Agrement şi discurmare tru judeţulu Bihor
Vă grim azâ s-n’eardzim la unâ priimnare tru nord vestul a li Românie. Chinesim, apărn’im di-tru Oradea, un câsâbă vechl’iu cu unâ arhitectură surprinzătoare, agiundziem tru staţiunea balneoclimaterică di aclo aproapea, Băile Felix, ama şi pri creastile a munţilor, iu si aventureadză aţel’i cu mirachea sporturilor di iarnă. Easte ună zonă ideală trâ treaţirea sărbătorilor di iarnă. Recomandăm treaţirea Crăciunului în mediul rural, la hoară, iu tradiţiile şi adeţâle l’i faschineadză turiştil’i cathe oară, iara noaptea a treaţiril’ei anamisa di an’i, hibă tru Oradea, hibă într-ună hoară di vacanţă di pi munte.
Daniel Onea, 03.12.2015, 21:45
Vă grim azâ s-n’eardzim la unâ priimnare tru nord vestul a li Românie. Chinesim, apărn’im di-tru Oradea, un câsâbă vechl’iu cu unâ arhitectură surprinzătoare, agiundziem tru staţiunea balneoclimaterică di aclo aproapea, Băile Felix, ama şi pri creastile a munţilor, iu si aventureadză aţel’i cu mirachea sporturilor di iarnă. Easte ună zonă ideală trâ treaţirea sărbătorilor di iarnă. Recomandăm treaţirea Crăciunului în mediul rural, la hoară, iu tradiţiile şi adeţâle l’i faschineadză turiştil’i cathe oară, iara noaptea a treaţiril’ei anamisa di an’i, hibă tru Oradea, hibă într-ună hoară di vacanţă di pi munte.
Punctul di apărn’ire trâ iţe sejur în Bihor prinde să hibă Oradea, reşedinţa di judeţ. Aoaţei va să puteţ s-videare ună di-a ţeale ma mările catedrale romano-catoliţe din estul a li Europă, considerată, tru tut aţeluşi chiro, ţel mai marile ansamblu baroc di pi teritoriul a li Românie. Ama nu ma puţân celebră easte şi orga edificiului, care dateadză di-tru anulu 1780, dărusită di împărăteasa, di amirăroan’ea Maria Tereza a Austril’ei. Tru chentrul a căsăbălui, mata puteţ s-admiraţ catedrala “Adorm’irea a li Maica Domnului” sau Bâserica cu lună, cum fu, cu ninca unâ numă denumită. Aţista are un turn care si analţă la 55 di metri disupra solului. Sum orologiul di-tru aţist pirghu, va să videţ ună sferă, cu diametru di 3 metri. Aesta easte mvopsită giumitate negru, giumitate auriu/galbin, şi reprezintă luna. Cu agiutorulu a unui mecanismu unic în Europa, bila/sfera si nvârteaşte/ si roteaşte în funcţie di minarea lunâl’ei în varliga Pământului, şi reda cu precizie toate fazile a lunâl’ei. Bogdan Pater, consilier în cadrul a Consiliului Judeţean Bihor, recomandă Oradea a tutulor categoriilor di vârstă, di ilichie:
Oradea easte un câsâbă multicultural. Suntu reprezentate toate religiile. Avem lăcaşuri/case di cult evreieşti, greco-catoliţe sau ortodoxe. Easte ună destinaţie trâ aţel’i cu mirache trâ turism cultural şi istoric pri-tru ţitatea lor, monumentile di-tru câsâbă şi-a ţeale di-tru locurile dii aproapea, ama şi trâ aţel’i cu mirachea banâl’ei di noapte. Toată zona fostului pasaj Vulturul Negru fu amenajată şi au apărută multe cluburi şi pub-uri. La arhiusita toamnâl’ei avem festivalul Toamna Orădeană şi Festivalul Internaţional di Teatru Scurt di la Oradea. Eale suntu precedate, si fac ninte, DZâlile a Cetatil’ei. Apoia, trui data di 12 sâmedru easte DZuua Municipiului Oradea.”
Tamam nângă Oradea, la maşi 8 km, si află ună staţiune balneoclimaterică, ună destinaţie trâ loare tru isape după cum nâ spune Adrian Dubere, şefulu a Chentrului Naţional di Formare şi Promovare Turistică din cadrul a Consiliului Judeţean Bihor. Avem partea di relaxare, care easte nângă Oradea, Băile Felix. Diverşi operatori turistiţ promoveadză aoaţe partea di wellness şi di relaxare în contrast cu partea di sporturi di iarnă şi extreme. La Băn’ile Felix avem pachete turistiţe ghine încl’igate di Crăciun şi di Revelion , tru care relaxarea, mâcarea bună şi tradiţiile suntu ună combinaţie reuşită. Pachetile di Crăciun şi di Revelion includ şi excursii tru căsabălu Oradea, multu muşat di punctu di videare cultural. Va să videţ ună arhitectură art nouveau, case, edificii istoriţe. Citatea Oradea, renovată în proporţie di 80%, easte eblematică.”
La 58 di km di Oradea, si află comuna/hoara Sălacea. Easte cunoscută ca destinaţia loculu di agiundzire a ţilor 1.000 di izbe, di zimnicuri. Pri-tru numirulu a lor multu mare, pi ună arie multu restrânsă, izbile, beciurile agiumsiră simbolul a zonâl’ei. În zonile viticole, di av’in’e, suntu caracteristiţe, ninca di-tru aţel ma vecl’iul chiro, izbile săpate tru poalile a dzeanâl’ei. Hiinda amplasate di-unâ parte şi di alta a drumului, a calil’ei aţistea fac unâ tulie di uliţă. În prezentu, în Sălacea suntu cunoscute aproximativ 970 di zimnicuri maşi di-tru arada a ţilor săpate tru dzeană, şi fac aşi-dzâsa stradă a beciurilor. Ţeale ma multile fură construite în secolul tricut, iara ţea ma veachl’ea dateadză di-tru 1803. Ama, nu ma puţân interesantă easte istoria castelului Komaromi, din localitatea Otomani – Sălacea, cunoscut în prezentu cu numa Casa di expoziţii Otomani”. Adrian Şimen, ghidulu turistic a obiectivului, spune că aestua poate să si viziteadză cathe dzuuă întră oarile 9.00-17.00, şi intrarea costă 1 euro.
Castelul si află tru Valea Ierului, ună zonă cu ună identitate aparte şi în Crişana şi tru vestul a Ardealului. Conaculu are ca principale puncte di reper faptul că, la bitisită di secol XVII, arhiusită di secol XVIII, intră în proprietatea a lu Komaromy Gheorghe an II-lea, hiulu a preftului reformat care fu traducătorulu a biblil’ei în limba maghiară. Apoia, conaculu agiundze chentru economic trâ familia nobiliară Komaromy, după an’il’i 1700. Si construiaşte ună casă tru care, chiro di dauă secole, aţişti oamin’i va să hibă principalil’i actori economiţ şi politiţ di-tru zona di nord-vest a Româniil’ei di tora.”
Adrian Varga easte reprezentantu a li Asociaţie a proprietarilor di pensiun’i din Vârtop, zona montană a judeţului Bihor, şi spune că investiţiile în zonă arhiusiră aoa şi 14 ani, ţea mai moderna pârtie di schi hiinda inaugurată tru 2011.
Avem pârtii di schi trâ sezonulu di iarnă şi propunim ună mulţime di activităţ trâ sezonulu di veară şi vizitarea a unor obiective turistiţe başi ahoria. Veara suntu peisaje muşate, aerulu easte curat, telescamnul easte funcţional. Avem carturi şi trotinete cu care si dipune di pi pârtie, avem tiroliane, îndauâ pensiun’i au şi pischină trâ ascâldare. Easte ună zonă di munte muşată. Iarna avem pârtiile di schi, pot să si facă drumeţii, priimnări, şi tru sezonulu di iarnă, iara turiştilor lă place, lâ are hare multu di multu să si priimnă cu săniile trapte di cal’i. Iara tradiţiile şi arădzâle suntu multu vizibile, cama multu în perioada a sărbătorilor. Există treie pârtii di schi, di toate dificultăţile, di care ţea mai lunga, di 1.100 di metri, are un telescamnu debreiabil modern (care u faţe ma m’ică viteza la capite). Există ma multe chentre di închirieri, di loare cu niche.”
Aşi-cara, tru judeţulu Bihor pot să si practică toate formile di turismu. Aşi-ma, în perioada vacanţâl’ei di iarnă va să aveţ ună ofertă bogată, ună ofertă arhundă.
Autor: Daniel Onea
Armanipsire: Hristu Steriu
