Atracţii turistiţe în Hunedoara

Nâ îndriptăm azâ cătră vestul a li Românie şi agiundziem într-un judeţ cu unâ ofertă turistică trâ toate gusturile şi tute gechile. Staţiun’i montane, muzee interesante, castele şi ţităţi, toate pot să facă unâ vacanţă reuşită tru judeţulu Hunedoara.

Daniel Onea, 12.02.2017, 22:26

Nâ îndriptăm azâ cătră vestul a li Românie şi agiundziem într-un judeţ cu unâ ofertă turistică trâ toate gusturile şi tute gechile. Staţiun’i montane, muzee interesante, castele şi ţităţi, toate pot să facă unâ vacanţă reuşită tru judeţulu Hunedoara.

Easte ună zonă adresată a tutulor categoriilor di turişti, spune Alin Suciu, directorulu a Serviciului Public Administrare Cetate Deva.

Prota oară, Hunedoara easte unulu di judeţile cu ţel mai marile potenţial turistic din ţară, turiştil’i avânda multe obiective di vizitat, importante di punctu di videare istoric. Ama easte şi ună destinaţie trâ practicarea schiului şi a altor sporturi di iarnă. Di punctu di videare istoric, easte multu importantă ună vizită la Cetatea Devei, ună ţitate medievală cu un trecut bogat. Easte şi Castelul Huniazilor, di la Hunedoara. Probabil, aţeale mai importantile din judeţ sunt ţităţile dachiţe di la Sarmizegetusa şi ţitatea Ulpia Traiana di nângă Haţeg. Mai avem şi un muzeu a li malâmă, unulu di aţeale mai importantile din Europa, care easte la Brad.”

Iţe sejur în Hunedoara acaţă tamam din municipiul Deva. Aoaţe, obiectivulu principal, a cure prime atestări documentare dateadză di-tru anulu 1269, easte unâ di aţeale mai importantile fortificaţii din Transilvania, aflată pi un cipit di deal, di dzeană, care doomină Valea Mureşului. Cum si prezintă Cetatea Devei tru 2017? Alin Suciu, directorulu a Serviciului Public Administrare Cetate dzâţe: În momentul aestu Cetatea Devei easte restaurată în proporţie di 50%. Sunt terminate dauă incinte, incintile doi şi trei, urmânda ca, în decursul a anului aestu sau ţel mai târdziu anulu v’initor, să arhiusim şi restaurarea incintâlei unu. Easte vizitabilă, easte un obiectiv muşat şi interesantu, care poate sâ spună foarte multe dispre istoria noastră di-tru aţea perioadă. În decursul a luştui an va organizăm îndauă competiţii di biciclete pi dealul, pi dzeana a ţitatilei, urmânda ca tru v’initor să desfăşurăm şi concursuri di orientare turistică. Sunt organizate multe evenimente. Arhiusinda cu anulu aţesta, avem foarte multe la Cetatea Devei: un festival internaţional di jazz, ună tăbure di sculptură tot cu participare internaţională, prezentări di modă. Tru tut aţeluşi chiro, sunt şi festivaluri medievale şi dachiţe, organizate tru locurile di nvarliga, la Uroi, la Sarmizegetusa. Tut aoaţe aproapea, exiistă staţiunea Straja, iu si practiică sporturi extreme, ama avem, tutunâoară, şi Râuşorul, care easte mult mai aproapea.”

Staţiunea Straja easte căftata di turişti ahât iarna, trâ sporturile practicate pi neauă, cât şi veara, trâ drumeţii sau discurmare. Mihai Dumitrescu, administratorulu a unei vilă, dzâţe:

În zona noastră, un turistu aaflă absolut tut ţi-şi are dor. Poate să si practică turismul ecumenic. Avem schitulu Straja, care easte fantastic, Drumul Crucii, care easte unicat şi easte ţel mai lungulu drum di pelerinaj din Europa. Pot să si practică echitaţia, raftingul, avem parapantă, pot să si facă drumeţii montane. Pot să si viziteadză multe peşteri de-a lungul a Valil’ei a Jiului. Di aţestea recomandăm Peştera Bolii, Spileia Lângoaril’ei. În zonă pot să si viziteadză Castelul Huniadzâlor, ţităţile dachiţe, rezervaţia di zimbri, unâ turlie di boi aghri.”

Aflat la circa 90 di km di Straja, Castelul Huniadzâlor easte monumentul di arhitectură gotică, civilă şi militară ţel mai ghine conservat din chentrul şi sud-estul a Europâlei. Turiştil’i lipseaşte să si aşteaptă la un monument impozantu, spune Ioan Bodochi, muzeograf a monumentului.

Ţel’i care au vizitată Castelul Bran prinde să-şi imaghineadză ună ţitate di ună dimensiune dublă, cu ună curte interioară spaţioasă, cu dauă săl’i magistrale di recepţie, cu Sala Cavalerilor, iu pot să viziteadză ună expoziţie di tehnică militară, Sala Dietâl’ei, cu amenajarea orighinală a săl’ilor în care si ţânea consiliile, alte expoziţii cu obiecte medievale. Ma că si tihiseaşte în sezon sau în weekend există un ordin a cavalerilor locali care vor să reînv’iadză atmosfera medievală. Are maşi îndauă di ofertile pi care, la ora actuală, castelul li bagă la dispoziţia turiştilor care au dor să-l’i calcă pragulu.”

Mulţâ di turişţâ sunt interesaţ să acumpâră obiecte di artizanat, create di masturi di zânăţ locali. Aeştia va fugă mulţan’iisiţ di-tru judeţulu Hunedoara, spune Alin Suciu, directorulu a Serviciului Public Administrare Cetate Devei.

Sută la sută va hibă privilegiaţ. Arhiusinda cu aţist an, la ţitate, va hibă foarte multe manifestări pi ună perioadă baia lungă di chiro, mai multu în perioada di veară. Va hibă doi, trei meşi în care va nâ si facă arada multe ONG-uri care va organizeadză ateliere specifice, di olărit, di adrare peale trâ ncâlţarea a cal’ilor, trâ prilucrarea herului, di cusut. Oamen’il’i va poată să v’ină să veadă, inclusiv să sta să înveaţă şi să afle care eara activităţâle tru chirolu respectiv şi să acumpâră obiecte care va hibă fapte, tamam aclo, la faţa locului.”

Pliante, broşuri di prezentare, hărţâ tru limbe xeane? Va li aflaţ pi toate tamam nângă Cetatea Devei, spune Alin Suciu, directorulu a Serviciului Public Administrare Cetate. Şi sunt gratuite.

Nu lipseaşte să li cumpără. Exiistă un chentru di informare turistică, situat la baza ţitatilei, iu sunt pliante. La ora actuală, avem pliante cu prezentarea ţitatilei şi pliante cu ună prezentare a municipiului Deva. La ora actuală, sunt în limba română, engleză şi maghiară, urmânda să scoatim pliante şi tru alte limbe, respectiv italiană şi ghirmană.”

În speranţa că vâ avem convinsă să vă treaţiţ ună vacanţă tru judeţulu Hunedoara, vă invităm să vă adresaţ tora a aghenţiilor di turismu. Cu cât vă faţiţ rezervările mai diavrapa, cu ahât mai avantajoase va hibă şi preţurile.

Autor: Daniel Onea

Armânipsire: Hristu Steriu