România, Polonia şi flanculu esticu
România şi Polonia vor ma mulţă militari NATO pi flanculu esticu a alianţăllei - declară, la Bucureşti, prezidenţălli a aţilor dauă văsilii.
Mihai Pelin, 23.03.2022, 19:47
Ahurhită aoa şi unu mesu, invazia rusă ditu Ucraina s’duţi ninti. Ma mulţă căsăbadz strateghiţ suntu bombardaţ și atacaţ, iara oaminilli fugu ditu fosta republică sovietică di itia a polimlui. Tru aestu contextu, prezidenţălli a Româniillei şi Polonie, Klaus Iohannis şi Andrzej Duda, subliniadză ananghea ti anvărtuşeari apărarea pi flanculu esticu a Alianţei Nord-Atlantică.
La andamasea ţi u avură, marță, Bucureşti, elli s’akicăsiră ca aţeali dauă văsilii s’da silă ti cooperarea tu planu di securitate. Klaus Iohannis lugurseaşti că easti ananghi ti ună prezenţă militară criscută tru România şi tru regiunea ali Amarea Lae, ca apandisi maş difensivă la agresiunea ali Rusie.
Klaus Iohannis: “Avem ananghi ntrăoară di ună anvărtuşeari consistentă şi echilibrată a flancului esticu, di ună prezenţă niiintată, unitară şi vartoasă. Easti ananghi ti ună prezenţă militară criscută aliată tru văsilia noastră şi tru regiunea ali Amarea Lae. Un exemplu limbidu şi ananghisitu tru aestă noima ălu reprezintă thimilliusearea cât ma ntraoară a unei parei di alumtă NATO tru România.”
Tru catandisea actuală easti ananghi di ună nauă concepţie strategică a NATO, cari prota ş-prota lipseaşti s’acaţă tu isapi alăxerli ţi s’facu di itia agresiunillei ali Rusie contra ali Ucraină, cundille şi prezidentulu polonez. El pripuni ună prezenţă permanentă defensivă a NATO pi flancul estic, anvărtuşită ditu vidiala a militarilor, dotărillei şi infrastructurălleii. Aeasti suntu cerinţele a ţi spunu ti acţiunile nkisiti di Moscova, nica spusi prezidintulu polonez.
Aţelli doi oficiali apufusiră s’ndreagă București un Summit a statelor membre NATO tru Format B9, cu dauă stămâni ninte di andamasea a aliaților di la Madrid, ditu alunaru. B9 easti ună iniţiativă lansată tru 2015 di prezidintulu român şi di omologul a lui polonez, la cari llia parti ateali 9 state membre NATO aflati pi Flancul Estic al Alianţei: Bulgaria, Cehia, Estonia, Letonia, Lituania, Polonia, România, Slovacia şi Ungaria. Aesta easti ună platformă cabaia hăirlătică ti ahandusearea a dialogului și cooperarillei anamisa di aliațllii ditu regiune, cu scupolu ti articularea contribuțiillei speţifiţi a alusstor la proţesele tru dizvărteari ditu cadrul Alianței, tru acutotalui simfunie cu prinţipiile solidaritatillei și indivizibilittatillei securitatillei a tutulor statelor membre NATO.
București, aţelli doi șefi di stat zburără şi ti responsabilitățli a aţiloru dauă văsilii membre UE tru regiune, ucazi cu cari năpoi fu spusă andruparea susto si panu di mardzina ali Românie tră Republica Moldova, cum și tra suvearanitatea și integritatea a llei teritorială.
Impactul a conflictului ditu Ucraina tra Republica Moldova easti unu major, iara aesta ari ananghi di agiutoru vartosu și coordonat, financiar și logistic, ditu partea UE și a statilor membre, cari s’asiguripseasca nica şi securitatea a llei energetică, spusi Klaus Iohannis. Aţelli doi prezidinţă diclarară că România și Polonia andrupascu susto proţesul di integrare tru UE a Republicălleii Moldova, Georgia şi Ucraina.
Autor: Mihai Pilin
Armânipsearia: Taşcu Lala
