România ş-lu uidiseaşti sistemul di nviţămintu
Prezidentulu Klaus Iohannis dimăndă, tru marja a Adunarillei Generală a ONU, că România ş-llia borgea tra ş-uidisească sistemul di nvițămintu cu anănghiserli di tora și emerghente.
Tașcu Lala, 20.09.2022, 19:00
Tru marja a aţillei di a 77-a sesiuni a Adunarillei Generale a Organizaţiei Naţiunilor Unite di New York, prezidentulu Klaus Iohannis dimăndă, tru un mesaj video, că România ş-llia borgea s’actualizeadză sistemul di nviţămintui şi să-lli veaglle cetăţeñilli di provocărli a mediului economic şi di năile realităţ suţiali. România coprezidă, la iniţiativa a șeflui a statului, linia tematică “Profesorlli, predarea şi cariera didactică” ditu cadrul a summit-ului Transformarillei Educaţiillei di New York.
“Tu kirolu anda impactul a pandemiillei di COVID s’ayăliseaşti, di alasă loc ti niscănti năi şi greali provocări globale, lipseaşti s’apufusimu ti politiţli cari suntu ananghi tra s’vindicămu lumea. Construirea a unui yinitor sustenabil easti ună componentă clleaie tru aestă cilăstăseari – spusi şeful a statului.
Uidisitu cu Klaus Iohannis, aprăftăsita ţăni, tru ma marea parti, di asigurarea a unei educaţii di calitate:
“Tru cadrul aluştui summit, România scoasi tru migdani tema a procesului di predare şi a carierăllei didactică. Profesorllii suntu inima ali educaţie. Ca parte a reformelor tru kirolu ditu soni, România ş-lo borgea s-lă asiguripsească a profesorlor ditu societatea noastră ună pregătire iniţială şi continuă uidisită, tiñii di cafi mesu motivante şi un statut profesional analtu. Tutunăoară, făţemu gaereţ s’dămu a profesorilor ună ma mare autonomie tru organizarea activităţilor şcolare. Participarea a profesorilor la procesul decizional easti di simasie ti mintearea a lor tru transformarea a sistemilor a noastri educaţionale.”
Klaus Iohannis adăvgă că România easti tru etapa di băgari tru practico a unlui demersu substanţial di reformă, thimilliusitu pi rezultatili a unei lărgurii consultari cu numa România Educată.
“Pisti 10.000 di cetăţeni fură mintiţ activ, aestă consultare agiungănda nai ma incluzivlu proţesu di zuyrăpseari a politiţlor ditu domeniu şi scuţănda tru migdani minduita tră educaţia românească la orizontul a anlui 2030”, spusi aestu.
Ma multu, tru anlu ditu soni, tru România fu iniţiat un proţes di reflecţie ti educaţia mutrinda alăxerli climatiţi şi dizvultarea durabilă, cari s’alăxi tru ună viziune strategică concretă, integrândalui tru proţeslu educaţional filosofia a Obiectivilor di Dizvoltare Durabilă.
Şeflu a statlui lugursi că rolu a profesorilor armâne esenţial tra s’nă asiguripsească că tuţ cilimeañilli amintă axizerli ţi suntu ananghi tra s’veaglle resursele şi muşuteaţa ali planetă. Alăxearea ali educaţie, nica spusi năsu, nsimneadză agiundzearea a provocărlor globale actuale, cu tuti resursele pi cari le ari educaţia, tra s’da curayiu tru progres, irine şi prucukie! Uidisitu cu năsu, educaţia lipseaşti s’hibă tru amprotusa tru tuti politiţli, inclusiv tru domeniul a finanţarillei publiţi.
“Niţi ună reformă nu poati s’hibă adrată ma s’nu investimu tru tiniri, tru profesorllii a lor şi, aşi, tru yinitorlu a nostru. Easti nai ma hăirlătică investiţie pi cari noi tuţ putem s-u adrămu!, cundille Klaus Iohannis.
Autoru: Daniela Budu
Armânipsearea: Taşcu Lala
