte ună multu ghine minduită di-tru diverse manifestări culturale di promovare turistică, ama şi di divertismentu, continuă Oana Paloş, purtătoare di zbor la Consiliul Judeţean Gorj. Pi toată perioada anului, tru iîe mes, turiştil’i care si hărăsescu di muşuteaţa plaiurillor gorjeane şi di savoarea bucătăriil’ei locală pot să treacă momente multu plăcute şi muşate pri-tru acţiun’ile ţi si desfăşoară an di an şi care suntu la ediţii baia naintate.

Ţeale di veară sunt mpline di folclor. Aduc aminte Festivalul Internaţional di Folclor ţi si faţe tru iţe mes agustu, la care participă multu di mulţă invitaţ di-tru xinătate. Pi strădzâle a municipiului pot să si veadă parade di stran’e populare internaţionale, di-tru multe di multe ţări. Meşil’i agustu şi septembrie suntu tru iţe an pline di manifestări ţi scot miracladzl’i di divertisment în stradă, di aform’ia că avem un întreg zingir di evenimente. Di aţistea, si evidenţiază programulu V’ino acasă la Brâncuşi”, ţi are criscută di la ună ediţie la alta, agiungânda şi tru zona internaţională şi avânda dip multu succes. Ma că si vrei să vizitedz judeţulu Gorj toamna, să ti hârâseşti di culorile nimatavidzute tru alte părţă di pi Transalpina, poţ să intri şi tru lumea hoarâl’ei, iu si ţân intacte arădzâle di sute di an’i şi iu oamienil’i îşi respectă cu stricteţe sărbătorile locale. Poţ să ti bucuri di poamile a luştor locuri la DZuua Recoltâl’ei, care nu si reduţe la ună singură dzuuă, că are ma multe momente care aduc în faţă momentile tradiţionale şi celebrul v’in. Easte un produs tradiţional hiinda ună zonă colinară di dzenuri şi di munte. Aţistua si uidiseaşte cu brândza di văţ a oierilor di-tru zona Transalpina. Avem un festival dedicat a muzicâl’ei folk, literaturâl’ei. Avem manifestări culturale diverse, care atrag oamini di-tru diverse categorii, di la lumea academică până la turiştil’i care au dor trâ ndauâ dzâle di relaxare pi plaiurile a Gorjului.”

Easte ună zonă interesantă, considerată exotică pri-tru aghrimea a păduril’ei. Pi raza judeţului Gorj si află baia multe rezervaţii naturale, iu poate să si practică avinătoarea sau pescuitulu. Ama în Gorj există şi un loc ma puţin promovat şi multu apreciat în prezent maşi la nivel local. Oana Paloş dzâţe:

Easte singura staţiune balneară a judeţului şi aoaţe poţ să-ţ afli ndauâ momente di isihie, tră suflit, tru tut aţeluşi chiro avânda ngâtan di sănătate. Localitatea Săcelu easte atestată documentar ninca di-ru chirolu a roman’ilor. Aoa si află multe di multe vestigii di băn’i romane. Nu easte cât prinde di cunoscută di aform’ia că tora faţim primil’i paşi în promovarea turistică a liştei staţiune. Ea easte multu cunoscută ama pi plan local. Merită să hibă vizitată, di aform’ia că aoaţe poţ să ti refaţ şi cu truplu, şi cu suflitulu. Easte un loc aparte tamam pri-tru băn’ile romane, care concurează cu multe di multe zone di tratamentu din România.”

Aşi-ma, raftingu, caiac, canoe, escaladă, schi. Tră Gorj, va să aflaţ pachete turistiţe ndreapte cu atenţie, pi diverse nivele di griutate, ahtare tulie încât şi aţel’i ţi arhiusescu şi aţel’i ma avansaţâl’i să poată s-li abordeadză. Aţel’i ţi va să v’ină în România, pi nângă istorie, cultură, muşate tradiţii populare, va să poată să discoapire şi aeste sporturi, ţi va lâ li facă ma întredz aştiptările.

autor: Daniel Onea

armanipsire: Hristu Steriu