(ediţie di concurs): Artişti plastiţ di Râmnicu Vâlcea

Au la activ numiroase expoziţii personale în România şi tru xinătate, si declarâ cu vreare trâ zona Vâlcea, iu bâneadzâ, şi suntu invitaţ la Club Cultura: Petti Velici, Sergiu Plop şi Marcel Duţu. Va sâ aveţ ocazia să-I’i cunoaştiţ şi di-tru programile a noastre, şi pri-tru pândzâle a lor, care va sâ agiungâ la amintâtoril’i a concursului Govora.

Corina Sabău, 18.03.2015, 21:54

Au la activ numiroase expoziţii personale în România şi tru xinătate, si declarâ cu vreare trâ zona Vâlcea, iu bâneadzâ, şi suntu invitaţ la Club Cultura: Petti Velici, Sergiu Plop şi Marcel Duţu. Va sâ aveţ ocazia să-I’i cunoaştiţ şi di-tru programile a noastre, şi pri-tru pândzâle a lor, care va sâ agiungâ la amintâtoril’i a concursului Govora.

La 18 an’i avu prima expoziţie personală, si specializǎ tru conservare-restaurare, iara ninte cu ma ghine di 20 an’i, Petti Velici si stabili la Râmnicu Vâlcea, cǎsǎbǎ cari-l’i dişteaptâ nostalghii şi care îl’i aduţe isihia di care are nivol’e.

”Tru Râmnicu Vâlcea agiumşu tru chirolu cându earam elev la liceu, într-unǎ tâbure di vacanţă, organizată di Liceulu de Artă Craiova, şi atumţea avui ocazia să cunoscu Râmnicul vecl’iu. Tru chirolu aestu si alâxirâ multe, ama nu puteam s-minduiescu — conservator cum escu – că va sâ agiungu să mi mut aoaţe. Ama partea ţi faţe di ş-u aduc aestă localitate şi zona tru care criscui cându earam m’ic, cu isihie, cu Oltul care îm’i aduţea aminte Dunărea, cu activitatea culturală multu ma pregnantă dicât la Turnu Severin, mi feaţe să arămân aoaţe. Iara isihia aesta easte multu importantă trâ mine. Di aform’ia cǎ, ţi cara cǎ are oamin’i ţi pot sâ picteadzâ şi într-unâ gară, eo nu escu ghenulu aestu. Îm’i lipseaşte unâ anumită intimitate, unâ anumită isihie, iara zona aesta îm’i aduţe isihia trâ care am dor. Easte importantă trâ tut: şi trâ aflarea a subiectului, a culoaril’ei, a staril’ei care dipune tru mine.”

Petti Velici si declară cu chefea aspartâ di statutul a artistului în România, care ma diavrapa supraviuţuiaşte dicât bâneadzâ, tut aşi, di neglijenţa a autorităţâlor faţă di patrimoniu. Pictura arămâne refugiul a lui.

”Pictedzu flori. Florile îm’i creeadză isihie. Mi ocup şi di grafică, suntu lucrări care îm’i caftǎ multu mare atenţie. Am tru plan şi unâ serie di portrete, am dor să fac unâ galerie di portrete. Va sǎ hibâ cu oamin’i di la hoarâ, oamin’i tricuţ di ilichie, care îm’i aduc aminte di mama, tate, bunulu pap a meu, stribunil’i pâpân’i. Tora di oarâ am ndauâ schiţe şi desene.”

Sergiu Plop si născu tru hoara Arineşti di-tru Basarabia şi si revendică di la avangarda rusă. Agiumse “oltean”, cum declară, după succesulu pi care lu avu, la arhiusita a an’ilor 90, cu prima a lui expoziţie di la Râmnicu-Vâlcea, di-tru 1993, deadun cu Arcadie Răileanu. Declară că pictura a lui easte caracterizată di ndauǎ perioade: unâ perioada neagră – până tru 1993, unâ a daua perioadă – unâ turlie di pointillism, care si bitisi cu achiziţionarea a întreagâl’ei expoziţie di cătrǎ un colecţionar ghirman. Vine perioada vaerde, iara tora picteadză cama multu figurativ, ama nu poate sâ garanteadzâ că nu va sâ si toarnǎ la abstract.

“Mi născui tru partea nordică a Basarabil’ei. Cum si dzâţe, nordiţâl’i suntu ma interiorizaţ, ţel’i din sud suntu mai expansivi. Easte ţiva aver tru aestâ, când vin’iu tîn Râmnicu Vâlcea fu ananghe să mi alâxescu. Ţi-m’i place şi mi ariseaşte aoa, easte că lumea easte tut chirolu activă. Şi cred că aesta mi-u are influenţatǎ pictura, cama multu perspectiva asupra a culoaril’ei. Culorile a maele suntu ma hârioase, ma lum’inoase. Conteadză multu di multu să simţâ lum’ina a zonâl’ei.”

Tru Republica Moldova există un potenţial artistic multu valoros, considerâ Sergiu Plop. Di aţea aform’ie, di ndoi an’i mutreaşte să-l’i promoveadzâ pi artiştil’i basarabean’i.

”Arhiusiiu di-tru 2009, am organizatâ dauă ediţii la Muzeulu Nicolae Bălcescu din localitatea cu tut aţea numâ, nângă Vâlcea .Apoia arhiusii să organizedzu evenimente în Vâlcea, au urmatǎ alte treie ediţii a cure lâ bâgaiu numa La Râmnic. Mi minduii să-l’i invit pictoril’i basarabean’i di aform’ia că unil’i di el’i nu suntu cunoscuţ tru zona a noastră şi am dor să promovedzu pictura di aclo, şcoala di la Chişinău. Mare parte di aeşti pictori sunt şi profesori la Academia di Artă. Escu mulţan’iisit cu chefea faptâ di cum au ieşitǎ aeste tâburi, fu unâ perioadă cându aduţeam la Biblioteca Antim Ivireanul aproapea mes di mes câte un autor di Chişinău. Aţeale ma multile ediţii furâ organizate aproapea di Dzuua a Imnului Naţional (29 iulie – n.a.), care si sărbătoreaşte anual la Râmnicu Vâlcea. Anulu tricut, expoziţia fu organizată la Muzeulu di Artă şi işi foarte fain”. Vârâ dauă ediţii furâ organizate la Muzeulu a Hoarâl’ei Bujoreni, artiştil’i başi pictarâ aclo. Şi am organizatâ şi ndauâ excursii, ca să veadă artiştil’i invitaţ cu ţi si mâreaşte zona a noastră. Di aform’ia că Vâlcea are multe locuri muşate, suntu mănăstirile, l’i-am dusâ şi la Târgu Jiu, să veadă Coloana Infinitului.”

Locul preferat a lu Marcel Duţu easte atelierulu a lui di-tru Drăgăneşti-Olt, aclo iu nâ deade şi interviul trâ RRI. Pi aţel’i care lu apruchearâ di pictură, Traian Zorzoliu şi Nicolae Truţă, pictorulu îl’i evocă mplin di recunoştinţă. A lu Nicoale Truţă îl’i dedicǎ şi ndauâ expoziţii.

”Dip aşi avu numa prota expoziţie dedicată a lu Nicolae Truţă,, “Trâ Nae”. Nicolae Truţă, trâ mine, însimnǎ unâ cheatrâ di temelie. Nu mi-am pregătitǎ trâ admiterea la Arte Plastiţe, ama lu cunoscui di cându eara organizatorulu, de faptu întimil’itorulu a tâburilor di creaţie. Şi unâ tâbure di creaţie ţâ oferă şansa di a cunoaştire şi alţâ artişti, eo mi simtu multu ghine cându comunic cu alţâ, mi stimuleadză. Prima tâbure di creaţie la care am participatâ si feaţe la Vitomireşti. Iara în timpul a facultatil’ei, si organiza tâburi la bitisita a cathiunui an, eara vârâ turlie şi examenulu, şi debutulu a unui v’initor artistu.”

Easte un bair di arcade şi coloane, explozii di sensuri, tendinţe di aoa-aclo şi vertical”, aşi îşi descrie Marcel Duţu pictura. Pi şcurtu, un modernist.

”S-au faptâ ahântea tru arta plastică, încât nu pot sâ dzâc că aduc eo ţiva nou. Caftu. Ama nou sum soare easte greu să mata aduţ. Lucrările a meale suntu ninca atipiţe, mi preocupă tridimensionalitatea. Am avutǎ recent unâ expoziţie la Vâlcea şi am realizatǎ patru lucrări nale. Am chinesitǎ di la idea di cub. Mai exactu, în chentrul a iţe tablou avea un cub pictat. Am chinesitǎ di la ideea di cub, ca formă perfectǎ, versus imperfecţiunea a oamin’ilor. Lucrările expuse va sǎ fugǎ sâ si ducǎ tru Ghirmânie”.