Vizitaţ România – Zărneşti
Nâ ndriptâm azâ cătrâ ţentrul ali Românie, câtâ una ditru porțâli di intrare tru Parcul Național Piatra Crailui: Zărnești. Aoa vas-aflaţ un muzeu a parcului, unâ bâsearică di artă medievală anâltatâ aoa ş-cama di ţinti secole, un parcu di aventură și unâ
Daniel Onea, 23.02.2019, 18:52
Nâ ndriptâm azâ cătrâ ţentrul ali Românie, câtâ una ditru porțâli di intrare tru Parcul Național Piatra Crailui: Zărnești. Aoa vas-aflaţ un muzeu a parcului, unâ bâsearică di artă medievală anâltatâ aoa ş-cama di ţinti secole, un parcu di aventură și unâ rezervație di ursi, di 70 di ictâri, ţi nu ari preacl’e tru România. Easti unâ zonă tru cari pot s-hibâ practicat ciclismul, priimnârli, alpinismul ica observarea a prâvdzâlor ayri.
Centrul di informari turistică easti nolgica di localitati iu easti stația centrală di autobuze, și easti multu ghini semnalizatâ. Ștefan Balogy easti coordonatorul a alştui ţentru, totna la dispoziția a aţilor interesaț s-cunoască zona. “Easti unâ destinație tra atel’I cu mirakea di turism activ di aflâ aoa posibilităț niacumtinati tra s-treacâ cirolu adyi cari ţi s-hibâ sezonlu. Până și motto-ul activitatil’ei a noastre ari tru prota thesi fisea, experiență și discurmarea. Nu maşi că nâ arihâtipsimu tru fise și va s-videm lucri ca ti prota oarâ, ama putem s-cunuștem unâ distinație ecoturistică. Sumliniez aestu lucru, câte Zărnești-Piatra Craiului easti prima distinație ecoturistică dit România, autorizată di Ministerlu a Turismului. Tru aestu kiro, tru România, ari maşi patru ahtâri destinații autorizate, cu aestu statut.”
Tru perioada di primveară și toamnă, nai ma mulțiâturiști yin tra observarea a prâvdzâloru tru pâduri. Suntu hârâcochi di avearea agrimiloru carnivore mări dit zonă. Ari ndauâ agenții specializate, cari organizeadză tururi ghidate tra observarea a prâvdzâloru. Ia ama ndauâ sugestii și tra turiștil’i ma puțân aventuroși. Ștefan Balogy, coordonatorlu a centrului di informari turistică Zărnești. “Le fâţem urminii s-nchiseascâ la Centrul di vizitare a Parcului Național, un muzeu multu interesantu și interactiv. Aestu prezintă tutâ rezervația naturală Piatra Craiului prit hâlât multu moderne: diorame, proiecții vidio și proiecții 3D. Tutunâoarâ, recomandăm unâ vizită la rezervația di ursi Libearty, etichetată di National Geographic Traveller ca hiindalui nai ma etică atracție wildlife dit lume. Easti nai ma mari sanctuar di ursi bruni dit lume. Fu thimil’iusitâ aoa şi dzaţi ani di unâ asociație di Brașov. Pi suprafața ali rezervație, cari nâstreaţi 100 di ictâre, bâneadzâ 107 di ursi. Aesti nu suntu ncl’isi tru câfasi icâ spații ncl’isi. Tutâ aria easti unâ suprafață discl’isă, împădurită, protejată cu un gardu electrificat, iara ursili s-hârsescu di libertate tru aestă zonă. Tururli suntu ghidate și s-fac cu un numir n’ic di turiști tra s-nu cârteascâ prâvdzâli tru habitatlu a lor natural. Tuti ursili di aclo bânarâ tru captivitate tru condiții improprii. Eali furâ ascâpati și bâneadzâ tora tru condiții multu bune.”
Unică tru România, rezervaţia di ursi bruni di Zărneşti s-tindi pi unâ suprafaţă di 70 di hectare, teren bâgat la dispoziţie di Primăria Zărneşti, hiinda nai ma mari rezervaţie di aestâ turlie dit Europa di Est. Atel’i cari vizitează rezervaţia di ursi bruni di Zărneşti au la dispoziţie şi un trenuleţ cu ghid, cari faţi turul a sanctuarului tru aproximativ 45 di minute, hiinda loat pi napandica ritualu di hărneari a ursilor, cum şi turlia di bvana a aistor. Trenuleţul alină şi pe platforma foto di iu poate s-hibâ mutritâ tutâ rezervaţia. Tru aestu kiro ari tru zona Zărneștiului 42 di trasee montane marcate multu ghine, a curi hărți pot s-hibâ discărcati și tru format GPS pi telefon. Tutunâoarâ, di anu, va s-hibâ promovat niacumtinat cicloturismul. Ari 11 di trasee marcate tru Parcul Național Piatra Craiului.
Câlisearea u feaţimu. Până data yinitoare, cali bunâ și chiro muşeatu !
Armanipsearea: Tascu Lala
