Colecții de literatură română contemporană la Pănăyirlu Gaudeamus
Ediţia cu numirlu 29 a Pănăyirlui de Carti GAUDEAMUS s’dizvărteaşti tru kirolu 7 – 11 di andreu, București, tru Complexul Expoziţional Romexpo. Nai ma ghivăsitu pănăyiru di carti ditu România, organizat de radio-ul public, s’toarnă, după doi ani tru formatlu tru cari s-dizvărti online, la formatul cari lu avu ma ninti, neise aproapea treidzăt di añi.
Corina Sabău, 11.12.2022, 12:26
Ediţia cu numirlu 29 a Pănăyirlui de Carti GAUDEAMUS s’dizvărteaşti tru kirolu 7 – 11 di andreu, București, tru Complexul Expoziţional Romexpo. Nai ma ghivăsitu pănăyiru di carti ditu România, organizat de radio-ul public, s’toarnă, după doi ani tru formatlu tru cari s-dizvărti online, la formatul cari lu avu ma ninti, neise aproapea treidzăt di añi.
Pisti 600 di evenimente editoriale s’dizvărtescu la actuala ediție a Pănăyirlui de Carti Gaudeamus și atelli pisti 200 di participanță oferă a publiclui ună gamă extrem di variată di produsi editoriale.
Lu călisimu la RRI pi Eli Bădică, coordonatoari ali colecție “Nautor” a Editurăllei Nemira, și pi Diana Iepure, PR al Editură Paralela 45 și coordonatoari a colecțiillei Prota vreari, tra s’nă zburască ti aesti initiațiative, dauă ditu ateali cari adusiră tru prim plan literatura română actuală. Colecția Prota vreari, coordonată de Diana Iepure, debută cu ţinţi romani scrise de scriitoare și scriitori români români-Diana Geacăr, Andrei Crăciun, Andrei Doșa, Alina Pietrăreanu, Cristina Ispas – și fu lansată tru veară, la Pănăyirlu di Carti Bookfest. Easti ună colecție de litearatură contemporană dedicată a publiclui tiniru cari poati s’hibă aflată la Pănăyirlu di Carti Gaudeamus și cari continuă cu năi apariții.
Diana Iepure: “Există ună continuitate, ase că tru cadrul colecției va s’alănceească un microroman de Ștefan Manasia, “Platanii ditu Samothraki”. Ștefan Manasia easti un scriitor ditu bărnulu 2000, un scriitor multu talentat, poet, eseist și prozator, multu apreciat de cititori. “Platanii ditu Samothraki” easti a daua carti de proză a al Ștefan Manasia și poate s’hibă comparată cu un filmu di artă ti liceeni. Easti zborlu ti un ficioru cari easti inițiat tru căftărli a lui di lală-su, un unu ficioru cald și dişcllisu, și tută aestă căldură a personajului principal s’vearsă tru cartea al Ștefan Manasia, pi cari minduescu că liceenii nu au cum s’nu u va cu miraki. Ași cum am cundilleată ma multi ori arada, ălli plăcărsiiu scriitorii a noștri să angrăpsească ună carti tră adolescenți, ună carti pe cari avea miraki s’u ghivăsească tru școală ică la liceu, ama nu u avură. Ași nkisi colecția “Prima Dragoste” și dealihea easti că scriitorllii cilăstăsiră și nica lă işiră niscănti microromane extraordinare. Ași easti și romanlu al Ștefan Manasia, cari va s’hibă lansat la Pănăyirlu Gaudeamus, la standul a editurăllei a noastră. Nica voi s’cundileadzu că la aestă ediție a Pănăyirlui, standul a Editurăllei Paralela 45 va s’hibă nai ma marli stand cu cari editura lo parti vărăoară la un pănăyiru di carti, tră aţea că vrem să u prezentăm cât ma pi largu. Promovăm tuti fațetili a unei editură tră bărnuri, cum nă lugursimu noi. Și zburăscu aoa ti tuti genurli tru cari Editura Paralela 45 easti specializată”.
Tricură 4 ani de cându editura Nemira lansă colecția de litearatură română contemporană “Nautor”, ună colecție cari zburaşti tu lenu turlii ti lumea tru cari bănămu. Easti una ditu nai ma ghivăsiti colecții de litearatură română actuală, iar atea ma recentă carti, multu așteptată, easti “Solomonarul” de Florin Chirculescu. Eli Bădică, coordonatorea “Nautor”, ne zburasti ti noutățile ditu colecție.
“Cartea al Florin Chirculescu easti realmente ună carti eveniment. Easti ună carti remarcabilă ditu tute punctilio di videală, stilistic, ama și ca subiect, tră aţea că lu-ari ca figură tutelară pi nai ma importantu poet român, Mihai Eminescu. Și remarcabil easti că aprăftăseaşti să-lu umanizeadză pi Mihai Eminescu. Io nu minduescu s’aibă un alt text de ună ahtari anvergură cari s’aprăftăsească asi căndăsitoru un portret al Mihai Eminescu. Un portret adratu cu ună ti anamai documentare și erudiție, ama tru idyiulu kiro ahătu di original și cu ahântu umor. Menționânda edițiile năi a cărților Nautor, romanul Ralucăi Nagy, “Un cal tru ună Amari di leabide”, și “Pirmituseri ditu Garaj”, di Goran Mrakić, să stihisi că aestă carti s’alăncească tu idyiulu kiro şi aesta ñi-aduţi aminti di un turneu ditu 2018, tru cari earama cu aești doi autori, după lansarea respectivelor volume.
Anamisa di noutățli pi cari puteț s’li aflaţ la Gaudeamus easti, și primul roman al Goran Mrakić, “Micile plăceri ale morții”, alăncitu tru ahurhita a toamnăllei. Easti ună carti tru cari autorul continuă cartografierea literară a Banatlui, pi cari u făţea și tru anteriorlu tomu. Tut toamna aesta alănci și primlu roman al Horea Sibișteanu un roman-puzzle. Cu aestu roman mozaic, Horea Sibișteanu publică a doua a lui carti tru colecția Nautor. Intitulată “Tinde mâna, Tiberiu”, cartea ari ca personaj principal un tiniru cari ș’caftă identitatea și, mai mult di ahătu, mindueaşti să și-u apraoki. Tutunăoară, mindueaşti să-și recompună ditu cumăţ ficiuramea ditu anii 90 și să s’akicăsească pi elu işiş tru un prezent multu, multu aproapea di noi. Tut anamisa di năutăț easti primlu roman al Liviu Ornea, pe cari lumea lu știe ca matematician, traducător, universitar, cercetător, critic de teatru. După debutlu cu Viitorul Anterior tru 2020 s’turnă anlu aestu cu “Bana ca ună şicae pseftă”, cum spuneam, protlu a lui roman.”
Tru premieră, tru incinta pănăyirlui sunt amenajate, deadunu cu partenerii aliştei ediții – Opera Comică tră Copii și Asociația Versus – dauă spații ahărdziti ti activitățli intearactive tră aţelli ma tiniri vizitatorii. Concursul Național de Lectură “Mircea Nedelciu”, adresat liceenilor, cari adună concurenți ditu tută văsilia, s’dizvărteaşti estanu tru ună formulă inedită, pe bază di eseuri pitricuti tru format video; tema-a concursului easti “Centenar Marin Preda. 100 di ani di la amintari.”
Autoru: Corina Sabău
Armânipsearea: Taşcu Lala
