Parlamentul European andrupaşti Kievlu

Parlamentul European andrupaşti candidatura-a Ucrainăllei la Uniune și condamnă sertu invazia rusă.

Warning: Trying to access array offset on null in /home/web/rri.ro/public/wp-content/themes/rri/template-parts/content.php on line 98
Roxana Vasile, 02.03.2022, 12:47

Adunatu marță tru andamasi plenară extraordinară ahărdzită ti catandisea ditu Ucraina, Parlamentul European adoptă ună rezoluţie prit cari căliseaşti instituţiili comunitari s’acţioneadă tra s’da aliştei văsilie statutlu di candidatu la Uniune. Documentul cundilleadză că procesul va s’facă tu simfunie cu articolu 49 ditu Tratatul mutrinda Uniunea Europeană şi pi thimellilu a meritelor, a deapoa, tu aestu kiro, lipseaşti s’facă ma largu gaereţ tră integrarea Ucrainăllei tru piaţa unică, tru simfunie cu Acordul di Asociere.

Rezoluţia, adoptată cu 637 di voturi tră, 13 contra şi 26 di abţăneri, condamnă tru nai ma serti zboară aputrusearea paranom ali Ucraină di cătră Rusia”. Easti cundilleat şi “rolu ţi lu avu dictatorlu belarus Aleksandr Lukaşenko” tru aestă agresiune. Parlamentarllii europeni caftă, tru idyiulu kiro ali Rusie s’dănăsească tuti activităţli a llei militare ditu Ucraina”. Eurodiputaţllii nu aproaki categoric retorica Moscovei cari faţi aluzie la ună posibilă ufiliseari a armatloru di distrudzire tru measă și năpoi lli-aduc aminti borgili internaţionale. Elli facu timbihi tu ligătură cu piriclliurli a unei escaladări nucleare a conflictului. Legislativlu a Uniunillei Europene caliseaşti Comisia şi vasiliili membre s’ da, ma largu, asistenţă umanitară di urgenţă ucrainenilor, tru coopearare cu agenţiile uminitare ali ONU şi cu alti organizaţii internaţionale partenere.

Eurodiputaţllii salută adoptarea ntrăoară a sancţiunilor băgati, ama voru s’ veadă misuri restrictive ma lărgurii, cari s’aibă tu scupo slăghirea strategică a economiillei şi a bazăllei industriale ruse. Elli spunu că lipseaşti s’hibă restricţionat maxusu importul a nai ma importanti produse ruseşti, cumu suntu petrolu şi gazili naturale. Tutunăoară, năili investiţii ale Uniuni tru Rusia şi năile investiţii ali Rusie tru Uniune s’nu hibă aprukeati, iara tuti bănţăli ruse lipseaşti s’hibă ncllisi ditu sistemul financiar european.

Unu şingiru di sancţiuni, inclusiv niaprukearea acceslui la sistemul SWIFT, lipseaşti s’hibă teasi şi tu Belarus di itia a agiutorlui direct ţi ălu diadi tră invazia Ucrainăllei di cătră Rusia, nica să spuni tru document. Ma multu, textul căliseaşti văsiliili comunitare s’da cătu cama ntrăoară a Ucrainăllei armament di apărare, tru simfunie cu articolul 51 ditu Carta ONU, cari da izini ti autoapărarea individuală şi colectivă.

“Uniunea Europeană va s’hibă multu ma vărtoasă cu noi, aesta-i sigura. Fără voi, Ucraina va s’hibă singură. Dovediţ că hiţ di partea a noastră. Dovediţ că nu van ă alăsaţ ta nalliurea!”, spusi prezidintulu ucrainean Volodimir Zelenski a Parlamentului European, tru unu zboru emoționant dimăndatu pritu ligătură vidio. Căftarea-a Kievului di adiarare fu simbolică, politică şi legitimă, diclară prezidintulu a Consiliului European, Charles Michel, kiro tu cari șefa Comisiillei, Ursula von dir Leyen, feaţi timbihi ari cali lungă până cându aestu lucru va s’poată s’agiungă realitate.

Autor: Roxana Vasile

Armânipsearia: Taşcu Lala