Stanea ditu Vali

Nidzemu ninti şi adză ta snă hărsimu di neauă, tru ună staţiune cari di pţănu kiro dişcllisi nica ună pârtie di schi: Stanea ditu Vali. Him utu ună stațiune di arihătipseari și tratament, situată tru giudițlu Bihor, aflată...

Ana-Maria Cononovici, 10.01.2022, 13:38

Nidzemu ninti şi adză ta s’nă hărsimu di neauă, tru ună staţiune cari di pţănu kiro dişcllisi nica ună pârtie di schi: Stanea ditu Vali. Him utu ună stațiune di arihătipseari și tratament, situată tru giudițlu Bihor, aflată tru componența a comunei Budureasa, tru Masivlu Vlădeasa, la ună anălţimi di 1100 di meatri.

Intrarea s’faţi pi calea Deva-Oradea cari s’amparti ditu căsăbălu Beiuş. Avânda un aeru multu ionizat easti un mediu ti anami tră treaţirea a unăllei vacanţi tru fise, avănda dininti unu şingiru di muşuteţ turistiţi, ama şi cu peisaje şi trasee montane ahoryea multu muşeati.

Stanea ditu Vali aduţi dinintea a turiştilor căbilea ta s’facă excursii la Izvurlu a Thamiloru, Cascada Iadolina, priimnări montane pi 16 di trasee marcate, alăgări la Peştera a Ursilor. Iarna, staţiunea oferă căbilea disvărtearillei actvităţ sportive di sezon, existânda facilităţ tră ski, tubing şi darea cu sanca. Nă spuni ţi aflămu aoa Marius Voinea, şef di instalaţie la Stanea ditu Vali:

“Pârtia easti tru condiţii multu bune, avem ună nauă pârtie, tamam tora dişcllisimu calea ti ună instalaţii nauă di telescamu. Pârtia ari ca lundzime un kilometru şi 200 di metri, ari ună staţie intermediară tu mesi. Pârtia, ca dificultate, di la giumitati nghiosu easti ñirlă, nsusu easti aroşe”

Uidisitu cu simbolurli internaţionale, aesta nsimneadză că partea di nghios a pârtiillei easti lişoară, iara aţea di nsus easti cu dificultate di mesi. Nica nvitămu că ună alinari cu telescamnul custuseaşti 10 lei (2 euro), deapoa cu teleschiul 7 lei şi că la baza a pârtiillei ari centru di loari cu niki echipamentu sportiv, sanca cu 25 di lei (5 euro), iar schiuri, ciumăghiţi, clăpari ică snowboard şi booties cu 50 di lei (10 euro) ndzuuă. Marius Voinea nica nă spusi:

“Avem nica un teleschi cu dauă pârtii ti atelli ţi ahurhescu, pârtia Cerbul şi pârtia Renul, ca şi lundzime 580 di metri, respectiv 790 di meatri. Avem şi instalaţie di neauă artificială, pi pârtia Cerbul, nădăimu ca tempearaturli s’nă da izini şi dzălili aestea s’adrămu niheamă neaua artificială şi condiţiile s’hibă cât ma buni tră schiat. Vă aştiptăm la Stanea ditu Vali, la schiat!”

Staţiunea easti faptă urminie ti tuti ilikiili. Proţlli factori di tratamentu tru Stanea ditu Vali, cari atragu ñilli di turiști cathi anu, sunt apili oligominerale și feruginoase, bioclimatlu tonic, caracterizat pritu presiune atmosferică scădzută, radiația solară intensă și ionizarea criscută a aerlui. Aoa pot s’facă tratamente contra a dereglărlor di adilleaticu, suprasolicitărlor fiziţi şi intelectuali, a organismului slăghitu, anemiilor, rahitismului şi dereglărlor di creaştire la cilimeañi. Anamisa di nai ma căftati tratamenti locale s’arădăpsescu fitotearapia (băñile cu plante), electroterapia, fricărli, sauna și gimnastica medicală.

Autoru: Ana-Maria Cononovici

Armânipsearia: Taşcu Lala