Românlu Dapid Popovici, nai ma rapid anutătoru ditu istorie
David Popovici bătu un recordu mondial veclliu di 13 ani tru proba di 100 di meatri și recordul mondial di juniori tru proba di 200 di meatri.
Florin Orban, 16.08.2022, 17:44
Tru dzuua di 9 alunaru 1922, la Alameda, tru California, Johnny Weissmuller anuta suta di meatri sum un minut, nregistrânda un nău recordu mondial. Amintatu ningă Timişoara, la Freidorf, el vrea s’agiungă cu anami emu pritu victoriile a lui olimpiţi, amu maxus pritu rolu principal ditu filmul “Tarzan, omlu maimunu”. După 100 di ani, un altu sportiv amintatu pi pimintu românescu bătu recordul mondial la suta di meatri liber, di agiumsi, practic, tru luñina a performanţelor omologate oficial, nai ma rapid anuotător ditu istorie.
La Europenele di Roma, sâmbătă, David Popovici bitisi cursa di 100 di meatri tru 46 di secundi şi 86 di sutimi. El bătu aşi un recordu veclliu di 13 di añi, ţi lu avea brazilianlu Cesar Cielo Filho, cari, tut la Roma, ama la Mondiale, tru 2009, nregistra 46 di secundi şi 91 di sutimi, tu kirolu cându strañili speciale ahărdziti ti criştearea a vitezăllei eara nica permise. Cum eara di aştiptat, presa internaţională s-antricu cu zboară muşeati. “Fenomenlu di 17 di añi curmă recordul al Cesar Cielo tru finala di la Europene”, scria Marca, iara, tru idyea notă, Gazzetta dillo Sport îlu număsea pi David “Baby Fenomeno”.
Luni, românlu fu multu aproapea s’aibă diznău performanţa tru finala europeană di la 200 di meatri. Popovici, campionlu mondial en titre ali distanţă, s-impusi tru stil di mare campion, cu timpul di ună minută, 47 di secundi şi 97 di sutimi, nău record mondial şi european di giuniori, cum şi ali competiţie. Fu la ma puţăn di ună secundă, cma di tamamu la 97 di sutimi, di recordul ţi lu avea faptă, tut Roma, tru 2009, ghirmanlu Paul Biedirmann. Tutunăoară, timpul nregistrat fu cu maş ună sutimi di secundă ma mari andicra di aţelu cu cari Michael Phelps, idolu al David, aminta titlul olimpic la Beijing, tru 2008. După victoria di la 200 di meatri şi festivitatea di premieri, reporterlu Radio România vru tra s’veadă cumu s’duki David hiinda ahât di aproapea di performanţa americanlui.
“cadialihea, harstusitu pănu di mardzină, ama cum ţi s’hibă, nu mi cărtiiu căte nu aminatiu timpul a lui. Ama nu ari ţiva, am tu kirolu di aoa ş’ninti. Phelps, cându amintă timpul aestu, cu ună sutime ma bun andicra di minti, bătu şi recordul mondial. Mi curmă multu aestă finală, hiinda şi aţea di a daua probă ditu program. Nu easti canda fu nai ma greaua cursă ditu bana a mea. Cadialihea fu nai ma buna di 200. Ama faţi parti ditu sport. Cara tută lumea va s’hibă irbapi s’treacă pritu ună ahatri livel di gaereti, vrea s’avemu multu ma mulţă sportivi la aestu livel”.
La Roma, David Popovici va s’concureadză şi la 400 di meatri liber. Seriile antriţearillei sunt programate ñiercuri, 17 di agustu.
Autoru: Corina Cristea
Armânipsearia: Taşcu Lala
