Prima pagină » Rubriţi di cafi stâmână » Radio-Priimnare » Băile Herculane, staţiune dipriună tiniră

Băile Herculane, staţiune dipriună tiniră

Astădzâ vă invităm tru partea di sud-vestu a Româniilei, la ună altitudine di 168 m, la maşi 25 di km di frontiera cu Sârbia. Situată întră munţâl’i Cernei şi munţâl’i Mehedinţi, staţiunea Băn’ile Herculane, destinaţia noastră di astădzâ, îşi hâidipseaşte di aproximativ dauă milenii vizitatoril’i. Ma că la arhiusită eara zborulu dispre demnitari sau simpli soldaţ roman’i care si hârâsea di efectile benefiţe a apilor minerale di aoaţe, mai apoia figuri celebre pricum ampiratulu Franz Iosef I sau prinţesa Sissi avea case di vacanţă şi băn’i special amenajate trâ el’i în staţiune.

Ana-Maria Cononovici, 14.04.2017, 21:41

Urmile, toarâle a ţilui chiro pot să hibăi vidzute şi astădzâ în staţiune. Puteţ să vizitaţ băn’i romane, aflate la parterulu a unuia di hotelurile di aoaţe, unâ di eale hiinda ninca în funcţiune, după 2000 di an’i di utilizare. Puteţ să videţ prima punte în curbă construită în Europa sau statuia di brondzu a lu Hercule tronândalui în chentrul vecl’i a staţiunii. Puteţ să admiraţ şi cazinoulu dişcl’is tru 1850, iu capitile încoronate îşi triţea serile, în parcul a cure si aaflă ună sequoia gigantu, plantată cu dauă secole ninte. Băn’ile Herculane easte ună staţiune care îşi aduună forţi tra să xanaagiungă, pri-aghalea ama sigur, aţea ţi eara un chiro ninte.

Laura Pătru, PR a unuia di complexile balneo-hoteliere d aoa, nâ spuse căţe merită să v’inim la Băn’ile Herculane:

Herculane easte cu diaver un spectacol din toate punctile di vedere. Di la natură; avem un aer ionizat, 2 m’il’e di ion’i negativi pi centimetru cub, pare puţân tehnic ama easte importantu di aform’ia că aesta nâ faţe să nâ simţim ca la unâ altitudine di 2 m’il’e di metri, ca tru Alpil’i elveţiani şi easte tamam aoa, la noi, în România. Spectacolul a naturâlei pi valea Cernei easte unic di cuaver, avem iuva piste 2 m’il’e di specii di fluturi, nişte peisaje absolut spectaculoase, iar pi nângă toate aţistea, istoria easte ună v’iestearie. Ahât romanil’i, cât şi austro-ungaril’i ştea că aoaţe aaflă gh’iatrie trâ toate lângorile, iar aesta si ţâne şi în prezentu, maşi că tora combinăm cu tehnologhie modernă, cu relaxare la SPA, experienţa easte multu mai complexă.”

Dora Miuţi, responsabil cu baza di tratamentu di aoa nâ spuse care easte oferta chentrului:

Avem unâ mare gamă di proceduri: magnetoterapie, termoterapie cu unde scurte, solux şi infraroşu, ultrasonoterapie şi ultrasunete, electroterapie cu curenţâ, multu eficientă la reduţirea durerilor şi tru stimularea concentraţilei musculară, electrohidroterapie cu băn’i galvaniţe, aerosoli trâ tratarea afecţiun’ilor pulmonare, sinuzite şi alergii, drenaj limfatic şi kinetoterapie. Pi partea di wellness avem masajile, saună uscată di 80 di grade şi pischină exterioară şi interioară.”

Iar Laura Pătru completă:

Avem tehnologhie care si compară cu tot aţea ţi easte în Europa tru aţist momentu. Pot să si facă tratamente trâ ună gamă multu mare di afecţiuni. Şi pi partea di SPA facilităţâle si-au dezvoltată multu di multu, Ma că năinte Herculane eara mai multu cunoscut trâ tratament, tora arhiuseaşte să hibă cunoscut şi trâ hâidipsirea di aoaţe. Poate să si facă ună ban’ie în lapte cu m’ieare, ună ban’ie în plante, un masaj cu ciocolată, un masaj cu caviar, lucre pi care poate că iniţial nu li asocia cu Băn’ile Herculane.”

Şi ţi cara că nâ mărturisi că mulţâ di turişti sunt cu chefea frâmtâ di faptul că reconstrucţia a staţiunilei nu m’eardze cât di aghon’ea poate să speră, Laura Pătru nâ spuse că tot merită ca turiştil’i să v’ină la Băn’ile Herculane şi aesta di aform’ia că: Herculane easte ună extraordinară tăbure di bază trâ toate traseele din varliga. În momentul în care v’in pot să veadă spri exemplu hoara di la Ineleţ, ună hoară izolată la care nu poate să si agiungă dicât pi scări verticale di lemnu şi, pri-tru accesulu mai dificil, hoara easte păstrată ca aoa şi ună sută di ani. Totunăoară pot să facă din Herculane până la Cazanele Dunării şi prosupulu a lu Decebal maşi 20 minute. Pot să veadă Grota cu aburi, ună saună naturală, pot să veadă foişorulu a împărăteasâlei Sissi sau casile istoriţe, Cazinoulu iu si aduna vârâ chiro ninte vâsil’iadzâl’i. Are ună mulţime di obiective pi Valea Cernâl’ei.”

Laura Pătru si toarnă la microfon cu o invitaţie:

Ma că trâ un sejur di SPA, trâ aţel’i care au bană di birou, sedentară sau poate ună viaţă agitată, un weekend easte suficientu trâ relaxare şi ndauă proceduri, la tratamentu, lucrurile sunt puţân diferite. Ună cură balneo, spri exemplu, di aform’ia că majoritatea tratamentilor la noi ufelisescu apa termală, arhiuseaşte să aibă efecte di la ţinţe dzâle în sus. Şi atumţea toate pachetile turistiţe care includ tratament apărn’escu di la ţinţe dzâle. Vă aştiptăm aoaţe, di aform’ia că Herculane easte a vostru şi nâ avem dor să împărţâm cu voi tot ţi avem şi tot ţi urmeadză să faţim.”

Di la SPA la Pilates, di la ună priimnare pri-aghalea printr-un câsâbă cunoscut ca chentru balnear ninca di-tru anulu 153 DC până la drumeţii di îndauă sâhăţ, Băn’ile Herculane îşi ţân piste chiro atractivitatea. (Şt.B)

Autor: Ana-Maria Cononovici

Armânipsire: Hristu Steriu