UE și dependența di gazlu arusescu
UE califică ca hiinda şantaj apofasea ali Rusie ta sdănăsească livrarea di gaze cătră Polonia şi Vărgăriaa și da asigurări că sfac gaereţ tra sasiguripsească livrări alternativi di gazi
Corina Cristea, 29.04.2022, 10:15
Dânăsearea unilaterală di cătră Gazprom a livrărilor di gaze cătră născănti state ale Uniunii Europene este niantimilleată și ti niaprukeari, neise spuni ună provocare di partea a Kremlinului, lugurseaști prezidenta a Comisiillei Europene, Ursula von der Leyen. Minduita u spusi tru bitisita Andamasillei a Grupului di coordonare tru domeniul a gazilor, la şcurtu kiro după ți Rusia li curmă livrările cătră Polonia şi Vărgăria, di itia a niaprukearillei a ațiloru dauă văsilii ta s’păltească combustibilul tru ruble.
Pritu boaţea ali Ursula von der Leyen, Comisia Europeană califică apofasea gigantului energetic rus ca hiinda un actu di şantaj ali Moscovă (track engleză cu suprapunere): “Ufilisearea di cătră Kremlin a combustibililor fosili cu minduearea ti şantaju ici nu nă ciuduseaști. Apandisea a noastră va s’yină ună ș-ună pi ună turlie unită şi coordonată. Prota ș-prota va nă asiguripsimu că apofasea a Gazprom ari nai cama ňicu impactu posibil tră consumatorlli europeni. Kremlinul eşuă nica nă oară cu aestă minduită ti ampărțari a cetăţenilor europeni. Era combustibililor fosili ditu Rusia va s’bitisească tru Europa. Europa avanseadză tru chestiunile ligate di energie.” Uniunea Europeană ari ananghi di parteneri di pistusini ti energie, iara apofasea ali Rusiei dimonstreadză că aesta nu eastii un ahtari furnizor, nica spusi șefa a Executivului comunitar. Aesta deadi asiguripseri că la nivelu a Uniunillei Europene s-fac gaereț tra s-asiguripsească livrări alternative di gaze şi că nivelurli di stocare suntu tu aestă oară nai cama di căbili tru tută Uniunea.
Ursula von der Leyen spusi că apofasea ali Rusie tra s-dănăsească furnizarea di gaze fați arău prota ș-prota ali Rusiei, di itia că armâne fără venituri importante, și adăvgă cățe șasea pachetă di sancțiuni europene va s-yină tu oara uidisită. Aestă pachetă, ți easti tora tru lucru, poati s’acață tu isapi sancțiuni tră gazili și petrolu arusescu. Ursula von der Leyen a explicat nica și ațea că planul di acțiune REPower EU va s’agiută di estanu la ňicurarea cabaia a dipendințăllei di combustibilii fosili ditu Rusia și dimăndă că, la giumitatea a meslui mai, Comisia va s’părăstisească planurli di accelerare a tranzițiillei veardi.
Uniunea ari alte opţiuni tra s’compenseadză curmarea a livrărilor, deadi asiguripseri oficialu european, căftănda a statelor membre s-nu calcă sancţiunile băgati tu contextul a aputrusearillei ali Ucraină di cătră Rusia. Tu meslu marțu, prezidentulu rus Vladimir Putin dimăndă că Moscova numata va s’aproaki păltearea ti livrărli di gaz tu alti monedi, dimi maș tru ruble, atea ți easti ună călcare a contractilor simnati, spune Bruxellesul. Tora Rusia, care ș-duți ma largu invazia miltară tru Ucraina, nu aproaki stepsurli că ufiliseaști livrărli di gaze naturale ca instrument di şantaj și spuni că easte un furnizor credibil di energie.
Autoru: Corina Cristea
Armânipsearea: Taşcu Lala
