Raportulu a BNR mutrinda inflația
Guvernatorlu ali Băncă Naţională ali Românie, Mugur Isărescu, părăstisi raportul tră inflaţie.
Roxana Vasile, 10.08.2022, 15:27
Cara până aoa şi aproapea un an rapoartele ali Băncă Națională ali Românie era aștiptate cu interes maxusu di specialiștii tru finanțe, bănţă ică economie ili di jurnaliștii specializați tru aesti domenii, tora, nica şi oamiinduescu s’akicăsească limbajlu ultra-specializat a comunicatelor periodiţi. Suntu anamisa di mărlli ţi kirură a unei catandisi cu multi cauze, ama maxus cu repercusiuni directe ti bănaticlu a loru di cafi dzuă: criștearea babageană ali inflație.
Ti spuni, dimecu, aţelu ditu soni raportu ali BNR, părăstisitu, marță, di guvernatorlu Mugur Isărescu? Atea ţi româñilli dkescu cafi dzuuă pi gekili a loru işiş: că rata ali inflaţie ş-lu criscu ritmolu di creaştiri ditu apriiur până tru cirişaru şi năstricu 15 di procente, pe fondul a şocurilor provocate di păhălu cabaia mari ali energie, combustibililor ică di criştearea a păhălui la produsili alimentare, maxus a aţiloru procesate. Tut simfunu cu BNR, inflaţia vrea s’agiungă la 20%, cara Guvernul nu vrea s’facă intervenţie și nu vrea s’plafoneadză păhadzlli la energie — părmătie cari intră tru componenţa a tutulor produsilor.
Tru perspectivă, hăbărli suntu pi principiul ʺuna bună, una slabăʺ. Inflația vrea să scadă ama nu ahătu multu cât avea minduită BNR ma ninti. Ma ghini spusă, Banca u criscu la 13,9% prognoza di inflaţie ti bitisita a aluştui anu şi estimeadză ună inflaţie di 7,5% ti bitisita a anlui yinitoru. Tru mai, BNR avea estimată 12,5% ti bitisita a aluştui an şi 6,7% ti 2023. Tru giumitatea a anlui 2024, inflația va s’hibă di 2,3%.
Vărtosu zñiipsiti di criștearea a păhadzloru suntu și persoanili fiziţi cu mpărmuturi la bănţă. Tru aproape a giumitati ditu cazuri, ratili lă suntu fapti isapi pi thimellilu a aşi-număsitului indiţi Robor. Cara tru yinaru, aest Robor eara di aproapea 3%, tru aestă oară năstreaţi 8 procente, cu multu piste dobânda di politică monetară apufusită di BNR, di 5,5%. Emu, guvernatorul Mugur Isărescu aproaki că nu easti niţi hărăcop, niţi lişoru s’pălteşti păradz ma mulţă, ama mesajlu ali Bancă Centrală cătră oamiñi di un anu ş-cama easti că perioada a dobândzălor ñiţ – ași cum fu tru pandimie – tricu.
Tru perioadi normale, ună dobândă di politică monetară easti anamisa di 3% şi 6%, aşi că româñilli nu lipseaşti s’mata aibă besă pi ună ñicurari a dobândzălor la mpurmutari. Cu spunearea că Robor-ul – spusi textual guvernatorlu Isărescu — cata lu ansări calu: easti dipu mult di multu mare! Tru aesti condiţii, el lă dimăndă un mesaj personal și a bănţălor: s’mutrească cama ngătanu la apofasili a Băncăllei Naţionale, cu alti zboară ari nădie şi pistipseaşti că, atumţea, Robor-ul va s’aproaki di rata di politică monetară.
Autoru: Roxana Vasile
Armânipsearea: Taşcu Lala
