România andrupasti Ripublica Moldova
România nrupasti dişcllidiarea-a negocierlor di adiarare la UE ali Ripublica Moldova și Ucrainãllei, ama și darea-a statutlui di candidat trã Georgia.
Daniela Budu, 13.12.2023, 23:42
Klaus Iohannis llia parti dzãlli aestea Bruxelles, la summituri europene, contextu tru cari va s’ndrupascã loarea a niscãntoru apofasi mutrinda dişcllidiarea a negocierilor di adiarari la UE cu Ucraina şi Republica Moldova, cari au di anlu ţi tricu statutlu di vãsilie-candidat. Uidisitu cu spusa al Klaus Iohannis, Uniunea Europeană lipseaşti sã s-aproaki şi s’da seamni limbidz emu ti statili ţi suntu tu Balcañilli di tu Ascãpitatã emu ti Ucraina, Moldovei icã Georgia, maxus tu aestu kiro anda Rusia ahuri cu polimlu.
Tora ma ninti, premierlu di Chişinău, Dorin Recean, spunea că ari cãbili ta s’amãnã nkisita-a pãzãrãpserloru di adiarari ali Ripublica Moldova la Uniunea Europeană până tru meslu marţu. El cundille,ama, că amânarea dişcllidirloru poati s’hibã unu lucru slabu strateghicu, di cari poati si s’ufiliseascã Moscova.
Tu unã muabeti telefonică cu premierlu moldovean, primlu ministru Marcel Ciolacu dădia asiguripseri că guvernul ali Românie ma largu va s’ndrupascã vãrtosu imnaticlu european a Chișinăului. Tru contextul a Consiliului European di Bruxelles, el cundille agiutorlu niacumtinatu ţi lu-da România ti Ripublica Moldova ta s’ahurheascã proţeslu di negociere a adirarillei la Uniunea Europeană. “Guvernul a Româniillei va s’ndrupascã ma largu imnaticlu european ali Ripublica Moldova şi s’hibã partener di pistipseari tu tutu proţeslu di adirari”, spusi Marcel Ciolacu.
Tutunãoarã, tru cadrul a dialoglui telefonic, furã zburãti proiectele di coopearare bilatearală, maxus tru domeniile interconexiunilor energetice transfrontaliere şi a asistenţãllei financiarã pi cari România u da trã dizvoltarea ali Ripublica Moldova.
Tutu ta s’’ndrupadcã statlu viţinu, aţeali dauã guverne simnarã un Memorandum di Akicãseari mutrinda realizarea-a proiectelor ţi suntu ananghi ti ligarea-a singiriloru di gazi naturali şi energhie electrică. Aşi, uidisitu cu ministurlu ali Energhie, Sebastian Burduja, România va s’aibã contributu dicisiv ti securitatea energhetică ali Ripublica Moldova şi integrarea tru pãzarea di energhie europeană. Pritu aestu Memorandum şi pritu gaereli ţi s’feaţirã tora ma ninti, Republica Moldova s’integreadză efectiv şi ireversibil tru pãzarea unică energhetică europeană, tru idyiulu kiro, aestã turlie u creaşti a llei securitati energetică.
Bruxelles, Klaus Iohannis va s’ndrupascã și darea-a statutlui di candidat trã Georgia, cum şi dişcllidiarea a negocierilor di adiarare cu Bosnia şi Herţegovina. Cadialihea, România va s’ndrupascã aprukearea şi integrarea aluştoru stati pi thimellilu a meritilor şi criteriilor di adirare, a diapoa aoa Ucraina şi Moldova suntu di alkargu favoriţllii trã unã apofasi a Consiliului trã s’ahuurheascã negocierli di adiarare, di itia-a reformiloru ţi s’feaţirã.
Apridutsearea: Tashcu Lala
