Cum s-feaţi pupăza
CUM S-FEAŢI PUPĂZA
România Internațional, 20.11.2019, 10:51
CUM S-FEAŢI PUPĂZA
Adunat dit lao, Cruşuva tu Machiduni, di Ion Şcodreanu ş-publicat tu rivista “Frãțil’ia” No. 7, pag. 109.
Ţi ş-eara, ma nu ş-eara.
Eara unã mul’iari şi un bârbat.
Dupâ mulțâ ańi, Dumnidză lâ deadi una featâ. Di dzuâ-dzuâ feata criştea. Muşuteaţa-a l’ei eara avdzâtâ tu tuti horli deanvârliga. Nu tricu multu chiro şi mul’iarea muri. Bârbatlu si nsură ş-lo altâ.
Aestâ s-tihisi multu anapudâ ş-u bâtea mârata di featâ ti ici țiva. Cât yinea, inatea-a l’ei criştea şi vrea cu ițido trop s-u chearâ feata. Unâ dzuuâ âl’i deadi a featâl’iei un ucă di lânâ lai şi-l’i dzâsi:
— Na! lâna aestâ, s-ti duț s-u lai ân vali şi astarâ s-u aduț albâ ca neaua.
Laea featâ, cari ştea ți u-aşteaptâ, cara s-nu ascultâ dimândâciunea a nâearcâ-sai, lo truoarâ lâna şi s-dusi-n vali.
Lă sâhăț ântredz, ma di-ncot! lâna armânea tut lai…
Câtrâ tu amurdziş, dicara vidzu că tricu dzuua fârâ ca lâna s-algheascâ şi cându s-minduea la nâirirea şi bâtearea ți-l’i fâțea nâearcâ-sa, s-alină pi unâ dzeanâ, ş-anălță mâńili câtrâ țer şi dzâsi cu boați mari:
— Pu! Pu! Dumnidzale, am nu mi fâțeai un pul’i s-ascap di nâsâ?!
Şi Dumnidză, cari agiutâ a aților ândrepţâ, u feaţi un pul’i a cui cântic lu-avdzâm primâveara dit ahurhita-a Aprilui şi pân ti Sum-Chetru.
Pirmithlu spusu di Toma Enache puteț s-lu ascultaț aoa:
