In Memoriam Lucian Blaga (09.05.1895 – 06.05. 1961)

Meslu aestu s-umplu 123 di ani di anda s-aminta Lucian Blaga (09.05.1895 — 06.05. 1961).Lucian Blaga easti un di mărl’i filozofi sh-un di nai ma mărl’i poets tsi l’i-avu România tru prota giumitati a sec.20. Tru aradha a rubrical’ei a noastră di tora seara va vă ghivăsim dit volumlu “Puizii aleapti”, tipusit la editura CARTEA AROMANA, tu anlu 1995, tu cari Ionel Zeană aduse pi armâneasti nai ma musatili poezii dit opera aistui poet cu hari, ti dupu dada eara di fara armâneasca, dit familia Moga vinită tu Românie di Moscopole tu işita a sec.18. Va vă ghivăsim şi ândauă di apriduţerli simnati di Hristu Cândrovanu tu “Antologhia ali poezie româneascâ clasică şi modernă pi grailu armânescu.”, ţi işi Bucureşti la ed.”Dimândarea Pârintească, tu anlu 2003.

Tașcu Lala, 17.05.2020, 17:12

Meslu aestu s-umplu 123 di ani di anda s-aminta Lucian Blaga (09.05.1895 — 06.05. 1961).Lucian Blaga easti un di mărl’i filozofi sh-un di nai ma mărl’i poets tsi l’i-avu România tru prota giumitati a sec.20. Tru aradha a rubrical’ei a noastră di tora seara va vă ghivăsim dit volumlu “Puizii aleapti”, tipusit la editura CARTEA AROMANA, tu anlu 1995, tu cari Ionel Zeană aduse pi armâneasti nai ma musatili poezii dit opera aistui poet cu hari, ti dupu dada eara di fara armâneasca, dit familia Moga vinită tu Românie di Moscopole tu işita a sec.18. Va vă ghivăsim şi ândauă di apriduţerli simnati di Hristu Cândrovanu tu “Antologhia ali poezie româneascâ clasică şi modernă pi grailu armânescu.”, ţi işi Bucureşti la ed.”Dimândarea Pârintească, tu anlu 2003.

Lucian Blaga easti un poet liric meditativ sh-tru multi dit poeziili a lui s-aducheasti marea vreari ti u avu ti filozofie.

Poetlu s-filozoflu Blaga pistipseasti că hoara easte loclu vluyisitu di Dumnidză iu s-amintă si nica băneadză “matricea stilistică” a suflitlui românescu .(intră poezia “Suflitlu a hoarăl’ei ” – pag.67)

Ca iti mari poet năs yilipsi tru lirica a lui tuti themili ti frimtară di totna mintea si suflitlu a omlui: vrearea, bana, moartea, materia, spiritlu, dhialoglu a omlui cu Dumnidzălu, ciudia a lui dinăintea a nisenlor a fisil’ei. Tuti aesti suntu ncl’gati tu un universu liric orighinal ti hărseasti suflitlu s-lu măyipseasti cu pruspitsăl’ia a imaghinlor si a metaforilor .

Maca tu tinireată năs ufilisi stihlu albu s-libir, ti-li părea ma uidisitu ti aspunearea a idheilor filozofiti, cu tritearea a anlor , Blaga s-turnă cătră formili, simetria si armonia a poeziil’ei clasică .

Ti jali Lucian Blaga muri fără s-agiungă s-veadă dzeniurle a Pindului iu bănară străpăpănl’i a lui. Ama poeziile a lui, tricuti pi armneasti pot s-hibă ază ghivăsite di armnil’i di tută lumea prit pidimolu si harea a poeţlor armân’i Ionel Zeană şi Hristu Cândroveanu. S-avdzăm ma largu ăndauă dit aesti poezii.

RRI – Sectia Armaneasca