UNTOLD 2022 tru nkisită
Nai ma mari şi ma impresionantă sţenă ditu România fu montată la Cluj Napoca și easti ndreaptă tră a șaptea ediție a festivalui di muzică UNTOLD.
Daniela Budu, 03.08.2022, 14:33
Nai ma mari festival di muzică ditu România ahurheaşti gioi la Cluj Napoca (nord-vest), iara ndridzerli suntu pi aţea ditu soni sută di meatri. Scena pricipală va s’hibă nai ma mare construită vărăoară tru România, dimăndă organizatorii, și idyealui cum tuti alanti elemente di dicor ţi țănu di festival, tiñisescu tema ali ediție di anlu aestu – Templul Lunii”.
Pi ea va s’alină artiști cu anami internațională catacum Hardwell, David Guetta, Dimitri Vegas & Like Mike și mulță alțălli. Tut cu tut va s’ahibă 6 scene. Pisti 200 di artiști români și xeñi va s’agiungă tru Cluj-Napoca tru dzălili ţi yinu. Directorlu di comunicari şi unu ditu organizatorllii a evenimentului, Edi Chereji, cundille tră Radio România ndauă ditalii tehniţi:
“Şi estan, scena easti adrată după ună creaţie a echipei interne şi a echipăllei Untold — neise a echipăllei a noastră, atea cari mindui scena, u disenă, şi tru aestu an ea easti băgată tru practică multu muşeatu. Va s’hibă nai ma mari scenă ditu România şi ca dişcllidiari şi ca anălţime. Easti ună scenă cari are pisti 30 di meatri anălţime, ari anvărliga di pisti 700 di metri pătraţi di ecran LED. Easti ună scenă multu impresionantă şi cu ahât ma multu pi kiro di noapte, di titia că agioclu di vidilliuri, artificiile, proiecţiile cari s’facu aclo pe scenă sunt cadialihea măyipsitoari, realizate la nai ma analtu standard şi reprezintă până tru soni un show el işiş, un show pe cari miraclleadzlli aluştoru evenimente au căbilea să-lu veadă maş la ndauă festivaluri, cum easti Coachella ică Tomorrowland ică Ultra Miami.”
Organizatorlli tăxescu că va s’aibă momente impresionante, un fashion corner cu numa Disigners’ Nest, dz4ţ di activităţi, personaje maghiţi, animatori şi dansatori cari vam s’difileadză pritu festival, cum şi multi surprize. Di gioi până dumănică suntu aștiptaț la eveniment aproapea 400 di ñilli di participanță. Tru agiutorlu a organizatorilor fură ascumbusiţ suti di jandarmi, polițiști și pompieri, cari va s’patruleadză non-stop tru ateali patru dzăli di festival. Edi Chereji exighisi tră Radio România cât di importanti suntu misurli di siguranţă pe cari li llia organizatorlli.
Edi Chereji: “Misurli di siguranţă sunt ditu nai ma mărli. Earamu la multe festivaluri şi turlia tru cari noi aprăftăsimu s’avemu sum control aest lucru easti, di alargu, un exemplu, iara aesta s’faţi di itia a ligăturăllei pi cari u avem şi cu autorităţile. Şi tra s’vă exighisescu căţe nu dămu izini ti intrari cu ună şuşi di apă i cu iţi altă şuşi, easti strict ună raţiune di control şi tra s’avemu garanţia că tru atea cunetă di apă nu suntu băgati, ti exemplu, substanţe interzise.”
Biletele tră festival sunt nică disponibile, ahurhinda di la 70 di euro tră ună dzuuă, tru kirolu anda tiñia a unui abonamentu valabil tră tuti aţeali patru dzăli a festivalului easti di 179 di euro.
Autoru: Daniela Budu
Armânipsearia: Taşcu Lala
