Păradz europeni tră regiunili di dezvoltare
Comisia Europeană aprobă alocarea a 1,4 miliardi tră regiunea di dezvoltari Bucureşti - Ilfov.
Ştefan Stoica, 12.12.2022, 13:28
Ministerlu a Investiţiilor şi Proiectelor Europene di Bucureşti deadi hăbarea că apruke aprobarea oficială ditu partea Comisiei Europene tră Programul Regional Bucureşti-Ilfov. Harta descentralizarillei fondurilor europene easti, ase, completă, cundille instituţia.
Programul Regional Bucureşti-Ilfov s’hărseaşti di ună alocari totală di pisti 1,4 miliardi di euro şi andrupasti, pritn finanţări specifice, transformarea regiunillei tru ună regiune competitivă pritu inovare, digitalizare şi antreprinderi dinamiţi, digitală, tu suţălle cu fisea, cu mobilitate urbană analtă şi accesibilă.
Tutunăoară, Bucureşti-Ilfov va s’agiungă, haristusită a proiectelor finanţate di UE, ună regiune cu infrastructură educaţională modernă, atractivă şi incluzivă.
Ateali optu Programe Regionale aferente perioadăllei 2021-2027 s’hărsescu di ună alocari totală di pisti 11 miliardi di euro. Unăoară cu aprobarea a Programlui Bucureşti-Ilfov, tuti aţeali optu programe regionale, corespunzătoare a regiunilor di dezvoltari, avură aviz pozitiv ditu partea a Executivului european. Eali fură adrati aţea turlie tra s’da izini ti transferul di axizeri administrative şi financiare di la nivelu ali administraţie publiţi centrale la nivelu ali administraţie publică ditu unităţli administrativ-teritoriale, deadunu cu resursili financiare anănghisiti ti exercitarea-a aluştoru, cundilleară reprezentanţăllii a ministerului.
“Himu tru un moment tru cari putem să spunemu că cilăstăserli ţi li ahurhimu tru 2020, tru precedentul mandat, ş’aflară finalitatea tru ună aprăftăsită cari va s’hibă di mari impactu tră domeniul a fondurlor europene”, spun aeşti.
Regiunea Bucureşti-Ilfov ari un caracter ahoryea andicra di alanti regiuni di dezvoltare. Acă ari nai ma ñica suprafaţă, adună aproape 13,5% ditu populaţia a văsiliillei, hiinda regiunea nai cama multu populată şi cu nai ma analtu grad di urbanizare. Programul mutreasti dizvoltarea unei economii mintimenă, sustenabile şi incluzivă cu scupolu ti fătearea cama bunu standardulu di bană şi creaştirea a rezilienţăllei andicra di provocărli societale.
Tru idyiulu kiro, programul va s’valorifică potenţialu competitiv şi va u facă cama cu hăiri capacitatea tra s’aducă dinintea a cetăţeañilor şi a antreprinderilor un mediu atractiv, durabil, curat şi incluziv, tru cari aeşti va s’voru s’băneadză şi s’inveastiască, pritu promovarea a inovarillei, digitalizarillei, acceslui echitabil la serviţi publiţi moderne, educaţie şi oportunităţ di afaceri.
Tuti aestea va s’acaţă tru isapi impearativele eficientizarillei consumurilor energhetiţi, ñîcurarea a emisiilor di CO2 şi adaptarea la provocărli climatice, declară ministrul Marcel Boloş.
Regiunile di dizvoltare nu suntu unităţ administrativ-teritoriale. Eali suntu zone ţi adună ma multi jiudeţi viţini ică aprukeati geografic, cari andregu un cadru di implementare şi di evaluare a politicăllei di dizvoltare regională. Cathi ună regiune easti coordonată di câti ună agenţie tră dezvoltarea regională, aestea hiinda organismi niguvernamentale.
Autoru: Stefan Stoica
Armânipsearea: Taşcu Lala
