Premierlu român la Chişinău
România năpoi lu spuni andrupămintulu tră stabilitatea şi tră nădiili europeani ali Ripublică Moldova viţină.
Tașcu Lala, 24.03.2023, 19:27
Thimilliusită pi ună parte a teritoriilor româneşti răsăritene arăchiti di Uniunea Sovietică stalinistă tru 1940, dupu un ultimatum, Republica Moldova ş’proclamă independenţa andicra di Moscova pi 27 august 1991, după eşeclu a puciului neo-bolşevic contra aţilui ditu soni lider sovietic, reformatorlu Mihail Gorbaciov. Tru idyea dzuuă, România eara prima văsilie ditu lume cari pricunuştea statalitatea noului a llei viţinu. Di atumţea, Bucureştiul armasi nai ma energic şi consecventu susţănătoru ali independenţă, integritati teritorială şi, unăoară ţi Chişinăul şi spusi volea ta s-intră tru Uniune, a imnaticlui european ali Ripublica Moldova.
Gioi, prezidentulu ali Românie, Klaus Iohannis, dimăndă, la Bruxelles, că ripublica viţină va s’llia un agiutor suplimentar ditu partea a Uniunillei Europeane. El pripusi şi ca entităţile pro-ruse ditu Republica Moldova s’hibă ţinta a unăllei pachetă di sancţiuni comunitare. Tut gioi, premierul român, Nicolae Ciucă, aflat tru vizită oficială la Chişinău, lu spusi diznău andrupămintulu fără alti căftări tră integrarea Republicii Moldova.
Republica Moldova ş’lo boirgea cu mari curayiu tu imnaticlu europeani, a deapoa România, cari akic4si multu ghiini cari suntu tute etapile aaluştui, u spuni vrearea pănu di marrdzină tra s’ndrupască – spusi şeflu a guvernului di la Bucureşti. La andamasea cu prezidenta a republicăllei, pro-occidentala Maia Sandu, Ciucă spusi că România faţi gaereţ năuntrulu ali Uniuni Europeane tră s’ţănă stabilitatea guvernamentală, economică și socială a Ripublicăllei Moldova. Şefa statului u spusi pricunuştearea tră tut agiutorlu pi cari România lu-da a Republicăllei Moldova.
“Tricum ghini aestă iarnă și aestu lucru s-feaţi nica şi cu agiutorlu a dumnillei a voastri. Lipseaşti, ma largu s’ţănemu stabilitatea tru văsilie și s’dămu sigurlăki a cetățeañilor a noștri. Di altă parte, minduimu s’criştemu reziliența economiillei, ta s’putem s’criștem standardile di bană tru Republica Moldova și dumnilliavoastră nă agiutatu pi tuti aesti dimensiuni” – declară ea. Maia Sandu spuni că Republica Moldova ari ună agendă ncărcată tru procesul di integrare europeană. “Săptămâna aesta s’ţăni andamasea a Consiliului European și știm că România alumtă aclo tră interesele Republicii Moldova, inclusiv tră yinitoarili jgllioati pi calea integrarillei europeane” – cundille ea.
Premierlu Ciucă ălli turnă a omologlui a lui, Dorin Recean, vizita di pi 1 di marţu, prota tru xeani dupu băgarea pi ipotisi a aluştui ditu soni. Atumţea, Ciucă salute aţea ţi număsi livelu excelent a relaţiilor bilaterali și dinamica remarcabilă a dialoglui ditu București și Chișinău. Uidisitu cu premierlu, România ş’nvărtuşi statutlu di prim partener comercial ali Ripublica Moldova. Comerţul bilateral, adusi aminti el, criscu cu 1,2 miliardi di dolari tru 2022 şi agiumsi la aproapea 3,6 miliardi.
Autoru: Bogdan Matei
Armânipsearia: Taşcu Lala
