Prima pagină » Rubriţi di cafi stâmână » Carnet cultural » Gala HOP 2015

Gala HOP 2015

Actriţa Maia Morgenstern, actorulu Tudor Chirilă, reghizorulu di filmu Radu Jude, scenografa Iuliana Vîlsan şi muziciana Luiza Zan si-alăsară trâ ndauâ dzâle acâţaţ di energhia şi emoţia a unor tineri actori, după care apofăsiră care merită Marile Premiu, care easte Aţea ma buna actriţă, Ţel ma bunulu actor, a cure să da un premiu special… Totul si feaţe la Costineşti, întră 8 şi 11 agheazmăciune, la ţea de-a 18-a ediţie a Galâl’ei a Tinerului Actor — HOP, evenimentu cultural organizat di UNITER şi coordonat artistic di regizorulu Radu Afrim.

Luana Pleşea, 19.09.2015, 22:12

Scenografa Iuliana Vîlsan vine trâ prota oară la Gala HOP în calitate di membru a juriului; ea dzâse:

Am ună exigenţă şi ună rigurozitate multu mare şi agiungu să evaluedzu di multe ori arud lucrurile şi baia sertu. Ca prim impactu ca jurat, mi-a spăreaiu nâheamă, ama vruiu di apoia să mi alas tru energhia a vârstâl’ei di 20-30 di an’i, care are ună intensitate şi ună disponibilitate şi ună bogăţâl’e aparte. Aşi, lucrurile si relaxară şi reuşiiu să evaluedzu cu ma multă empatie. La secţiunea Individual, ficiori şi feate, am m’earsă ma multu pi un feeling autentic, pi aţel’i ţi reuşiră ţel mai ghine tru aţel momentu să-şi azvingă emoţiile şi să transmită mesajulu pi care şi lu propusiră. Ţi reuşi să mută ma nsus ştacheta fu un număr a unui Dada extrem di ghine asimilat şi exprimat, iar el feaţe diferenţa întră marile premiu şi restul. Aestă puteare di exprimare a temâl’ei, extrem di ghine asimilată şi documentată. U felicit pi marea amintâtoare Dana Marineci”.

Amintâtoare a Premiului Ştefan Iordache” — Marile Premiu a Galâl’ei a Tinerului Actor HOP, Dana Marineci absolvi UNATC ninte cu trei an’i. În ciudia faptului că nu easte ici lişor trâ un tiner actor tru 2015 să-şi află un loc a lui, să hibă cunoscut di reggizori şi directori di teatre, ea a avu încreadire pi ea işişi şi participăă la tute audiţiile şi concursurile posibile. Cât dispre tema dadaismului, cu care impresionă juriul HOP, ea spune: Fu multu greauă, di aform’ia că lipse, cred eo, să ai ună structură. Ţi cara că totul pare tru dadaismu total dezorganizat, tine cu tute aeste prinde să ştii că în momentul aţela eşti pi ună schenă şi ti raportedz la un public. Oamin’il’i aţel’ia suntu aclo tra să ti veadă pi tine. Tine lipseaşte să îl’i faţ să fugă cu ţiva di aclo, să fugă lişor modificaţ. Am stată vără dauă săptămân’i, am citită dispre dadaismu, ama căftată pi youtube performance-uri dadaiste… Mi-are apărută aţist performance a unui neamţu, care si numea Ursonate/ Sonata sunetelor primordiale”. Aflaiu textul. Are 15 pagin’i di sunite. Easte a lu Kurt Schwitters, un dadaistu. Reuşiiu să-l înveţ şi duchiiu că nu este suficient. Şi u loaiu aşi: ţi easte primordial? Primordială easte vrearea. Şi dzâş că va hibă multu lişor tră mine şi uşor tră public ma că fac ună istorimă di vreare dinâpoia a luştui momentu”.

Cunoscut nu maşi pri-tru creaţia lui, că şi pri-tru faptul că easte un susţânător a tinerilor artişti, reghizorulu Radu Afrim fu al treilea an arada directorulu artistic a Galâl’ei a Tinerului Actor HOP. La ediţia 2015, conceptul fu aţela că lipseaşte să si veadă multu puternic actorulu şi nu textul, ţeale dauă teme propuse părânda la prima videare vârâ turlie dezechilibrate — Dada” şi Vacanţă la mare”. El dzâse:

Constataiu în primil’i doi an’i că lumea easte multu impresionată di texte. Ma că textul easte foarte puternic, foarte emoţionant, foarte comic, actorulu treaţe vâră turlie în plan secund. Sigura că actorulu easte aţel care îl da ghine i arău. Ama, ma că unil’i si avea un textu excepţional, eara candidaţi din startu la premii. Şi dzâş: ia să lă dau a actorilor nişte texte aproape imposibile, adică dadaiste, tra să ved care alumtă mai puternic şi iase azvingător în competiţie cu textul. Aţel’i care făţea faţă şi dânâsea aliştei alumtă, şi a spaţiului, şi a condiţiilor eara azvingători. Şi fură ndoi multu bun’i pi aestă temă. Deci, anulu aestua fură nişte non-texte. Şi la proba impusă, di treie minute, în care concurenţâl’i lipsea să spună un textu a unei melodie di muzică uşoară, texte în general stupide, ma că sâ si poată, să nu li parodiadză şi să videm câtă actorie pot să extragă di-tru aţeale texte ridicole spre stupide”.

Premiul Cornel Todea” – Premiul trâ ţea ma buna trupă di actori nu si-are acordată anulu aestua, juriul considerânda că fu ună discrepanţă multu mare întră secţiunea Grup şi secţiunea Individual. Cu tute aestea, jurata Iuliana Vîlsan fu impresionată di tinera generaţie di actori, aşi cum si vidzu ea la Gala HOP. Jurata dzâse: Cu multe vulnerabilităţ, cu ună sensibilitate aparte, cu un bagaj emoţional care merită exploatat, di aform’ia că are ună energhie şi un inefabil care poate să aducă un plus di hirescu tru aţea ţi si faţe la noi pi schenă. Mine mi arisi multu di multu… ca disponibilitate îm’i plăcu multu di multu”.

autor: Luana Pleşea

armaneaste: Hristu Steriu