(concurs Govora): Proiectile a Teatrului “Anton Pann” di Râmnicu Vâlcea

Continuator a unei tradiţie teatralǎ localǎ di piste 100 di an’i, Teatrul Anton Pann di-tru Râmnicu Vâlcea si amintǎ ca instituţie profesionistă tru mesulu mai 1990. Ninte fu teatrul popular, unulu di aţeale ma valoroasile din ţară tru an’li 60 — 80, asupra a cure îşi bâgarǎ amprenta reghizori pricum Dan Micu, Silviu Purcărete sau Alexandru Dabija.

Luana Pleşea, 26.02.2015, 20:39

Director di piste 10 an’i a Teatrului Anton Pann, reghizorulu Adrian Roman aleapse strateghia trâ întinerire a trupâlei vâlceanǎ şi aduse 10 di absolvenţâ a şcoalâl’ei di teatru di la Cluj. Cu siguranţă, mulţâ tineri actori pot s-aibâ dor tra să facă parte di-tru aestă echipă, aşi că lu întribǎm pi Adrian Roman cum faţe selecţia:

“Nu easte lişor să intri în trupa a Teatrului Anton Pann. Aţel’i ţi au dor trâ aţist lucru trebuie să ştie că, ma că v’in la Râmnicu Vâlcea, nu v’in prota oarǎ trâ pâradz, cǎ v’in să facă parte dintr-unǎ echipă artistică performantă. Eo l’i-am urmăritǎ pi aţel’i ma mulţâl’i, l-am urmăritǎ traseulu artistic ninca di cându eara studenţâ. Easte zborulu dispre aţel’i di la Cluj. Un actor intrâ în trupa a Teatrului Anton Pann într-unǎ distribuţie a unui spectacol. El easte vrut di un reghizor într-un spectacol, nu v’ine pur şi simplu să l’ia nişte pâradz di aoaţe. Deci, easte aleptu nu maşi di mine, cǎ şi di reghizoril’i care monteadză la Teatrul Anton Pann şi, cum spuneam, el’i sunt urmăriţ barim un an. Nu v’in maşi în baza a unui CV. Şi lipseaşte să si integreadzǎ şi tru mentalitatea di performanţă pi care noi u promovăm aoaţe, la Teatrul Anton Pann”.

Şi, sigura, cu energhie pozitivă şi entuziasmu. Pi nângă promovarea a actorilor tineri, Teatrul Anton Pann îşi propune promovarea, tru egală misură, şi a reghizorilor tineri, unulu di el’i hiinda Botos, Balint, absolventu tut a şcoalâl’ei di la Cluj.

Trâ directorulu Adrian Roman, ţea ma importanta realizare a anului 2014 easte participarea a teatrului la Festivalul Naţional di Teatru, cu spectacolul “Triloghia belgrădeană”, tru reghia a lu Cristi Juncu. Anulu aestua, Teatrulu Anton Pann, pri-tru parteneriatulu cu Institutulu Cultural Român, va-s facǎ un turneu în Ucraina, reghiunea Odesa, la bitisita a mesului marţu — arhiusita a mesului apriir. În cadrul aţiştui turneu, trupa di păpuşari va sâ prizentâ a cilimean’ilor român’i spectacole di păpuşi. Un altu parteneriat, cu Teatrulu Nottara, debuteadză tru marţu. Adrian Roman dzâţe:

” Parteneriatulu arhiusi di la faptul că doamna Marinela Ţepuş, directorulu a Teatrului Nottara, vidzu ndauâ spectacole. Noi mai fum duşi cu un spectacol la Teatrulu Nottara — easte zborulu dispri “Aproape”, faptu di Cristi Juncu. La Festivalul a Teatrului di Studio di la Piteşti, ţi avu loc tru toamna a anului 2014, Marinela Ţepuş fu membru în juriu, iara spectacolul cu care nâ avem prezentatâ noi, “Eşti un animal, Viskovitz!”, di Alessandro Boffa, tru reghia a lu Tudor Lucanu, lo Marile Premiu. Vârâ turlie, fu amuzantu, di itia că fu spectacolul di bitisitâ di-tru festival, “giocurile” eara fapte, premiile eara stabilite, ama li deadim tute aţiste planuri piste cap şi lom Marile Premiu, ama şi aplauze care conteadză multu di multu ttrâ noi. Ligat di aestu argument suprem, dinintea a spectatorilor, Marinela Ţepuş feaţe public aestă invitaţie pi un an di dzâle, tru care o-s prezentǎm spectacole. Li programǎm deja pi primile. Primulu easte tamam spectacolul care lo Marile premiu la Piteşti. Easte un spectacol didip ahoria. Sper să avem tut aţel succes şi la Nottara. Mutrim să nâ faţim şi noi un vad, un loc di vindire cum si dzâţe, pi aţist bulevardu a teatrului românescu şi să nâ amintǎm şi noi spectatoril’i pri-tru spectacolile a noastre, di aform’ia că avem unǎ tiniră trupă di actori absolut excepţională. Aestǎ easte părerea a mea. Multă lume zburaşte di aestă trupă. Şi sper ca şi Bucureştiul să hibǎ cucerit, să nǎ câştigăm aţist public. Cu cripare, la Râmnicu Vâlcea, care este un cǎsǎbǎ mai m’ic, spectacoleie au banǎ ma şcurtă şi prezenţa a noastră la Nottara sper să lundzească bana a unor spectacole care minduim că merită unǎ banǎ ma lungă”.

Di puţân chiro ţi tricu, la Teatrul Anton Pann arhiusirâ repetiţiile trâ un nou spectacol “Stags and hens” (Ţerghi şi gâl’ini), un textu contemporan scris di Willy Russell. Spectacolul bâgat în schenă di Vlad Massaci va-s aibǎ premiera la arhiusita a mesului apriir. Până atumţea, pi 28 şcurtu şi 1 marţu va sǎ v’inǎ la Râmnicu Vâlcea juriul UNITER trâ a vizionare duă spectacole propuse di Teatrulu Anton Pann trâ Premiile UNITER: “Unâ istorimâ ciudioasâ cu un câine la m’iedzulu di noapte”, în reghia a lu Vlad Massaci şi “Eşti un animal, Viskovitz!”, tru reghia a lu Tudor Lucanu. Lâ urǎm multu succes, di aform’ia că m’iculu teatru din Vâlcea alumtă să si menţână printrǎ protile teatre di-tru vâsilie.